JEREMÍAS 2:34 - Biblia Guarani Tumpa Iñee

³⁴ Nderemimonde yɨpe oï, paravete vae reta jare jekombae reta jugüɨgüe pe, yepe tëi mbaetɨ mbae nunga teko reväe jese reta; ërei opaete kuaekuae reta reve rere:

JEREMÍAS 2:34 ပူးပေါင်းရင်းမြစ်များ

2 REYES 21:16

Manasés jeta yae vi oyuka jekombae Jerusalén pe, jókuae iyoa rupi oyapouka mbaeyoa Judá pe vae güi, jökorai oyapo ikavimbae yandeYa jesa róvai.

2 REYES 24:4

jekombae reta oyuka vae re, echa jeta yae Jerusalén pe jekombae reve omano vae; jáeramo yandeYa mbaetɨ oipota iñɨ̈ro chupe.

ÉXODO 22:1

Kia nunga vae oñomi yave güeye ani vecha, jare oyuka ani omee yave, jókuae güeye re tomboepɨ pandepo güeye, jókuae vecha re tomboepɨ irundɨ vecha.

ÉXODO 22:2

Imonda vae oyepokou o oïraro oï yave, oñenupauka jare omano yave, jókuae oporonupa vae agüɨye tijeko imano re.

ISAÍAS 57:5

Peyogüɨroke ɨvɨra iküaraɨa kavi vae igüɨ rupi, jare peyuka michia reta pemee petumpa-raanga reta pe ɨvɨtɨ päu ipe kavía rupi, ɨ̈vavira igüɨ rupi.

ISAÍAS 59:3

Echa pe reta peporoyuka vae ko, jare pepo reta tugüɨ yepeai, peapu jare pere ñee ikavimbae.

ISAÍAS 59:7

Pesɨi katu ikavimbae kotɨ, peo vaerä peyuka jekombae vae jarembae pegua, peyemongeta reta ikavimbae reño, peiko peporomokañɨtei vaeräño.

JEREMÍAS 19:4

Echa Israel iñemuña reta chereeya, jare omongɨa reta kuae ɨvɨ; oapɨ reta ikäti kavi vae incienso tumpa-raanga reta pe, jae reta mbaetɨ oikuaa vae pe, iñemuñagüe reta ave jare mburuvicha guasu reta Judá pegua mbaetɨ oikuaa vae pe; jare kuae ɨvɨ omotɨnɨe reta jekombae jugüɨ pe.

JEREMÍAS 2:33

¡Ndepoki yae, reaɨu vae reeka vaerä! ¡Ndepoki yae reyapo ikavimbae vae ko nde!

JEREMÍAS 6:15

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.”

JEREMÍAS 7:31

Jare ɨvɨtɨ päu ipe kavía Ben-hinom jee vae pe omopüa reta mbota reta oyeapɨ jese vae Tofet, jese oapɨ reta vaerä taɨ reta ani tayɨ reta, che mbaetɨ etei ayókuai jese reta vae, mbaetɨ vi kërai ave yepe ayemongeta jese vae.

JEREMÍAS 7:6

jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

LAMENTACIONES 1:9

Jemimonde omongɨa iyoa pe; mbaetɨ oyemongeta këraita ko iyapɨ vae. Ñanemopɨakañɨ yé oa vae, jare mbaetɨ kia ombopɨakatu vaerä. ¡CheYa Tumpa, emae chepɨatɨtɨ re, echa tovaicho oyembotuicha yae!

LAMENTACIONES 4:14

Jesambae rami oguata reta kaye rupi; opaetei oyemongɨa reta Tumpa jóvai tugüɨ pe, kuae jeko pegua mbaetɨ etei oipota oyavɨkɨ jemimonde vae.

EZEQUIEL 20:31

Echa pemee mbota reta chupe, peraɨ reta pemee oyeapɨ vaerä, jökorai peyemongɨa itumpa-raanga reta rupi añave regua. Jökorai reve peyu peparandu mbae re cheve Israel iñemuña reta. Che peYa Tumpa jae cheyé aeño peve, ngaraa aendu peve.

EZEQUIEL 22:25

nde ko jae ɨvɨ, neñeemombeúa reta yaguapope rami oporoyuka vae; oporoyuka reta, opɨ̈ro reta ɨvɨ jare mbaeyekou, ombojeta reta imemano vae tëta guasu pe.

EZEQUIEL 23:45

Jáeramo kuimbae jupi vae reta ojäata mborookuai menda re oyuvanga vae pegua rupi jare mborookuai mboroyuka pegua rupi. Echa jae reta oyuvanga menda re jare oporoyuka reta.”

EZEQUIEL 24:7

Tëta guasu pegua reta jeta yae oporoyuka; ita re oporoyuka reta, mbaetɨ oporoyuka reta ɨvɨ re, ɨvɨkúi pe tugüɨ oyatɨ vaerä.

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’