JEREMÍAS 20:4 - Biblia Guarani Tumpa Iñee

⁴ Echa yandeYa jei körai: ‘Ropoepɨta kɨɨye rupi reiko vaerä jare opaete ndevɨa-ïru reta okɨɨyeta ndegüi; nderovake ndevɨa-ïru reta opata omano tovaicho reta ipo pe. Ameeta opaete Judá pegua reta mburuvicha guasu Babilonia pegua ipo pe, jae güɨrajata iɨvɨ güi ani oyukata kɨsepuku pe.

JEREMÍAS 20:4 ပူးပေါင်းရင်းမြစ်များ

2 REYES 25:7

Opa oñaseokɨ̈ti Sedequías taɨ reta jae jovake etei; jare Sedequías güi güɨnoe reta jesäɨ, jare oipokua reta karena pe güɨraja Babilonia kotɨ.

SALMOS 73:19

¡Aramoete pegua opa okañɨtei reta! ¡Kɨɨye ndive opa okañɨtei reta!

JEREMÍAS 13:10

Kuae tëta jeko kavimbae vae, ñäteɨ cheporookuai oyapo vae, ipɨa jemimbotaño ombotenonde vae. Omboete jare oyeokuai tumpa ambuae reta pe. Jae ko, jókuae kuakuaa mbaetɨ etei ma ikavi rami.

JEREMÍAS 13:19

Tëta guasu reta Neguev pegua opa oñeova ñogüɨnoi; mbaetɨ kia ipuere oë. Opaete Judá pegua opa oyereraja, tembipɨɨrä opa oyereraja.

JEREMÍAS 19:15

“YandeYa Imbaepuere yae ete vae Israel iTumpa jei: ‘Ambouta kuae tëta guasu re jare opaete tëta iyɨvɨrigua reta re tembiporara amoërakua chupe reta vae, echa oyembopɨa täta yae reta mbaetɨ vaerä oendu reta cheñee reta.’ ”

JEREMÍAS 20:6

Jare nde, Pasur, reyererajaukata Babilonia pe, opaete ndero pegua reta ndive. Joko pe remanota, joko pe vi neñotɨ retata opaete ndevɨa-ïru reta ndive, jókuae ndeapu reve remoërakua mbae maratuta vae re chupe vae reta.’ ”

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 29:21

YandeYa Imbaepuere yae ete vae, Israel iTumpa jei Acab, Colaías taɨ regua, jare Sedequías, Maasías taɨ regua, kërai jae reta omombeu peve añetembae yandeYa jee re. YandeYa jei körai: ‘Ameeta oa reta vaerä Nabucodonosor, mburuvicha guasu Babilonia pegua ipo pe, jare jae oyuka retata perovakei.

JEREMÍAS 46:5

Ërei ¿mbae pa ko aecha? Oyerova ye reta okɨɨye yae reve. Jëia yae vae reta iñamɨri jare opa oñemoai moai; oë osɨi reta, oyerovambae etei omae jaɨkue kotɨ. ¡Oime kɨɨye opaete rupi! Che ndeYa ko jae kuae.

JEREMÍAS 52:24

Sundaro omaeäro vae reta juvicha oipɨɨ vi Seraías, sacerdote tenondegua, jare Sofonías, sacerdote jaɨkuegua jare mboapɨ tupao joka järoa reta.

JEREMÍAS 6:25

¡Agüɨye peë tëta güi ikatu kotɨ, agüɨye vi peguata tape rupi! Echa ¡tovaicho reta jembiporu ñeraro pegua ndive ñogüɨnoi; kɨɨye oime opaete rupi!”

1 SAMUEL 2:33

Kuimbae nerëtara reta oyeokuai mɨmba oyeyuka oyeapɨ jese vae pe amoembɨre vae, reechata isusere jare jasɨ katu ndeve, opata omano taɨrusu reve.