JEREMÍAS 2:18 - Biblia Guarani Tumpa Iñee

¹⁸ Añave, ¿mbae pa reväe reo Egipto kotɨ, reɨu ɨ̈aka Nilo pegua pe vae rupi? ¿Mbae pa reväe reo Asiria kotɨ, reɨu ɨ̈aka Éufrates pegua pe vae rupi?

JEREMÍAS 2:18 ပူးပေါင်းရင်းမြစ်များ

2 CRÓNICAS 28:16

Jókuae ara rupi mburuvicha guasu Acaz omondo oiporu yemborɨ mburuvicha guasu Asiria pegua pe,

ISAÍAS 23:3

Jembiurä güeru reta yepi iyeupe, temitɨ oñemuña jare oyearɨvo ɨ̈aka Nilo jembeɨ rupi vae güi, jare omaemee reta yepi jeta rupi ïru tëtaguasu reta pe.

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 7:20

Jókuae ara rupi yandeYa oiporuta mburuvicha guasu Asiria pegua, metei kɨse raɨ jaimbe yae vae rami, matɨ ɨ̈aka Éufrates jovaicho kotɨ güi; pɨpe oñapita Israel iñemuña reta ia, itɨmaka-raa jare jendɨvaa.

JEREMÍAS 2:36

¿Maera pa ndeandeko yae reñemoïru vaerä? Egipto ombaeyavɨta vi ko ndeve, Asiria ombaeyavɨ ma ndeve rami.

JEREMÍAS 31:22

¿Kërai yave regua pa reikota, kuñatai iñeereendumbae rami? Che ndeYa, ayapota mbae ambuaeyee vae kuae ɨvɨ pe, jae ko: Kuñai oyangarekota kuimbae re vae rami vae.”

LAMENTACIONES 4:17

Oreresa ikangɨi roäro tëi yemborɨ. Roäroiño ma metei tëtaguasu mbaetɨta ipuere oporoepɨ vae.

LAMENTACIONES 5:6

Egiptoɨgua reta pe jare Asiriaɨgua reta pe royerure tembíu re, rokaru vaerä.

EZEQUIEL 16:28

Mbaetɨ ramo ndeangapɨɨ, reiko vi Asiriaɨgua reta ndive, jeseve mbaetɨño ndeangapɨɨ.

EZEQUIEL 17:15

Ërei kuae mburuvicha oñemopüa mburuvicha guasu Babilonia pegua re, omondo jekovia pe kuimbae reta imiari vaerä Egipto pe, omee vaerä chupe kavayu reta jare jeta kuimbae. ¿Perovia pa kuae oyapo yave oasayepeta? ¿Ipuereta ra morogüɨrökuavee päve mbaetɨ ombopo vae oasayepe?

EZEQUIEL 23:30

añave köraita reasa, echa reiko aguasa pe ïru tëtaguasu pegua reta ndive, jare remboete itumpa-raanga reta.

OSEAS 5:13

Efraín oecha ma yave imbaerasɨ, jare Judá ipere okuerambae yave, Efraín ojota Asiria pe oiporu yemborɨ mburuvicha guasu pe, ërei jae ngaraa ipuere ombogüera ngaraa vi ipuere oipoano ipere.

OSEAS 7:11

Pɨkasu mbaetɨ arakuaa güɨnoi rami ko Efraín, oiporu yemborɨ Egipto pe, javoi oyemboya Asiria re.

JOSUÉ 13:3

Sihor, Egipto güi kuaraɨ oëa kotɨ oï vae güive Ecrón jembeɨ kotɨ ɨvɨtuguasu kotɨ, cananeo reta oyemombae jese vae; joko pe oime pandepo filisteo juvicha reta ñogüɨnoia, jae ko Gaza, Asdod, Ascalón, Gat jare Ecrón. Opɨta vi aveo reta iɨvɨ,