JEREMÍAS 20:7 - Biblia Guarani Tumpa Iñee

⁷ CheYa Tumpa, nde ko chembotavɨ, jare che chetavɨ; nepɨ̈rata yae chegüi jare chemoamɨri. Ara ñavo cheyóyai yóyai reta vae; opaete vae opuka cheré.

JEREMÍAS 20:7 ပူးပေါင်းရင်းမြစ်များ

2 REYES 2:23

Javoi Eliseo ojo joko güi Bet-el kotɨ, jare tape rupi ma ojo oiko yave ñogüɨnoe chupe tëta guasu pegua kunumi reta, jare oyóyai yóyai reta jei reta reve: “¡Iñäka raambae, eyeupi! ¡Iñäka raambae, eyeupi!”

JOB 12:4

Che ko kuimbae jekombae jare jupi vae, tenonde rupi Tumpa oendu yepi ko cheyerure, ërei jeseve añave chevɨa-ïru reta cheyóyai yóyai.

JOB 30:9

Añave jae reta cheyóyai yóyai, opuka reta cheré vaeräño aiko.

SALMOS 119:51

Ipɨapochɨ vae reta jeta cheyóyai yóyai, ërei che mbaetɨ apia ndeporookuai reta güi.

ISAÍAS 8:11

YandeYa chepɨɨ täta, jare cheokuai agüɨye vaerä amomoe kuae tëta oyapogüe. Jei cheve:

JEREMÍAS 15:10

¡Tataɨ, chesɨ, chugüi aa vae jaeño ayoaka jare añoraro vaerä opaete ɨvɨ pegua reta ndive! Mbaetɨ etei kia pe ave aiporu korepoti, cheve ave mbaetɨ kia ombaeporu, ërei opaete vae oyepopeyu cheré.

JEREMÍAS 15:18

¿Maera pa chepɨa pe jasɨ vae mbaetɨ oasa? ¿Maera pa chepere mbaetɨ okuera; okueraä etei moa oñeñono jese yave? ¿Chereeyata pa nde, ɨesaɨ tɨpa katu vae rami?

JEREMÍAS 17:16

Ërei che cheYa, mbaetɨ romoñera reiporarauka vaerä chupe reta, mbaetɨ vi aipota chupe reta mbaesusere. Nde reikuaa kavi, mbae ko jae nderóvai vae,

JEREMÍAS 20:9

Jae yave: “Agüɨye mo tachemaendúa cheYa re, agüɨye mo tachemiari jee re.” Ërei jayave neñee cheɨvɨte pe tata rami, chekägüe rupi ojo, aipota tëi aropɨa, ërei mbaetɨ chepuere.

JEREMÍAS 29:26

YandeYa neñono sacerdoterä sacerdote Joiada jekovia pe, reyangareko vaerä tupao pe. Oime yave oyekuaa imbokere vae jare omboɨpɨ imiari ñeemombeúa rami yave, nde reipɨɨta reñono tembipɨɨrɨru pe ɨvɨrakua pe.

JEREMÍAS 38:19

Sedequías jei: —Aipoɨuño añemee, echa güɨramoi Caldeaɨgua reta chemeeta Judá pegua reta oasa ikotɨ reta vae ipo pe, jare oyuvangata cheré reta.

LAMENTACIONES 3:14

Opaete cherëtaɨgua reta cheyóyai yóyai; ara ñavo cheyóyai yóyai reta vaerä aiko.

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

San Lucas 16:14

Jare fariseo reta kuae oendu vi yave opaete kuae mbaembae, oyóyai reta Jesús. Echa jae reta imbaepotarai yae ko.

San Lucas 23:11

Jayave Herodes jare isundaro reta oyuvanga jare oyóyai reta Jesús. Jayave omondeuka chupe temimonde ipöra vae. Javoi güɨrajauka ye Pilato pe.

Hechos 17:18

Jare amogüe arakuaa regua reta oyoaka Pablo ndive. Jae reta ko yemboe epicúreo jare estoico pegua reta. Amogüe jei: —¿Mbae ra oipota jei kuae imiari mbatee vae? Ïru vae reta jei: —Ïru tumpa yaikuaambae vae re omoërakua vae ndipo. Echa Pablo omoërakua chupe reta ñee ikavi vae Jesús regua jare kërai oikove ye omanogüe reta ipɨte güi vae.

Hechos 17:32

Jare oendu reta oikove ye omanogüe reta ipɨte güi vae regua yave, amogüe vae oyóyai. Ërei ïru vae reta jei Pablo pe: —Ïru ara royeapɨsaka yeta nderé kuae re.

1 Corintios 9:6

¿Peyemongeta pa jaeño che jare Bernabé mbaetɨ orepuere roputuu?

Hebreos 11:36

Ïru vae reta oyeyuvangauka iyé jare oñenupauka chikote pe, jare ïru vae reta oñeñoñauka tembipɨɨrɨru pe.