JEREMÍAS 2:30 - Biblia Guarani Tumpa Iñee

³⁰ Ainupaiño ma peraɨ reta, mbaetɨ etei oipota reta oikuaa maera ko oñenupa vae. Yaguapope pochɨ yae vae rami, peyuka ñeemombeúa reta kɨsepuku pe.

JEREMÍAS 2:30 ပူးပေါင်းရင်းမြစ်များ

1 REYES 19:10

Jare jae jei: “Ayandu cherägüɨro yae nde cheYa Tumpa Imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

1 REYES 19:14

Jare jei: “Ayandu cherägüɨro yae nde cheYa Tumpa imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

2 CRÓNICAS 24:21

Ërei ngatu opaete vae oyovaicho ikotɨ, jare mburuvicha guasu iporookuai rupi oyapi reta ita pe oyuka regua yandeYa jo joka pe.

2 CRÓNICAS 28:22

Yepe tëi yemoambeko pe güɨnoi vae, jae jeieteño iyoa yandeYa kotɨ,

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

NEHEMÍAS 9:26

Ërei oyemboapɨsaä reta ndeve, oñemopüa reta ndekotɨ, güɨröɨro reta ndeporookuai. Neñeemombeúa reta omboeta jeko re chupe reta, oipota ramo omboyerova reta ye tëi ndekotɨ, ërei jae reta oyuka, jare oyapo reta mbae pɨ̈chɨi yae vae.

ISAÍAS 1:5

¿Maera pa jekuaeñoi peipota peiporara? ¿Jekuaeñota pa peyembopɨapochɨ? Opaetei peäka imbaerasɨ oï, jare opaetei pepɨa pe peiporara peï.

ISAÍAS 59:3

Echa pe reta peporoyuka vae ko, jare pepo reta tugüɨ yepeai, peapu jare pere ñee ikavimbae.

ISAÍAS 9:13

Ërei kuae tëta mbaetɨ oyerova inupaa kotɨ; mbaetɨ oeka reta yandeYa Imbaepuere yae ete vae.

JEREMÍAS 31:18

Aendu tëta Efraín oyaeo jasɨ katu reve jei: ‘Che, metei toro taɨrusu imasombae rami yepi, ërei nde chenupa jare chemomaso; chemboyerova ye ndekotɨ, echa nde jae cheYa Tumpa.

JEREMÍAS 46:14

“Emoërakua Egipto pe; jae ko Migdol pe, Menfis pe jare Tafnes pe: ‘¡Pemae ngatu, peï kavi peï! ¡Echa tovaicho reta oyere, omboai vaerä peɨvɨ!’

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

JEREMÍAS 7:28

Ere körai: ‘Jae ko kuae tëtaguasu mbaetɨi oyapo iYa Tumpa jeigüe vae, mbaetɨ vi oipota oyeapo kavi. Jupi rupi yogüɨrekose vae opa okañɨ chugüi.’ ”

LAMENTACIONES 4:13

¡Opaete kuae oasa, ñeemombeúa reta iyoa jeko pegua jare isacerdote reta jeko kavimbae jeko pegua, echa tëta guasu rupi etei oyuka reta jekombae reta!

EZEQUIEL 22:24

“Nde kuimbae, ere ɨvɨ Israel pe: Nde ko ɨvɨ reiporara ama re jare ɨ re chearasɨ rupi vae;

EZEQUIEL 24:13

Jerusalén, aipota tëi rotɨo yepi reyemongɨa ndekuimbae pota vae güi, ërei mbaetɨ reyetɨo. Reyetɨota chearasɨ aitɨ nderé yave ramo.

DANIEL 9:13

Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

SOFONÍAS 3:2

Mbaetɨ oyeapɨsaka yandeYa iñee re, mbaetɨ oipota oendu omboeta chupe vae, mbaetɨ oyeko yandeYa re, mbaetɨ ou Tumpa kotɨ.

San Mateo 23:29

¡Paravete pe jova mókoi vae reta! Mborookuai re oporomboe vae reta jare fariseo reta. Echa pemopüa ñeemombeúa reta jɨvɨa reta jare pemopöra kavi jupi vae reta jɨvɨa reta.

Hechos 7:52

Peñemuñagüe reta oyapo ikavimbae opaete ñeemombeúa reta pe. Peñemuñagüe reta oyuka ñeemombeúa reta omoërakua Jupi vae outa vae regua vae. Jaeramoño vi añave pe reta pemee jare peyukauka jókuae jupi vae.

1 Tesalonicenses 2:15

jae reta oyuka yandeYa Jesús, jare joko pegua ñeemombeúa reta jare ore reta vi opa oremoë oremombo joko güi, mbaetɨ omboyerovia reta Tumpa, jare oyovaicho reta opaete kuimbae reta re,

Apocalipsis 16:9

Jare ɨvɨ pegua reta ókai kuaraɨ jakugüe pe. Ërei mbaetɨ oyerova reta Tumpa kotɨ omboete vaerä. Jókuae güɨnoi mbaepuere opaete kuae susere reta re vae kotɨ.