JEREMÍAS 20:11 - Biblia Guarani Tumpa Iñee

¹¹ Ërei ngatu nde cheYa, oime reï che ndive, metei ñeraro regua imbaepuere yae vae rami; jáeramo, oeka teko cheré vae reta, ngaraa ipuere chemoamɨri; ipuereä jeko pegua imara yaeta opɨta jekuae avei rupi, jare ngaraa iñakañɨ reta chugüi vae.

JEREMÍAS 20:11 ပူးပေါင်းရင်းမြစ်များ

SALMOS 35:26

Toñemomaraiuka jare tipɨa jopa reta metei rami, oipota ikavimbae oyapo cheve vae reta. Timara jare tipɨa jopa topɨta oyembotuicha chekotɨ vae reta.

SALMOS 40:14

Metei rami toñemomaraiuka reta, cheyuka vaerä chereeka vae reta, totekuarai reta chegüi, toñemomaraiuka reta, ikavimbaeño oipota cheve vae reta.

SALMOS 47:2

Echa yandeYa Tuichagüe yae ete vae, kɨɨyea ko; jae ko Mburuvicha guasu opaete ɨvɨ re.

SALMOS 6:10

Opaete cherovaicho reta oñemomaraiukata jare okɨɨyeta; ¡güɨramoi peguaño otekuarai retata imara reve!

SALMOS 65:5

Mbae tuichagüe rupi remboyevɨta oreve jupi vae, cheRu Tumpa orereroasayepe vae, opaete ɨvɨ pegua reta oyerovia jese vae, mombɨrɨ ɨguasu jembeɨ rupi ñogüɨnoi vae reta vi.

SALMOS 66:5

Peyu pemae Tumpa jembiapo reta re, mɨakañɨ reta tuichagüe oyapo kuimbae reta peguarä:

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 45:16

Opaete tovaicho reta oñemomichita jare imara yaeta opɨta. Jare tumpa-raanga iyapoa reta imara yaeta opɨta.

JEREMÍAS 1:18

Che roñono añave, tëta guasu oñekëse kavi yae vae rami, okɨta jiero pegua rami, okɨta jiero iyu vae pegua rami, opaete kuae ɨvɨ Judá pegua reta kotɨ: Juvicha guasu reta kotɨ, itenondegua reta kotɨ, isacerdote reta kotɨ, jare opaete vae reta kotɨ.

JEREMÍAS 1:19

Jae reta oekata maratu ndeapo vaerä, ërei ngaraa nemoamɨri, echa che aïta nde ndive, roepɨ vaerä. Che ndeYa ko, jae kuae ndeve.”

JEREMÍAS 1:8

Agüɨye ekɨɨye kia reta güi, echa che aïta nde ndive roepɨ vaerä, che ndeYa ko, jae kuae ndeve.”

JEREMÍAS 15:15

CheYa, nde reikuaa ko opaete mbaembae, ¡nemaendúa cheré jare eyu chemborɨ! ¡Eiporarauka chemotareɨ vae reta pe cheve! Agüɨye ndepɨaguasu chupe reta, agüɨye emaeño tamano; mase, roaɨu jeko pegua ko aiporara ñemotareɨ reta.

JEREMÍAS 15:20

Che roñonota kuae tëta peguarä, tëta ikësea jëguambae vae jiero iyu vae pegua rami. Oñoraro retata nde ndive, ërei ngaraa nemoamɨri reta, echa che aï nde ndive roepɨ vaerä, jare rogüɨroasayepe vaerä. Che ndeYa jae kuaekuae.

JEREMÍAS 17:18

Emomaraiuka chemotareɨ vae reta, ërei che agüɨye jökorai. Emongɨɨye reta, ërei che agüɨye jökorai. Embou jese reta mbaesusere, opaetei emokañɨtei reta.

JEREMÍAS 22:22

Ɨvɨtu opata güɨraja nderuvicha reta, jare ndeporopota jese vae reta opata oyereraja iɨvɨ güi. Nemara yaeta repɨta jare reñemomichiukata, opaete ikavimbae reyapo vae jeko pegua.

JEREMÍAS 23:40

Jare aruta peré ñemomichi jekuae avei pegua jare ñemomaraiasɨ mbaetɨta peakañɨ chugüi vae.’ ”

JEREMÍAS 32:18

Ndeporoparareko avei, ërei reinupa vi kuimbae reta tu reta iyoa jeko pegua. ¡CheYa, Tumpa tuicha ete vae jare imbaepuere yae vae, nderee jae ko yandeYa Imbaepuere yae ete vae!

DANIEL 12:2

Jeta omanogüe reta opüa yeta: Amogüe opüata tekove iyapɨmbae peguarä, ïru reta opüata ñemomarai peguarä jare mbaeporara iyapɨmbae peguarä.

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

2 Timoteo 4:17

Ërei yandeYa oï che ndive jae chemomɨ̈rata, che amoërakua vaerä ñee ikavi vae, opaete judiombae vae reta oendu vaerä, jökorai aasayepe vaerä yaguapope iyuru güi.