JEREMÍAS 20:9 - Biblia Guarani Tumpa Iñee

⁹ Jae yave: “Agüɨye mo tachemaendúa cheYa re, agüɨye mo tachemiari jee re.” Ërei jayave neñee cheɨvɨte pe tata rami, chekägüe rupi ojo, aipota tëi aropɨa, ërei mbaetɨ chepuere.

JEREMÍAS 20:9 ပူးပေါင်းရင်းမြစ်များ

SALMOS 39:3

Ërei ¡cheɨvɨte pe jakuvo! Chepɨa pe ayemboakuvo, jare jae cheñeeäta reve:

JEREMÍAS 23:29

Cheñee ko tata rami, jare martillo opa oyoka ita guasu vae rami. Che ndeYa ko jae kuae.

JEREMÍAS 23:9

Ñeemombeúa reta regua oñemoërakua jeko pegua, chepɨatɨtɨ yae aï; opaetei cherete orɨrɨi, osavaɨpogüe rami aï, vino jou mbatee vae rami, yandeYa jare iñee ikɨambae jeko pegua.

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

JEREMÍAS 6:11

Chearasɨ yae vi ko aï ndearasɨ ramo cheYa, mbaetɨ ma chepuere chepɨaguasu.” YandeYa jei cheve: “Eitɨ chearasɨ michia reta kaye rupigua re, taɨrusu reta yatɨ yatɨ vae re. Toyereraja tembipɨɨrä kuimbae reta jembireko reve reve, ndechi reta jare indechiasɨ vae reta.

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

EZEQUIEL 3:3

Javoi jei cheve: “Emókoi kuae oyekuatía oyepomombɨ vae, eñemoɨ̈vɨata pɨpe.” Che amókoi, jare ayandu jëe yae ei rami cheyuru pe.

AMÓS 3:8

Yaguapope oñee yave, ¿kia pa mbaetɨta okɨɨye? YandeYa Tumpa omoë iñee yave, ¿kia pa mbaetɨta imiari jese?

JONÁS 1:2

“Epüa, ekua tëta guasu Nínive pe, jare emoërakua chupe opata amboai vae, echa iyoa jeiete yae ma cheróvai.”

JONÁS 1:3

Ërei Jonás opüa otekuarai vaerä yandeYa güi tëta Tarsis kotɨ, jare ojo tëta Jope kotɨ, joko pe oväe metei barco ojota oï Tarsis kotɨ vae; oyemboepɨ jare oyeupi pɨpe ojo vaerä jae reta ndive Tarsis kotɨ, mombɨrɨ yandeYa güi.

San Lucas 9:62

Ërei Jesús jei chupe: —Ombaeara vae mbaetɨ ko omae jaɨkue kotɨ. Jókuae nunga ngaraa ikavi Tumpa iporookuaía peguarä.

Hechos 17:16

Pablo oäro oï Silas jare Timoteo Atenas pe ramboeve, oecha jókuae tëta guasu pegua reta itumpa-raanga pota yae yave, iyarasɨ.

Hechos 18:5

Silas jare Timoteo yogüeru oväe yave Macedonia güi, Pablo oñemoäta ngatu yae oï omoërakua vaerä Tumpa iñee. Omombeu reve judío reta pe Jesús ko jae Cristo.

Hechos 4:20

Echa ore romombeu ñotai ko roecha jare roendu vae.