JEREMÍAS 21:1 - Biblia Guarani Tumpa Iñee

^1-2 Mburuvicha guasu Sedequías omondo Pasur, Malquías taɨ, jare sacerdote Sofonías, Maasías taɨ, Jeremías pɨri jei vaerä chupe: “Eparandu yandeYa pe oreve, echa mburuvicha guasu Babilonia pegua oporepeña oreré. Güɨramoi yandeYa oyapo mbae nunga mɨakañɨ jare Nabucodonosor ojo ye.” Jayave yandeYa omomiari Jeremías.

JEREMÍAS 21:1 ပူးပေါင်းရင်းမြစ်များ

2 REYES 22:13

“Pekua peparandu yandeYa pe cheré, jare opaete vae re, jare opaete Judá pegua reta re, kuae tembikuatía pe ñee reta oñeväe vae regua; echa yandeYa iyarasɨ yae ko yandekotɨ, ñaneñemuñagüe reta mbaetɨ kuae tembikuatía pegua ñee reta jei vae oendu jeko pegua, mbaetɨ vi oyapo reta opaete oyekuatía oï pɨpe vae.”

1 CRÓNICAS 3:15

Josías taɨrɨpɨ jae Johanán, jare mokoía jae Joacim, mboapɨa jae Sedequías, jare irundɨa jae Salum.

1 CRÓNICAS 9:12

Adaía, Jeroham taɨ, Jeroham jae Pasur taɨ, Pasur jae Malquías taɨ; Masai jae Adiel taɨ, Adiel jae Jazera taɨ, Jazera jae Mesulam taɨ, Mesulam jae Mesilemit taɨ, Mesilemit jae Imer taɨ,

2 CRÓNICAS 36:17

Jáeramo yandeYa güeru Caldeaɨgua reta juvicha guasu oporepeña vaerä jese reta, jae oyuka kɨsepuku pe taɨrusugüe reta jare jókuae tupao pe etei, mbaetɨ etei oiparareko kunumi reta jare kuñatai reta, indechi vae reta ani ipuerembae reta ave. Opaetei yandeYa omee reta ipo pe.

NEHEMÍAS 11:12

Jare vi jëtara reta tupao guasu pe oyeokuai vae, opaete reve ocho ciento veintidó; jare Adaías, Jeroham taɨ; Jeroham jae ko Pelaías taɨ; Pelaías jae ko Amsi taɨ; Amsi jae ko Zacarías taɨ; Zacarías jae ko Pasur taɨ; Pasur jae ko Malquías taɨ.

JEREMÍAS 29:25

“YandeYa Imbaepuere yae ete vae Israel iTumpa jei: ‘Nde rembou tupapire nderee re opaete vae pe Jerusalén pe yogüɨreko vae pe, jare sacerdote Sofonías, Maasías taɨ pe, jare ïru sacerdote reta pe. Jókuae tupapire pe oyekuatía ñee vae jei Sofonías pe:

JEREMÍAS 29:29

Sacerdote Sofonías omongeta jókuae tupapire Jeremías pe.

JEREMÍAS 35:4

jare araja reta tupao pe, Hanán jemimboe reta icuarto pe, jae ko Igdalías taɨ, jae ko metei Tumpa jembiokuai. Jae ko mburuvicha reta icuarto iyɨpɨ pe; Maasías, Salum taɨ tupao jöke iyangarekoa icuarto iárambo.

JEREMÍAS 37:1

Nabucodonosor, mburuvicha guasu Babilonia pegua, omboguapɨ Judá pe mburuvicharä Sedequías, Josías taɨ, Conías, Joacim taɨ jekovia pe.

JEREMÍAS 37:17

mburuvicha guasu Sedequías omondo güɨnoeuka jare güeruruka jae oïa pe; jare Jeremías oyereraja ma mburuvicha guasu jóvai yave, jae oparandu vɨari chupe: —¿Oime pa mbae nunga ñee yandeYa güi? Jeremías jei chupe: —Oime. Jae ko kuae: “Nde cheruvicha guasu, reata mburuvicha guasu Babilonia pegua ipo pe.”

JEREMÍAS 37:3

Mburuvicha guasu Sedequías omondo Jucal, Selemías taɨ, jare sacerdote Sofonías, Maasías taɨ jei reta vaerä Jeremías pe: “Eyerure oreré yandeYa Tumpa pe.”

JEREMÍAS 37:7

jókuae yogüeru ípɨri vae reta pe: “Pere mburuvicha guasu Judá pegua pe, jókuae pembou peparandu vaerä cheve vae pe, Faraón isundaro reta yogüeru tëi pereepɨ vaerä vae, opa ye oyerova Egipto kotɨ.

JEREMÍAS 38:1

Sefatías, Matán taɨ, Gedalías, Pasur taɨ, Jucal, Selemías taɨ jare Pasur, Malquías taɨ, oendu reta Jeremías iñee opaete tëta pegua reta pe, jei:

JEREMÍAS 38:14

Taɨkue rupi mburuvicha guasu Sedequías omondo güeruruka ñeemombeúa Jeremías jae oïa pe, yandeYa jo jöke mboapɨa pe. Jare jei chupe: —Aparanduta ndeve, agüɨye etei eikuaku chegüi metei ave mbae.

JEREMÍAS 52:24

Sundaro omaeäro vae reta juvicha oipɨɨ vi Seraías, sacerdote tenondegua, jare Sofonías, sacerdote jaɨkuegua jare mboapɨ tupao joka järoa reta.