JEREMÍAS 2:21 - Biblia Guarani Tumpa Iñee

²¹ Che ko roñotɨ uva iyɨpɨ ikavi yae vae rami, temitɨ uva opaete güi ikavi yae vae rami, ¡ërei reikomegua, uva ikavimbae repɨta!

JEREMÍAS 2:21 ပူးပေါင်းရင်းမြစ်များ

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

SALMOS 105:6

pe, Abraham Tumpa jembiokuai iñemuña reta; pe, Jacob iñemuña reta, Tumpa jembiparavo reta.

SALMOS 44:2

Ndembaepuere pe renoe remombo ïru tëtaguasu reta, reiporarauka tëta reta pe, jökorai opa renoe remombo, jare oreñemuñagüe reta reñono joko pe.

SALMOS 80:8

Egipto güi reru temitɨ uva; opa renoe remombo tëtaguasu reta, jare joko pe reñotɨ jókuae uva.

SALMOS 80:9

Reitɨo kavi jendarä, remboyepota japo reta, jare omotɨnɨe iɨvɨ.

ÉXODO 15:17

Nde reroiketa reñono reta, ɨvɨ nde remee chupe reta vae pe, nde reikoa pe, nde reyapo kavía pe, cheYa, o mbaemboete renda nde reiparavoa pe, cheYa.

ISAÍAS 1:21

¡Tëta guasu jupi vae! ¿Këraiägua pa reyu repɨta metei kuña iyaguasa pota vae rami? Yepi, jeta kuae pe jupi vae reta jare jeko kavi vae reta, ërei añave jaeño ma oñeväe kuae pe oporoyuka vae reta.

ISAÍAS 27:2

Jókuae ara yandeYa jeita: “Petairari uvarupa ikavi yae vae re.

ISAÍAS 41:8

“Ërei nde Israel, Jacob iñemuña, agüɨye ekɨɨye cherembiokuai ko nde, che ko roparavo, chevɨa-ïru Abraham iñemuña reta:

ISAÍAS 5:4

¿Mbae ye ra ayapota tëi cheuvarupa pe? ¿Oime ra mbae oata ayapo vaerä chupe? Che aäro tëi ia jëe vaerä, ërei, ¿maera ra jayasɨ yae?

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

JEREMÍAS 11:16

Ïrugüe ara rupi che peYa, poenɨise olivo jokɨ katu, jare ipöra ia pe oyekuaa vae; ërei añave jɨapu yae reve opata aapɨ nderoo reta jare neräka reta aakɨota.

JEREMÍAS 11:17

Echa che, peYa Imbaepuere yae ete vae, poñotɨ temitɨ rami vae ko amombeu kuae susere Judá jare Jerusalén kotɨ, ikavimbae yae vae peyapo jeko pegua chemboarasɨuka, echa peapɨ ikäti kavi vae incienso Baal pe.”

JEREMÍAS 5:10

¡Toike tovaicho reta chupe, jare topa tomboai reta, uvarupa tomboai reta, ërei agüɨye opaetei tomboai! ¡Jäka topa toakɨo reta, echa chembaeä ma ko!

LAMENTACIONES 4:1

¡Kërai ikɨa oro! ¡Kërai oro oyeambae mbaetɨ ma jembipe! O mbaemboetea pegua ita reta opaetei oñemoai ñogüɨnoi kaye rupi.

EZEQUIEL 15:2

“Nde kuimbae, ¿ikavi pa uva iɨ, ïru ɨvɨra reta iɨ güi?

San Mateo 21:33

“Tamombeu ye peve ambojaanga reve kuae: Oiko metei kuimbae ikorä oikëse vae. Oñotɨ pɨpe jeta uva. Oyapo vi uva oñetɨami pɨpe vaerä. Oyapo vi metei oɨvate omae vaerä joko güi opaete ko re. Javoi oiporuuka iko ïru vae reta pe, jare ojo mombɨrɨ.

San Marcos 12:1

Jayave Jesús omboɨpɨ imiari chupe reta ombojaanga reve: “Metei kuimbae oikëse ikorä jare oñotɨ pɨpe jeta uva, oyapo vi uva oñetɨami pɨpe vaerä. Oyapo vi metei oɨvate omae vaerä joko güi opaete kó re. Javoi oiporuka iko ïru vae reta pe, jare ojo mombɨrɨ.

San Lucas 20:9

Jayave Jesús omboɨpɨ imiari opaete vae reta pe ombojaanga reve: “Metei kuimbae oñotɨ jeta uva. Javoi oiporuka iko ïru vae reta pe, jare ojo mombɨrɨ ɨma pegua.

San Juan 15:1

Che ko jae uva iɨ añetete vae, jare cheRu ko jae uva iyangarekoa.

DEUTERONOMIO 32:32

Echa jae reta uva ikavimbae rami ko, Sodoma jare Gomorra pegua iuva rami, uva iro yae vae jare imbayachi vae;

DEUTERONOMIO 4:37

Echa jae oaɨu yae peñemuñagüe reta jeko pegua perenoe Egipto güi jae etei imbaepuere tuichagüe ndive.

JOSUÉ 24:31

Israel iñemuña reta oyeokuai yandeYa pe, Josué oikove oiko ramboeve jae reta ndive, jare jaɨkue rupi opaete ndechi reta Josué güi ɨma yogüɨreko vae reta, oikuaa opaete yandeYa oyapo mbaembae Israel iñemuña reta ndive vae.