JEREMÍAS 20:12 - Biblia Guarani Tumpa Iñee

¹² CheYa Imbaepuere yae ete vae, nde remae kavi jupi rupi yogüɨreko vae re vae, nde reikuaa katu kuimbae ipɨa iyemongeta vae, eechauka cheve kërai reiporarauka chupe reta vae, echa che añeñono ndepo pe.

JEREMÍAS 20:12 ပူးပေါင်းရင်းမြစ်များ

2 CRÓNICAS 24:22

Jökorai mburuvicha guasu Joás mbaetɨ imaendúa Joiada, Zacarías tu iporoparareko ikotɨ vae re, jare oyuka taɨ Zacarías. Jare omanota ma yave jei: “¡YandeYa toecha kuae jare tojäa!”

SALMOS 11:5

YandeYa omae kavi jupi vae reta re, ërei omotareɨ jeko kavimbae vae reta jare ipɨarai vae reta.

SALMOS 139:23

CheRu Tumpa, emae kavi cheré, eikuaa chepɨa; chejäa, jare eikuaa cheyemongeta reta,

SALMOS 17:3

Nde reikuaa cheyemongeta, pɨ̈tu yave nde remae cheré, cheñono morojäa pe ërei mbaetɨ reväe teko cheré, echa añono chepɨa pe agüɨye vaerä ayavɨ mbae jae.

SALMOS 54:7

echa nde cheyora opaete chepɨatɨtɨ reta güi, jare aecha cherovaicho reta iñamɨri.

SALMOS 58:10

Oyeroviata jupi vae oecha yave kia oyepɨ chupe; ¡ipɨ oyoeta jupimbae reta jugüɨgüe pe!

SALMOS 59:10

Tumpa cheparareko vae ojota cherenonde, Tumpa omeeta aecha vaerä cherovaicho reta ikañɨtei.

SALMOS 62:8

¡Cherëtaɨgua reta! Jeseño peyeko; pemee pepɨa chupe, Tumpa jae ko yandeveguarä ñaneñemía.

SALMOS 7:9

¡Topa mo añave jeko kavimbae reta jembiapo, ërei emomɨ̈rata, jupi yogüɨreko vae reta! Echa nde, Tumpa jupi vae ko, reikuaa yemongeta kia iyɨvɨte pe güɨnoi vae.

SALMOS 86:4

CheYa Tumpa, che nderembiokuai, chemboyerovia, echa ayerure ko ndeve.

ISAÍAS 37:14

Ezequías oipɨɨ jókuae tupapire, jókuae mburuvicha guasu jekovia pe imiari vae reta ipo güi jare omongeta. Javoi ojo tupao pe, jare oipea yandeYa jóvai,

ISAÍAS 38:14

Cheräse ärakua jare tapérai rami, ani pɨkasu rami. Cheköe amae ara kotɨ. ¡CheYa, aiporara aï, chemborɨ!

JEREMÍAS 11:20

Ërei nde, cheYa Imbaepuere yae ete vae, jupi rupi oporojäa vae; nde reikuaa opaete kuimbae reta iyemongeta vae. Emaeño taecha, kërai reiporarauka chupe reta vae, echa ndepo pe che añeñono.

JEREMÍAS 12:8

Kuae tëta chembae vae, añave yaguapope kaa rupigua rami oyeapo cheve; jäse jäse oporepeña cheré, jáeramo aröɨro.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

JEREMÍAS 17:18

Emomaraiuka chemotareɨ vae reta, ërei che agüɨye jökorai. Emongɨɨye reta, ërei che agüɨye jökorai. Embou jese reta mbaesusere, opaetei emokañɨtei reta.

1 Pedro 2:23

Yepe tëi ïru vae reta jei ikavimbae vae ikotɨ, ërei jae mbaetɨ omboyevɨ ñee ikavimbae vae ikotɨ reta. Oiporara oï yave, mbaetɨ jei oiporaraukata ko chupe reta vae. Jaeño oñono Tumpa oporojäa jupi rupi vae ipo pe.

1 Pedro 4:19

Jáeramo Tumpa jemimbota rupi oiporara vae reta jekuaeño toñeñono Iyapoa jupi vae ipo pe, jare toyapo ikavi vae.

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”

1 SAMUEL 1:15

Jare Ana jei chupe: —Mbaetɨ ko jökorai cheru. Che jae ko metei kuña oiporara yae oiko vae; mbaetɨ jau vino ani mbae oporombosavaɨpo vae ave, yandeYa jóvai ko aru amboyekuaa chepɨatɨtɨ.