JEREMÍAS 2:20 - Biblia Guarani Tumpa Iñee

²⁰ Ɨma yae güi ma reyembopɨapochɨ chekotɨ, mbaetɨ reipota reyapo cheporookuai. Rere: ‘Mbaetɨ aipota ayeokuai.’ Opaete ɨvɨtɨ ɨvate vae re jare opaete ɨvɨra iküaraɨa kavi yae vae igüɨ ñavo rupi reiko iyaguasa pota vae rami.

JEREMÍAS 2:20 ပူးပေါင်းရင်းမြစ်များ

1 REYES 12:32

Ombojee vi oyeapo vaerä metei arete ikavi yae vae quince ara juri yasɨa pe, Judá pe arete ikavi yae vae oyeapo rami, jare jae etei omee mɨmba oyeyukagüe, mɨmba oyeyuka oyeapɨ jese vae re. Oyapo Bet-el pe, omee mɨmba oyeyukagüe toro taɨrusu iä oyapogüe pe. Jókuae mbaemboete renda oyapoa pe ombojee vi sacerdote retarä.

1 REYES 14:23

echa omopüa reta vi mbaemboete renda, tumpa-raanga reta jare Asera iä reta ɨvɨtɨ ñavo re, jare opaete ɨvɨra iküaraɨa kavi yae vae reta igüɨ rupi.

SALMOS 107:14

güɨnoe pɨtumimbía güi jare ñamano rape katúa pe yogüɨrekoa güi, jare oyora tembipɨɨrä yogüɨrekoa güi.

SALMOS 2:3

“¡Yayora jókuae oporoäpɨti pɨpe vae! ¡Yayora yandeyeugüi ñaneapɨti pɨpe vae!”

SALMOS 78:58

Mbaemboete renda ɨvɨtɨ rupigua oyapo reta vae rupi omboarasɨuka reta, jare omboete reta tumpa-raanga reta vae rupi omoägüɨrouka.

ÉXODO 19:8

Jare opaete vae metei rami jei: —Opaete yandeYa jei vae royapota ko. Jare Moisés güɨraja omombeu yandeYa pe kuae tëta iñee,

ÉXODO 24:3

Jare Moisés ou omombeu Israel iñemuña reta pe, opaete yandeYa iñee reta jare opaete mborookuai reta; jare opaete reve metei rami jei reta Moisés pe: —¡Toroyapo opaete yandeYa jei vae!

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

ISAÍAS 1:21

¡Tëta guasu jupi vae! ¿Këraiägua pa reyu repɨta metei kuña iyaguasa pota vae rami? Yepi, jeta kuae pe jupi vae reta jare jeko kavi vae reta, ërei añave jaeño ma oñeväe kuae pe oporoyuka vae reta.

ISAÍAS 10:27

Jókuae ara oyeekɨta ndegüi ipoɨgüe oñono ndekupe re vae, jare yuvo oñono ndeatua re vae opëta. Jare jókuae yuvo opata oyemboai, echa nde ko cherembiparavo.”

ISAÍAS 14:25

Asiriaɨgua reta opata amboai cheɨvɨ pe, cheɨvɨtɨ re opata apɨ̈ro jese reta, mbaetɨta ma güɨnoi reta mbaepuere tëta chembae vae re, mbaetɨta ma oiporarauka chupe reta.

ISAÍAS 9:4

Echa nde reyora tembipɨɨ oiporara ñogüɨnoi vae güi, mburuvicha iporonupa güi, mburuvicha imbaepuere güi, Reiporarauka chupe, tëtaguasu Madián pe reiporarauka rami.

JEREMÍAS 13:27

Aecha ko ndepɨa mbokere, aguasa reyapogüe, ndereko mbokere reyeapo vae, ɨvɨtɨ jare kaa rupi pɨ̈chɨi yae reyapogüe. ¡Ndeparavete, Jerusalén! ¿Kërai yave pa reyetɨota cheróvai? ¿Kërai yave regua ra ndekɨata reiko?”

JEREMÍAS 17:2

Neñemuña reta imaendúa mɨmba oyeyuka oyeapɨ jese vae reta re, jare netumpa-raanga Asera iä reta ɨvɨra iküaraɨa kavi vae reta igüɨ rupi ñogüɨnoi vae re, jare ɨvɨtɨ reta ɨvate vae re,

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

JEREMÍAS 30:8

Che, peYa Imbaepuere yae ete vae jae: Ayorata chembae vae reta tembipɨɨ güi, jare ngaraa ye ma ketɨgua reta jembipɨɨrä yogüɨreko.

JEREMÍAS 5:5

Taja yarakuaa katu vae reta kotɨ tachemiari chupe reta. Echa jae reta oikuaa yandeYa jemimbota regua, iTumpa iporookuai reta. Ërei opaetei ma yepe oyembopɨapochɨ reta Tumpa kotɨ, ñäteɨ oyapo reta mborookuai jei vae.

EZEQUIEL 16:28

Mbaetɨ ramo ndeangapɨɨ, reiko vi Asiriaɨgua reta ndive, jeseve mbaetɨño ndeangapɨɨ.

EZEQUIEL 16:31

Remopüa mbaemboetea opaete tape oyoasaa ñavo rupi, remopüa mɨmba oyeapɨ jese vae opaete oka guasu reta rupi. Ërei nde mbaetɨ rekovara jete omee vae reta rami. ¡Nde mbaetɨ etei rekovara!

EZEQUIEL 16:41

Oapɨ retata ndero reta, jare ndereko ojäa retata jeta vae kuña reta jóvai. Jökorai amboapɨta ndeaguasa pota vae, ngaraa ye remboepɨ ndeaguasa reta pe.

EZEQUIEL 20:28

Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.

EZEQUIEL 23:5

Ahola che ndive oiko reve iyaguasa chegüi, iporopota iyaguasa reta jëta iyɨpɨ pegua Asiriaɨgua reta re,

OSEAS 1:2

YandeYa omboɨpɨ imiari Oseas rupi, körai jei chupe: “Ekua, ereko metei kuña iyaguasa pota vae, jare toime nderaɨ reta jae ndive; jökorai jae reta toyogüɨreko iyaguasa pota vae imembɨrä; echa kuae tëta iyaguasa pota rami chegüi.”

OSEAS 2:5

Iyaguasa pota oyeapo ichɨ; mbaetɨ oyemboeteuka jei yave: ‘Taja taeka cheaguasa reta; tembíu jare ɨ, vecharaagüe jare lino, olivo iasaite jare kägüi omee cheve vae reta.’

OSEAS 3:3

Jare jae chupe: “Ɨma ara rupi reikota che ndive; agüɨye ndeaguasa pota, agüɨye ekua ïru kuimbae jupíe, che aikota ndembaeräño.”

OSEAS 4:13

Ɨvɨtɨ reta iyapɨte re jare ɨvɨra reta encina, álamo jare olmo jee vae iküaraɨa igüɨ rupi; jokoropi omee reta mɨmba oyeyukagüe jare oapɨ reta ikäti kavi vae incienso. Jáeramo tayɨ reta iyaguasa pota jare taɨtatɨ reta oyuvanga menda re.

OSEAS 9:1

Israel pegua reta, agüɨye peyerovia; agüɨye pechäguariko peyerovia güi ïru tëta pegua reta rami, echa peyembosɨrɨ Tumpa güi vae, kuña imegua rami ko, ipöra yae peve trigo oyembopiriría rupi aguasa peyapo vae jepɨ peve vae.

LEVÍTICO 26:13

Che ko peYa Tumpa, ɨvɨ Egipto güi perenoe vae, agüɨye vaerä peiko jembiokuai retarä, amondoo peñeapɨtía, jare che pogüɨroata peäka pemopüa reve kavi.

NAHUM 1:13

Opata ambojaɨ jaɨ yuvo ndeayu re renoi vae jare amondoota neñeapɨtika.”

DEUTERONOMIO 12:2

Pemboai opaete mbaemboete renda tëtaguasu reta pepɨ̈rota vae itumpa-raanga reta oyeokuai reta chupe vae jenda; ɨvɨtɨ ɨvate vae re ñogüɨnoi vae, jare jɨsɨ re ñogüɨnoi vae, jare opaete ɨvɨra iküaraɨa kavi yae vae igüɨ rupigua.

DEUTERONOMIO 15:15

Pemaendúa peikose tembipɨɨ Egipto pe vae re, jare yandeYa Tumpa perenoe. Jáeramo che amee peve kuae mborookuai.

DEUTERONOMIO 26:17

Pere añave, oreYa ko jae Tumpa, jare peñererökuavee peyapo avei vaerä opaete iporookuai reta, jare peendu iñee.

DEUTERONOMIO 4:20

Ërei ngatu yandeYa perenoe jókuae horno omondɨkui jiero vae güi, jae ko Egipto, peapo vaerä jae imbaerä, añave rami.

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

DEUTERONOMIO 5:27

Nde eya jese, jare eendu opaete ñee yandeYa Tumpa jei vae, javoi emombeu oreve opaete yandeYa Tumpa jei ndeve vae, jare ore toroendu jare toroyapo.’

JOSUÉ 1:16

Jayave jei reta Josué pe: —Toroyapo opaete mbae re oreokuai vae, torojo nde oremondoa kotɨ.

JOSUÉ 24:24

Jare opaete vae jei Josué pe: —YandeYa Tumpa peño toroyeokuai jare toroyapo jae oreokuai vae.

JOSUÉ 24:26

Josué oikuatía jókuae ñee reta tupapire pe, Tumpa iporookuai reta oyekuatía ñogüɨnoia pe. Javoi oipɨɨ metei ita tuicha vae jare oñono ɨvɨra encina igüɨ pe, yandeYa iyemboetea iyɨpɨ pe oï vae pe,

Apocalipsis 17:1

Jayave jókuae chiu araɨgua reta chiu kopa güɨnoi vae reta güi metei ou jei cheve: “Eyu kuae pe. Aechaukata ndeve kërai oñejäauka jókuae kuña iyaguasa pota vae ɨ reta re oguapɨ oï vae.

JUECES 10:6

Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.

JUECES 2:11

Jaɨkue rupi Israel iñemuña reta oyapo ikavimbae vae yandeYa jesa róvai, omboete reta tumpa ambuae reta Baal jee vae.

JUECES 2:13

Oeya reta yandeYa jare omboete reta tumpa-raanga Baal jare Astarot.

1 SAMUEL 12:10

Jare jae reta güɨroäse jare jei reta yandeYa pe: ‘Oreyoa echa rosɨrɨ ndegüi oreYa jare romboete tumpa-raanga Baal reta jare Astarot, orereepɨ orerovaicho reta ipo güi, jare toroyeokuai ndeveño.’