JEREMÍAS 2:27 - Biblia Guarani Tumpa Iñee

²⁷ echa metei ɨvɨra pe ave jei reta: ‘Nde ko cheru’, jare metei ita pe: ‘Nde ko chesɨ.’ Javoi cheve ikupe omee reta, mbaetɨ jova. Ërei ngatu, mbaesusere ou chupe reta yave, jei reta cheve: ‘¡Eyu orereepɨ!’

JEREMÍAS 2:27 ပူးပေါင်းရင်းမြစ်များ

2 CRÓNICAS 29:6

Echa peñemuñagüe reta oyembopɨapochɨ, oyapo reta ikavimbae yandeYa Tumpa jesa róvai; oeya reta yandeYa itupao, oyerova reta chugüi.

ISAÍAS 26:16

CheYa, reiporarauka oreve yave, roeka, orenupa yave, royerure.

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 18:17

Ɨvɨtuai rami ko, che opata amoai Israel iñemuña reta jovaicho reta jóvai; chekupeño ameeta chupe reta, ngaraa cherova, oväe yave iara oiporara reta vaerä.”

JEREMÍAS 2:24

mburika kuña ñana rupigua oyepokuaa yae ko ñuu pe, mburika kuimbae oeka yave oëtu ɨvɨtu, jare mbaetɨ kia ipuere oyopia. Mburika kuimbae oeka yave jókuae mburika kuña, ngaraa poriau jese; echa iara pe kavi oväeta.

JEREMÍAS 22:23

Añave nde reiko pɨagüive ndero kavi pe, oñeova ɨ̈vɨrare reta Líbano pegua pe vae pe. ¡Ërei jaema reiporarata, jasɨ katu yae vae ou nderé yave! Kuña imembɨrasɨ oï vae rami.”

JEREMÍAS 3:9

Jare jókuae mbaeä etei chupe oyapo vae rupi güɨrokomegua kuae tëtaguasu. Yogüɨreko jupimbae cheróvai, omboete ita reta jare ɨvɨra reta.

JEREMÍAS 30:7

¡Oyearo ma ara yavaetegüe, mbaetɨi jókuae nunga ara tenonde rupi! Ara mbɨatɨtɨ pegua ko Jacob iñemuña reta pe, ërei che aroasayepe retata.

JEREMÍAS 32:33

Ikupeño omee reta cheve, mbaetɨ jova. Yepe tëi mbaetɨ aeya kërai yepe amboembae, jeseve mbaetɨ oyapo reta che jae vae, jare mbaetɨ vi oipota oikuaa reta mbae jeko pegua ko oñenupa vae.

JEREMÍAS 37:3

Mburuvicha guasu Sedequías omondo Jucal, Selemías taɨ, jare sacerdote Sofonías, Maasías taɨ jei reta vaerä Jeremías pe: “Eyerure oreré yandeYa Tumpa pe.”

JEREMÍAS 42:2

yogüeru jei reta Jeremías pe: —Roiporu ndeve añave, agüɨye neäteɨ oreve: Eyerure ndeYa Tumpa pe oreré, ore mbovɨ ropɨtagüe re. Tenonde yave jeta yae ko roikose, ërei añave mbovɨ yae ropɨta, reecha rami.

EZEQUIEL 23:35

Jáeramo, che ndeYa Tumpa jae körai: Neakañɨ chegüi jare reyerova chegüi ramo, reiporarata ndekuimbae pota vae jare ndeaguasa pota vae re.”

EZEQUIEL 8:16

Jayave chereraja yandeYa itupao joka japɨpe pe, jare aecha yandeYa itupao jöke jare mɨmba oyeyuka oyeapɨ jese vae ipäu pe, veinticinco rupi kuimbae ikupe omee ñogüɨnoi yandeYa itupao kotɨ, omae reta kuaraɨ oëa kotɨ, itindɨasɨ reve ɨvɨ re omboete reta kuaraɨ.

DANIEL 9:7

Nde cheYa, jupi vae ko nde, ërei ore Judáɨgua reta royandu oremara; jökoraiño vi Jerusalén pe yogüɨreko vae jare opaete ïru Israel iñemuña reta, köiño jare mombɨrɨ remondo tëtaguasu reta rupi yogüɨreko vae, oyembopɨa pochɨ reta ndekotɨ jeko pegua vae.

OSEAS 4:12

Chembae vae reta oparandu itumpa-raanga reta ɨvɨra pegua pe; jare jókuae ɨvɨra omboyevɨ suerte rupi. Echa ipɨa jese reteiño vae oyavɨuka chupe reta; jare oeya reta iTumpa oyapo vaerä ikavimbae.

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

OSEAS 7:14

Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!