JEREMÍAS 20:16 - Biblia Guarani Tumpa Iñee

¹⁶ ¡Jókuae kuimbae, toiko tëta guasu reta yandeYa opa omboai jekuae avei pegua rami! ¡Toendu avei täse ndeimbove yave, jare kuaraɨ ara mbɨte yave, sapúkai ñeraro pegua,

JEREMÍAS 20:16 ပူးပေါင်းရင်းမြစ်များ

JEREMÍAS 18:22

Embou chupe reta iparanoe jetagüe tovaicho. ¡Jäse reta toyeendu jo rupi okɨɨye güi! Echa oyoo reta ɨvɨkua chepɨɨ vaerä, ñuai oñono reta cheraperä pe.

JEREMÍAS 18:8

Ërei jókuae tëtaguasu reta oyepoepɨ ikavimbae güi yave, mbaetɨta ma ambou mbaeporara amokätɨro anoi jese reta vae.

JEREMÍAS 23:14

Che aecha ñeemombeúa reta Jerusalén pegua oyapo mbae pɨ̈chɨi yae vae; oyapo reta aguasa jare oporombotavɨ reta, jökorai omoäta ngatu reta jeko kavimbae reta, agüɨye vaerä oyepoepɨ reta jeko kavimbae güi. Jae reta jare tëta pegua reta, Sodoma jare Gomorra rami ko cheve.

JEREMÍAS 26:13

Añave peyeapo kavi pereko reta güi jare perembiapo reta güi, jare peendu peYa Tumpa iñee, jayave yandeYa oipoepɨta iyemongeta, oyapota tëi ikavimbae peve vae güi.

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

LAMENTACIONES 4:6

Echa jeiete yae cherëta guasu pegua reta iyoa, Sodoma pegua reta iyoa güi; jókuae tëta opa oyemboai jarembae pegua, mbaetɨ etei kia oporepeña jese reve.

EZEQUIEL 21:22

Jare ipo iyakatu kotɨ oë chupe suerte Jerusalén regua, oporepeña vaerä jese, omboɨpɨ vaerä oporoyuka, osapúkai vaerä sapúkai ñeraro pegua, oyoka vaerä jöke reta tembiporu öke iyokaa pe jare omopüa vaerä yeupika reta tëta guasu ikësea re, opaetei vaerä oñova.

OSEAS 10:14

pemoäsembaita ñeraro, jare opaete pekësea jëguambae oyemboaita, mburuvicha guasu Salmán omboai Bet-arbel ñeraro iara pe rami, michia reta ichɨ ndive oyakambɨ rami.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

OSEAS 13:14

¿Mano güi etei pa apɨ̈ro yeta? ¿Aepɨta pa mano güi? ¿Ketɨ pa oime oï mano imbaepuere oporomokañɨtei vae? ¿Tëogüe-rɨru, ketɨ pa oime ñogüɨnoi neporomokañɨtei? ¡Mbaetɨta ma aiparareko reta!”

AMÓS 1:14

Jáeramo tëta Rabá ikësea re amoendɨta tata, jare jókuae opata oapɨ mburuvicha guasu jo kavi reta, jɨapu reve, ñeraro iara pe jare mbaesusere iara pe.

AMÓS 2:2

Jáeramo ɨvɨ Moab re amoendɨta tata, jare jókuae tata opata oapɨ mburuvicha guasu jo kavi reta tëta Queriot pe; jare ɨvɨ Moab pegua reta omanota jäsémbai reve, mimbɨguasu ñeraro pegua oñee vae iyavei.

AMÓS 4:11

“Pomokañɨtei, Sodoma jare Gomorra opa amboai rami; tatasɨgüe tata güi oñerenoegüe rami peasayepe, ¡ërei mbaetɨ peyerova ye chekotɨ!” Jei yandeYa.

JONÁS 3:4

Jonás omboɨpɨ oike tëta guasu rupi, tenondegua ara pe omboɨpɨ oñemoñee, jei körai: “¡Mase, kuae güi cuarenta araa pe Nínive okañɨteita!”

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

SOFONÍAS 1:16

mimbɨguasu ñeraro pegua jare sapúkai ñeraro pegua iara outa tëta guasu oñekëse kavi vae re, jare jo ɨvate yae vae, sundaro reta imaeka re.

San Lucas 17:29

Ërei jókuae ara Lot oë Sodoma güi yave, oa ara güi tata azufre ndive jare opa omokañɨtei Sodoma pegua reta.

DEUTERONOMIO 29:22

Jare peñemuña reta peraɨkue rupi oimeta vae, jare ketɨgua mombɨrɨ güi ou vae, oecha mbae ikavimbae jare mbaerasɨ reta yandeYa ombou kuae ɨvɨ pe vae yave;

DEUTERONOMIO 29:23

oecha retata azufreño, yukɨ jare ɨvɨ okaigüeño. Mbaetɨta mbae ipuere oñeotɨ pɨpe, mbaetɨta vi mbae oñemuña pɨpe, mbae nunga ñana ave mbaetɨta oñemuña pɨpe, Sodoma, Gomorra, Adma jare Zeboim oñemokañɨtei yave rami, yandeYa iyarasɨ jeko pegua omboai kuae tëta reta.

2 Pedro 2:6

Jaeramiño vi Tumpa ombou tata tëta guasu reta Sodoma jare Gomorra re opa vaerä omboai. Jaeño opɨta itanimbugüe. Jökorai opɨta opaete jeko kavimbae vae reta oikuaa vaerä.

Judas 1:7

Jaeramiño vi Tumpa oiporarauka Sodoma jare Gomorra jare iyɨvɨrigua tëta guasu reta pe. Echa joko pegua reta oyapo aguasa jare kuimbae reta oyogüɨreko oyoupii. Jáeramo oiporara reta tata opambae oikuaauka vaerä ïru vae reta pe agüɨye vaerä oyapo jae reta oyapo rami.