JEREMÍAS 21:10 - Biblia Guarani Tumpa Iñee

¹⁰ Echa che jae ambou vaerä kuae tëta guasu re ikavimbae, ambou vaerägüe ikavi vae. Ameeta mburuvicha guasu Babilonia pegua ipo pe, jare jae opata oapɨ. Che ndeYa ko jae kuaekuae.’

JEREMÍAS 21:10 ပူးပေါင်းရင်းမြစ်များ

2 CRÓNICAS 36:19

Oapɨ reta vi Tumpa jo, ombosururu reta Jerusalén ikësea, oapɨ reta vi mburuvicha jo jare omboai opaete mbae jepɨ yae vae.

SALMOS 34:16

YandeYa iyarasɨ ikavimbae oyapo vae reta kotɨ, omboai vaerä ɨvɨ güi jee reta.

JEREMÍAS 17:27

Ërei pe reta mbaetɨ yave peyapo cheporookuai, peñono tee vaerä cheve ara mbutuu, jekuaeño peroike pevoɨta Jerusalén jöke rupi yave, che ayatapɨta jókuae öke reta re, jare opata oapɨ o kavi reta Jerusalén pegua, jare ngaraa kia ipuere ombogüe.’ ”

JEREMÍAS 26:6

che ayapota kuae tupao ndive, Silo ayapo rami. Jare kuae tëta guasu añonota yepopeyu pe, opaete tëtaguasu reta ɨvɨ pegua reta jóvai.’ ”

JEREMÍAS 34:2

“Che, ndeYa Israel iTumpa, royókuai reo vaerä nemiari Sedequías mburuvicha guasu Judá pegua pe, ere: ‘YandeYa jei: Kuae tëta guasu ameeta mburuvicha guasu Babilonia pegua ipo pe jare jae oapɨta.

JEREMÍAS 34:22

Ërei ayokuaita oyerova reta ye vaerä kuae tëta guasu kotɨ, jare opüata jese, opɨ̈rota jare oapɨ retata. Jare ïru tëta guasu reta Judá pegua opɨtata ipombae, mbaetɨ eteita pɨpe vae. Che peYa ko jae kuae.”

JEREMÍAS 38:17

Jayave Jeremías jei Sedequías pe: —YandeYa Imbaepuere yae ete vae, Israel iTumpa, jei: “Reñemee jupiveiño mburuvicha guasu Babilonia pegua iyɨvɨrigua mburuvicha reta pe yave nde jare ndero pegua reta oikoveñota jare kuae tëta guasu ngaraa opa oyeapɨ.

JEREMÍAS 38:18

Ërei mbaetɨ reñemee chupe reta yave, Caldeaɨgua reta opɨ̈rota kuae tëta guasu jare opata oapɨ reta, jare nde ngaraa reasayepe chugüi reta.”

JEREMÍAS 38:23

Jare Jeremías jei ye mburuvicha guasu pe: —Opaete nderembireko jare nemichia reta oñemeeta Caldeaɨgua reta ipo pe, jare nde ngaraa retekuarai chugüi reta, reata Babilonia pegua mburuvicha guasu ipo pe, jare oapɨ retata kuae tëta guasu.

JEREMÍAS 38:3

YandeYa jei: ‘Añetete, kuae tëta guasu oñemeeta ko mburuvicha guasu Babilonia pegua isundaro reta ipo pe, opɨ̈ro retata.’ ”

JEREMÍAS 39:16

“Ekua jare ere Ebed-melec Etiopíaɨgua pe: YandeYa Imbaepuere yae ete vae Israel iTumpa, jei: ‘Ambopota cheñee oñemoërakua kuae tëta guasu oyemboaita vae, mbaetɨ ikavi vae. Kuae oyeapo yave, nde oimeta reï.

JEREMÍAS 39:8

Javoi Caldeaɨgua reta oapɨ mburuvicha guasu jo jare o reta tëta guasu pegua, jare opa ombosururu reta tëta guasu Jerusalén ikësea.

JEREMÍAS 44:11

Jáeramo che, peYa Imbaepuere yae ete vae Israel iTumpa, jae peve: ‘Aruta ikavimbae peré, jökorai amokañɨ vaerä Judá.

JEREMÍAS 44:27

Echa che amaeta aï jese reta, ambou vaerä susere reta yavaete yae vae, mbaetɨta ikavi vae. Opaete Judáɨgua reta yogüɨreko ɨvɨ Egipto pe vae omanota ñeraro ani karuai rupi, opaetei omano regua.

JEREMÍAS 52:13

jare oapɨ yandeYa itupao, mburuvicha guasu jo jare opaete o reta Jerusalén pegua; opaete o tuichagüe reta;

EZEQUIEL 15:7

Che tayovaicho jae reta ndive. Otekuarai tëita tata güi, ërei ïru tata omokañɨteita. Ayovaicho ma jae reta ndive yave, pe reta chekuaata che ko jae peYa vae.

EZEQUIEL 24:11

añonota jókuae yapepo ipombae tata pe oyepiroasɨ regua, tochɨrɨrɨ ikɨa, tókai jugua pe. ¡Ikɨambae topɨta!

LEVÍTICO 17:10

Oipotagüe kuimbae Israel iñemuña reta güi ani ketɨgua reta yogüɨreko pepɨte pe vae güi jou yave tugüɨ, che tayovaicho jókuae tugüɨ jou vae ndive, che tamombo ete kavi jëtara reta ipɨte güi.

LEVÍTICO 26:17

Ayemboyovaichota pekotɨ, jare peñemoamɨriukata perovaicho reta pe; pemotareɨ vae reta güɨnoita mbaepuere peré, jare petekuaraita yepe tëi mbaetɨ kia peraɨkuemoña reve.

AMÓS 2:5

Jáeramo Judá re amoendɨta tata, jare jókuae tata opata oapɨ mburuvicha guasu jo kavi reta Jerusalén pe.”

AMÓS 9:4

Ani jovaicho reta pe opa oyererajauka tembipɨɨrä yave, joko pe oyeyukauka retata kɨsepuku pe; ¡amae aveita jese reta ainupa vaerä, mbaetɨta amborɨ vaerä!”

ZACARÍAS 1:6

Ërei, cheñee jare cheporookuai reta amee cherembiokuai cheñeemombeúa reta pe omombeu vaerä vae, ¿mbaetɨ pa oa peñemuñagüe reta re? Jáeramo, jae reta oyerova ye jare jei reta: YandeYa Imbaepuere yae ete vae oyemongeta kërai yanderereko vaerä yandereko jare yanderembiapo oï rupi, jökorai oyapo yande ndive.’ ”