JEREMÍAS 20:5 - Biblia Guarani Tumpa Iñee

⁵ Ameeta vi tovaicho reta ipo pe opaete mbaeyekou kuae tëta guasu pegua, opaete mbaembae jare opaete mbaembae jepɨ vae reta, jare opaete mburuvicha guasu Judá pegua imbaembae jepɨ vae reta, güɨraja vaerä Babilonia pe.

JEREMÍAS 20:5 ပူးပေါင်းရင်းမြစ်များ

2 CRÓNICAS 36:10

Año oväe ye vae re, mburuvicha guasu Nabucodonosor ombou güɨrajauka Babilonia pe, tembiporu reta jepɨ yae vae yandeYa jo pegua ndive, jare jëtara Sedequías omboguapɨ mburuvicha guasurä Judá jare Jerusalén re.

ISAÍAS 39:6

“Metei ara, opaeteita oyereraja Babilonia kotɨ kuae ndero pe oimegüe, neñemuñagüe reta omboatɨgüe. Mbaetɨ eteita mbae jembɨre. Che ndeYa ko jae körai.

JEREMÍAS 12:12

Opaete ñuu ɨvate vatea rupi yogüeru oporomboai vae reta, echa che peYa, kɨsepuku anoi omboai vaerä kuae ɨvɨ jembeɨ güive ïru jembeɨ pe, ngaraa oime mbɨakatu metei vae pe ave.

JEREMÍAS 15:13

Israel, romeeta ndeyoa reta jeko pegua nderovaicho reta ipo pe, ndembaeyekou reta jare opaete ndembaembae reta jepɨ vae, opaete renoi ndeɨvɨ pe vae, güɨrajaiño vaerä iyeupe reta.

JEREMÍAS 17:3

jare ɨvɨtɨ reta ñuu pegua re. Ndeyoa jeko pegua, apɨ̈roukata ndegüi opaete ndembaeyekou reta; oñepɨ̈rota ndegüi, mbaemboete renda reta ɨvɨtɨ rupigua, opaete ndeɨvɨ rupi renoi vae jeko pegua.

JEREMÍAS 3:24

Oretumpa-raanga pota vae, opa omokañɨteiuka oreñemuñagüe reta oväe orendei yave güive vae; jae ko: Vecha reta, guaka reta, taɨ reta jare tayɨ reta.

JEREMÍAS 32:24

Añave Caldeaɨgua reta güeru tembiporu omombu vaerä tëta guasu ikësea; jare ñeraro, karuai jare mbaerasɨ ovakatu vae jeko pegua, tëta guasu oata jókuae oporepeña jese vae reta ipo pe. CheYa, reecha ko añave oyembopo ma oï remoërakuagüe.

JEREMÍAS 39:2

Jare onsea año, irundɨ yasɨa, ara chaúa pe, Sedequías oiko mburuvicha guasurä yave, tovaicho reta omombu tëta guasu ikësea,

JEREMÍAS 39:8

Javoi Caldeaɨgua reta oapɨ mburuvicha guasu jo jare o reta tëta guasu pegua, jare opa ombosururu reta tëta guasu Jerusalén ikësea.

JEREMÍAS 4:20

Oyoaɨkue yoaɨkue jërakua susere; echa tëtaguasu opaetei oyemboai oï. Aramoete opa oyemboai chero reta, jendagüe opɨta chero guakapi pegua.

LAMENTACIONES 1:10

Tovaicho reta oyemombae opaete Jerusalén pegua mbaembae jepɨ vae re. Jerusalén oecha ketɨgua reta oike o mbaemboetea pe vae, ¡reporookuai tëi agüɨye vaerä ketɨgua reta oike pɨpe vae pe!

LAMENTACIONES 1:7

Jerusalén imaendúa, pɨpegua reta opa oa tovaicho reta ipo pe jare mbaetɨ kia omborɨ vae yave, imaendúa jae ipɨatɨtɨ opɨta vae re, jare oyembopɨapochɨ vae re. Imaendúa vi jeta mbaembae ipöragüe güɨreko arakae güive vae re. Jovaicho reta oecha yave jókuae, oyóyai yóyai reta opa oyemboai vae re.

LAMENTACIONES 4:12

Opaete ɨvɨ pegua mburuvicha guasu reta, jare opaete ɨvɨ pe yogüɨreko vae reta, mbaetɨ etei güɨrovia tovaicho reta oiketa ko Jerusalén jöke rupi etei vae.

EZEQUIEL 22:25

nde ko jae ɨvɨ, neñeemombeúa reta yaguapope rami oporoyuka vae; oporoyuka reta, opɨ̈ro reta ɨvɨ jare mbaeyekou, ombojeta reta imemano vae tëta guasu pe.

DANIEL 1:2

Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.

OSEAS 13:15

Yepe tëi togüɨnoi jeta mbaembae jëtara reta ipɨte pe, outa ɨvɨtuakuvo, yandeYa iɨvɨtuai oyepeyu ñuu kotɨ güi vae, kuae omotinita jare omondɨpata ɨesaɨ reta. Tovaicho reta güɨrajata pembaembae jepɨ yae vae.