JEREMÍAS 2:19 - Biblia Guarani Tumpa Iñee

¹⁹ Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 2:19 ပူးပေါင်းရင်းမြစ်များ

1 REYES 18:18

Jare Elías jei chupe: —Che mbaetɨ ko aiporarauka Israel pegua reta, nde, nderaɨ reta jare nerëtara ko, echa peeya yandeYa iporookuai reta, jare pemboete baal reta.

2 CRÓNICAS 12:5

Jayave ñeemombeúa Semaías ou Roboam pɨri jare mburuvicha reta Judá pegua pɨri, oyemboatɨ ñogüɨnoi Jerusalén pe Sisac jeko pegua vae reta, jare jei chupe reta: —Körai jei yandeYa: “Pe reta chereeya, che vi poeya Sisac ipo pe.”

2 CRÓNICAS 21:10

Ërei jeseve Edom oyeyora Judá imbaepuere güi añave regua. Jaeramiño vi Libna oyeyora jókuae ara rupi Judá imbaepuere güi, echa Joram oeya yandeYa iñemuñagüe reta iTumpa.

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

SALMOS 36:1

Mbaeyoa jei jupimbae ipɨa pe, mbaetɨ vaerä oipoɨu Tumpa güi.

ÉXODO 33:6

Jayave ɨvɨtɨ Horeb güive, Israel iñemuña reta mbaetɨ ma oyemonde reta temimonde ikavigüe pe.

PROVERBIOS 1:31

¡Ërei peiporarata ko jókuae pereko re! ¡Peyombogüeraita peyemongeta reta ikavimbae pe!

PROVERBIOS 1:32

Mbaetɨ arakuaa güɨnoi vae reta omanota opia jeko pegua, yarakuaambae reta oñemokañɨteiukata imbaeyekou pe;

PROVERBIOS 5:22

Iyoa vae oyepokoita jeko pe aeño; jare oñeapɨtiukata iyoa pe aeño.

ISAÍAS 3:9

Ikañɨmaa reta; echa Sodoma rami omoërakua reta iyoa, mbaetɨ oikuaku reta. ¡Paravete! Jae reta aeño oyapo ñogüɨnoi iyeupe ikavimbae oiporara vaerä.

ISAÍAS 5:5

Tamombeu peve, mbae ko ayapota cheuvarupa pe vae: Opata aekɨ chugüi ikësea, opa vaerä okañɨtei; opata ayoka chugüi ikësea, opa vaerä opɨ̈ro jese vae;

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

JEREMÍAS 1:16

Jae kuae tembiporara aruta jókuae iyoa reta jare chereeya reta vae kotɨ vae, echa oapɨ reta ikäti kavi vae incienso tumpa ambuae reta pe, omboete reta, jae reta aeño oyapo vae.

JEREMÍAS 13:22

Rere yave ndepɨa pe: ‘¿Maera ra körai aiko?’ Ndeyoa yae jeko pegua ko körai reiko; ¡jáeramo nemonandi reta jare oyuvanga reta nderé!

JEREMÍAS 2:17

Körai ko reasa, chereeya vae jeko pegua, che, ndeYa Tumpa rogüɨroatase vae.

JEREMÍAS 3:22

Peyerova ye chekotɨ, cheraɨ ipɨapochɨ vae reta, jare che popoanota pepɨapochɨ güi.” “Ko royu ndekotɨ, echa nde jae ko oreYa Tumpa.

JEREMÍAS 4:18

Ndereko jare nderembiapo jeko pegua ko kuae ou ndeve; jae ko kuae ikavimbae reyapo vae jekovia, ndepɨa pe jasɨ yaeta vae.’

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

JEREMÍAS 5:24

Mbaetɨ pere pepɨa pe: ‘Yamboete mo yandeYa Tumpa, ama ombou iara pe kavi yandeve vae, ama tenondegua ete jare taɨkuegua ete, jare omee yandeve ara kavi yambaarɨvo vaerä.’

JEREMÍAS 5:6

Jáeramo yaguapope oëta kaa güi jare oyuka retata, aguarayaɨmba ñuu rupigua opata ombojaɨ jaɨ reta, yaguapara oporepeñata tëta guasu reta re jare kia oë yave ombojaɨ jaɨta; echa jeiete yae pɨapochɨ reta, jare mbaetɨ jupi reta.

JEREMÍAS 7:19

¿Cheño ra chemboarasɨuka reta? Mbaetɨ ko, jae reta aeño ko teko oyapo iyeupe oñemomarai vaerä. Che ndeYa jae kuae.

JEREMÍAS 8:5

Jayave Israel, ¿maera pa mbaetɨ chemboete? Jerusalén, ¿maera pa reyembopɨapochɨ jekuae avei, jare mbaetɨ reipota reyerova ye chekotɨ?

EZEQUIEL 23:30

añave köraita reasa, echa reiko aguasa pe ïru tëtaguasu pegua reta ndive, jare remboete itumpa-raanga reta.

EZEQUIEL 39:24

Jae reta ikavimbae oyapo rami jare oyembopɨapochɨ chekotɨ rami, ayapo chupe reta, ayerova chugüi reta.

OSEAS 11:7

Chembae vae reta jekuaeño oyembopɨapochɨ chekotɨ. Yepe tëi chereenɨi reta Tuichagüe yae ete vae pe; ërei mbaetɨ etei metei ave chembotuicha.

OSEAS 13:9

Romokañɨteita Israel, ngaraa kia oasayepe chegüi.

OSEAS 14:1

¡Israel, eyerova ye ndeYa Tumpa kotɨ, echa ndeyoa jeko pegua regüɨapi ma!

OSEAS 4:16

Echa Israel pegua reta oyembopɨapochɨ metei guaka taɨrusu vae imasombae rami; ¿oyangarekota ra yandeYa jese metei vecha re rami jembíu katúa pe?

OSEAS 5:5

Israel pegua reta ipɨapochɨ oyeapa ikotɨ; Efraín oiporarata iyoa ae, ¡Judá pegua reta oiporarata vi jae reta ndive mbaeyoa re!

OSEAS 7:2

Mbaetɨ oyemongeta reta che chemaendúa ko opaete ikavimbae oyapo reta vae re. Añave ngaraa ma oyemboapeuka reta jembiapo reta pe, ñogüɨnoi cheróvai jembiapo ikavimbae reta.

OSEAS 9:1

Israel pegua reta, agüɨye peyerovia; agüɨye pechäguariko peyerovia güi ïru tëta pegua reta rami, echa peyembosɨrɨ Tumpa güi vae, kuña imegua rami ko, ipöra yae peve trigo oyembopiriría rupi aguasa peyapo vae jepɨ peve vae.

AMÓS 8:10

Aipoepɨta pearete reta mbɨatɨtɨ pe, jare aipoepɨta petairari reta yaeo pe; jare amondeukata temimonde mbɨatɨtɨ pegua opaete vae pe, jare opaete vae ia oñapita; jókuae ara opaete vae oyaeota membɨrɨpɨ re rami, jare ojoita iyapɨ mbɨatɨtɨ tuicha vae ndive.

MIQUEAS 1:5

Opaete kuaekuae, Jacob iñemuña reta ipɨarai jare iyoa jeko pegua. ¿Mbae pa jae Jacob ipɨarai? ¿Jaeä pa tëta Samaria? ¿Kia pa jae Judá pegua mɨmba oyeyuka oyeapɨ jese vae reta? ¿Jaeä pa tëta Jerusalén?

ZACARÍAS 7:11

Ërei mbaetɨ oipota reta oendu, jaeño omee ikupe, jare iyapɨsa oyapete reta agüɨye vaerä oendu.”

Romanos 3:18

Mbaetɨ etei oipoɨu Tumpa güi.”

JUECES 10:13

Ërei pe reta jekuae chereeya, jare pemboete tumpa ambuae reta, jayave che ngaraa ye ma poepɨ.