JEREMÍAS 2:28 - Biblia Guarani Tumpa Iñee

²⁸ Judá, ¿ketɨ pa oime tumpa-raanga reta reyapo ndeyeupe vae? ¡Topüa reta, yaecha ra ipuere reta ndereepɨ ou yave ndeve mbaesusere! Echa, ¡jeta yae tumpa-raanga renoi, tëta guasu reta jeta yae renoi rami!

JEREMÍAS 2:28 ပူးပေါင်းရင်းမြစ်များ

2 REYES 3:13

Jayave Eliseo jei mburuvicha guasu Israel pegua pe: —¿Maera pa reyu chekotɨ? Ekua eparandu ñeemombeúa reta nderu jare ndesɨ pe oyeokuai vae reta pe. Mburuvicha guasu Israel pegua jekuae jei ye: —Mbaetɨ, echa yandeYa orereru ore mboapɨ mburuvicha guasu reta oremee vaerä Moab iñemuña reta pe.

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

ISAÍAS 46:2

Jókuae tumpa-raanga reta opa oyeitɨ, mbaetɨ ipuere reta oyereroasayepe, opa vi oyererajauka ɨvɨ ambuae kotɨ.

ISAÍAS 46:7

Jare ovoɨ reta güɨraja iyatiɨ re, güɨraja reta oñono jenda pe, joko pe opɨta, mbaetɨ omɨi jókuae jenda güi. Yepe tëi osapúkai reta oyerure chupe, ërei mbaetɨ oyapo iyerure chupe reta, ani mbaetɨ ipuere güɨroasayepe ipɨatɨtɨ güi.

ISAÍAS 57:13

Resapúkai netumpa-raanga reta pe ndemborɨ vaerä yave, ngaraa ndemborɨ, ngaraa vi ndereroasayepe. Opata ɨvɨtu güɨroveve jókuae netumpa-raanga reta; ërei cheré güɨrovia vae, güɨnoita ɨvɨ imbaerä jare oikota cheɨvɨtɨ oñeñono tee vae pe.

JEREMÍAS 1:16

Jae kuae tembiporara aruta jókuae iyoa reta jare chereeya reta vae kotɨ vae, echa oapɨ reta ikäti kavi vae incienso tumpa ambuae reta pe, omboete reta, jae reta aeño oyapo vae.

JEREMÍAS 11:12

Jayave Judá pegua jare Jerusalén pe yogüɨreko vae yogüɨrajata oiporu yemborɨ tumpa-raanga reta pe, jókuae oapɨ ikäti kavi vae incienso chupe reta vae pe. Ërei jae reta ngaraa ipuere oepɨ reta susere iara pe.

JEREMÍAS 11:13

Echa nde Judá, jeta yae tumpa-raanga renoi, tëta guasu reta jeta yae renoi rami; jare Jerusalén ikaye jeta yae rami, pemopüa jeta mbota renda Baal peguarä, peapɨ vaerä chupe ikäti kavi vae incienso.

JEREMÍAS 30:7

¡Oyearo ma ara yavaetegüe, mbaetɨi jókuae nunga ara tenonde rupi! Ara mbɨatɨtɨ pegua ko Jacob iñemuña reta pe, ërei che aroasayepe retata.

JEREMÍAS 37:19

¿Ketɨ pa oime ñogüɨnoi jókuae ñeemombeúa reta, omoërakua mbaetɨta ko mburuvicha guasu Babilonia pegua opüa peré ani kuae tëtaguasu re vae reta?

OSEAS 10:1

Israel ko uvarupa ikavigüe rami, jeta ia iyeupeguaräño; ia jeta rami omopüa reta vi mɨmba oyeyuka oyeapɨ jese vae; iɨvɨ ikavi yae rami, ombokavi vi itumpa-raanga reta.

HABACUC 2:18

¿Mbaerä pa ikavi jókuae ipöra yae oyeapo vae? ¿Mbaerä pa ikavi jókuae mbae iä oporombotavɨ vaeräño oï vae? Mbaetɨ ipuere imiari tumpa-raanga, javoi ¿maera pa güɨrovia kuimbae, jembiapo re aeño?

HABACUC 2:19

¡Paravete, ɨvɨra pegua tumpa-raanga pe: “Epa” jei vae jare ita iñeembae pe: “Epüa” jei vae! ¿Ipuere pa mbae omombeu? ¡Mbaetɨ ko, echa mbaetɨ jekove, yepe tëi oñeova oro pe jare korepoti pe!

DEUTERONOMIO 32:37

Jare jeita chupe reta: ‘¿Jama pa petumpa reta, jókuae ita guasu jese peyeepɨ vae,

JUECES 10:14

¡Pekua, jare peiporu yemborɨ jókuae tumpa reta peiparavo peyeupe vae pe! ¡Jae reta tapereroasayepe peiporara peï yave!”