JEREMÍAS 20:18 - Biblia Guarani Tumpa Iñee

¹⁸ ¿Maera ra aë chesɨ jɨe güi, aecha vaerä jasɨ katu vae jare mbɨatɨtɨ, amano regua ñemomarai pe?

JEREMÍAS 20:18 ပူးပေါင်းရင်းမြစ်များ

1 REYES 19:4

Jare jae ojo ñuu kotɨ, metei ara oguata, jare ou oguapɨ metei ɨvɨra igüɨ pe; jare oipotaecha omano, jare jei: “¡Joko peño mo cheYa, eekɨ chegüi cherekove, echa mbaetɨ ko ayapɨraa cheru reta chereko kavi pe!”

JOB 14:1

Kuña imembɨ, mbaetɨ ɨma oiko, jare oiporara yae.

JOB 14:13

Aipotaecha chemoñemi omanogüe reta ñogüɨnoia pe, jae cheöva vaerä ndearasɨ oasa regua, rembojee ara nemaendúa vaerä cheré vae regua.

JOB 3:20

¿Maera ra Tumpa omaeño oikove oiporara vae? Jare jekuaeño oikove ipɨatɨtɨ yae vae reta,

JOB 5:7

Kuimbae jeko pegua ko oime tembiporara, tatapiriri oyeapo tata güi rami.

SALMOS 102:3

Echa cherekove opa oï chegüi tätati rami; jare chekägüe reta opa ókai tatasɨgüe rami.

SALMOS 69:19

Nde reikuaa ko kërai chekura reta vae, chembopɨakavimbae vae jare chemomarai reta vae; nde reikuaa ko opaete cherovaicho reta.

ISAÍAS 1:6

Pepɨ mbɨte güive peäka kotɨ mbaetɨ ikavi, ipere oï, iruru oï, ichuumbi pepere; mbaetɨ oñepoano, mbaetɨ oyeokua, mbaetɨ vi oñepoano olivo iasaite pe.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

JEREMÍAS 15:10

¡Tataɨ, chesɨ, chugüi aa vae jaeño ayoaka jare añoraro vaerä opaete ɨvɨ pegua reta ndive! Mbaetɨ etei kia pe ave aiporu korepoti, cheve ave mbaetɨ kia ombaeporu, ërei opaete vae oyepopeyu cheré.

JEREMÍAS 15:18

¿Maera pa chepɨa pe jasɨ vae mbaetɨ oasa? ¿Maera pa chepere mbaetɨ okuera; okueraä etei moa oñeñono jese yave? ¿Chereeyata pa nde, ɨesaɨ tɨpa katu vae rami?

JEREMÍAS 3:25

Oreropa jare oremara yae, echa orendei güive añave regua, ore jare oreñemuñagüe reta oreyoa nde oreYa Tumpa kotɨ, jare mbaetɨ royapo nde rere vae.”

JEREMÍAS 8:18

Chepɨatɨtɨ yae jeko pegua, chepɨa omano.

LAMENTACIONES 1:12

Tape rupi peasa vae reta, ¿mbaetɨ pa cheparareko pemae cheré? ¡Pemae jare peyemongeta!, ¿oime ra che rami oiporara yae vae? ¡Echa cheYa ko oiporarauka cheve iyarasɨ iara pe!

LAMENTACIONES 3:1

Che ko jae, aiporara Tumpa iyarasɨ vae.

HABACUC 1:3

¿Maera pa remaeño aecha ikavimbae jare yemoambeko reta? Ipɨa-pïrimbae jare kañɨtei ipɨte pe aï; opaete rupi oime ñeapo reta jare ñeraro reta.

San Juan 16:20

Añetete che jae peve, peyaeota jare pepɨatɨtɨta, ërei ɨvɨ pegua reta oyeroviata. Yepe tëi pepɨatɨtɨta, ërei pepɨatɨtɨ reta oyepoepɨta yerovia katu pe.

Hechos 5:41

Jayave temimondo reta ñogüɨnoe mburuvicha judío reta ñogüɨnoi vae güi oyerovia yae reve, Tumpa omee oiporara reta vaerä Jesús jee re ramo.

2 Timoteo 1:12

Jáeramo aiporara aï. Ërei mbaetɨ chemara, echa aikuaa kia re arovia vae, jare aikuaa vi jae imbaepuere yae ko oñovatu vaerä cheve che amee ipo pe vae, jókuae ara ou oväe regua.

Hebreos 10:36

echa jaekavi ko pepɨaguasu vaerä, peyapo vaerä Tumpa jemimbota, jökorai penoi vaerä jae güɨrökuavee vae.

Hebreos 11:36

Ïru vae reta oyeyuvangauka iyé jare oñenupauka chikote pe, jare ïru vae reta oñeñoñauka tembipɨɨrɨru pe.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 13:13

Jáeramo yaja ikotɨ tëta guasu güi ikatu pe, yaiporara vi ñereröɨro Jesús rami,