JEREMÍAS 2:31 - Biblia Guarani Tumpa Iñee

³¹ Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

JEREMÍAS 2:31 ပူးပေါင်းရင်းမြစ်များ

1 REYES 11:22

Faraón jei chupe: —¿Maera pa nekɨ̈reɨ reo ye ndeɨvɨ pe? ¿Oata pa mbae ndeve chépɨri reiko ramboeve? Hadad jei chupe: —Mbaetɨ mbae oata cheve, ërei romoñera remaeño vaerä aja.

2 CRÓNICAS 31:10

jare sacerdote tenondegua Azarías, Sadoc iñemuña pegua jei chupe: “Jókuae ara kuae mbota reta oyemboɨpɨ oyemboatɨ yandeYa jo pe güire, oime jeta rokaru jare jeta jembɨre oreve, echa yandeYa iporerekua imbae vae reta re.”

JOB 21:14

Jei reta Tumpa pe: “¡Esɨrɨ katu oregüi mbaetɨ roipota roikuaa ndeporookuai!

SALMOS 10:4

Jeko kavimbae, ipɨayemboete yae jeko pegua mbaetɨ ndereeka cheRu Tumpa; mbaetɨ oipoɨu ndegüi.

SALMOS 12:4

körai jei reta vae: “Ñaneñee rupi ñaporomoamɨrita ko, yandeyuru yandembae ko. Ngaraa kia ñanemokɨ̈rii.”

PROVERBIOS 30:9

güɨramoi cherɨ̈vɨata ete yave rokuaku jare jae: “¿Kia pa jae YandeYa?” Ani cheparavete ete yave, amanaro, jare cheñeenguru ndekotɨ.

ISAÍAS 45:19

Che mbaetɨ ko chemiari vɨari, mbaetɨ ko cheñee amoë pɨtumimbía güi. Mbaetɨ jae Jacob iñemuña reta pe: ‘Chereeka, mbaetɨ kia oïa pe.’ Che peYa ko, chemiari jupi rupi jare isɨmbi rupi vae.

JEREMÍAS 2:20

Ɨma yae güi ma reyembopɨapochɨ chekotɨ, mbaetɨ reipota reyapo cheporookuai. Rere: ‘Mbaetɨ aipota ayeokuai.’ Opaete ɨvɨtɨ ɨvate vae re jare opaete ɨvɨra iküaraɨa kavi yae vae igüɨ ñavo rupi reiko iyaguasa pota vae rami.

JEREMÍAS 2:25

¡Israel, agüɨye ndepɨgüɨrai reve esɨi, agüɨye ndeaseo totini ndeɨuve güi! Ërei rere: ‘¡Ngaraa!, aaɨu ko ketɨgua reta, ajata ko jupíe.’

JEREMÍAS 5:5

Taja yarakuaa katu vae reta kotɨ tachemiari chupe reta. Echa jae reta oikuaa yandeYa jemimbota regua, iTumpa iporookuai reta. Ërei opaetei ma yepe oyembopɨapochɨ reta Tumpa kotɨ, ñäteɨ oyapo reta mborookuai jei vae.

JEREMÍAS 5:6

Jáeramo yaguapope oëta kaa güi jare oyuka retata, aguarayaɨmba ñuu rupigua opata ombojaɨ jaɨ reta, yaguapara oporepeñata tëta guasu reta re jare kia oë yave ombojaɨ jaɨta; echa jeiete yae pɨapochɨ reta, jare mbaetɨ jupi reta.

EZEQUIEL 14:5

Che añataita opaete Israel iñemuña reta ipɨa, itumpa-raanga reta jeko pegua opia chegüi vae reta.

OSEAS 13:6

Ërei pe reta jeta tembíu penoi yave, peyembotuicha jare peakañɨ chegüi.

AMÓS 1:1

Kuae jae ko Amós iñee reta. Jae ko Tecoa pegua vecha iyangarekoa reta güi metei, Tumpa güi ou chupe ñee Israel regua vae omoërakua, mókoi año ndei oime mbove ɨvɨkana, Uzías oiko yave mburuvicha guasurä Judá pe, jare Jeroboam oiko yave mburuvicha guasurä Israel pe; Jeroboam ko Joás taɨ.

MIQUEAS 6:9

YandeYa ombou iñee tëta guasu pe; iyarakuaa katu ko nderee güi oipoɨu vae. “Peyeapɨsaka peï mbae outa vae re, jökorai vi jókuae iñee ombou vae re.

1 Corintios 4:8

Pe reta peangapɨɨ ma, peikokatu ma jare peiko ma mburuvicha nunga. Mbae mona peyeapo mburuvicha añetete vae retarä, ore vi roï vaerä pe reta ndive.

DEUTERONOMIO 31:20

Echa aroike reta ma ɨvɨ kavi pe, añererökuavee cheree re amee vaerä iñemuñagüe reta pe vae pe yave, okaru retata, okau retata, omboete retata tumpa ambuae reta, jökorai chereeya retata jare omboai retata morogüɨrökuavee päve ayapo jae reta ndive vae.

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.

DEUTERONOMIO 32:18

Ita guasu rami vae, jae peapo vae güi peakañɨ; peakañɨ Tumpa peapoa güi.