JEREMÍAS 2:17 - Biblia Guarani Tumpa Iñee

¹⁷ Körai ko reasa, chereeya vae jeko pegua, che, ndeYa Tumpa rogüɨroatase vae.

JEREMÍAS 2:17 ပူးပေါင်းရင်းမြစ်များ

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

JOB 34:27

Echa oeya reta Tumpa, jare mbaetɨ oyemongeta reta oyapogüe re.

JOB 4:8

Che aecha rami, mbaeyoa jare ikavimbae oyapo vae reta, oarɨvo ko.

SALMOS 107:7

Javoi güɨraja isɨmbi, tëta guasu yogüɨrekota pɨpe vae pe.

SALMOS 136:16

Oyangareko imbae vae reta re ñuu rupi vae, echa iporoparareko jekuae avei vae ko.

SALMOS 77:20

Reroatase ndembae vae reta vecha rami, Moisés jare Aarón rupi.

PROVERBIOS 15:10

Teko kavi oeya vae pe, yembosɨmbi jasɨ katu yae, ërei yembosɨmbi güɨröɨro vae, omanota ko.

ISAÍAS 1:4

¡Paravete, iyoa vae reta, tëta tɨnɨe ikavimbae pe vae, ipɨapochɨ vae reta iñemuña, jare jeko opa oikomeguagüe reta! Oyembosɨrɨ reta yandeYa güi, omboarasɨuka reta Iyoambae Israel pegua, oyerova reta ye chugüi.

ISAÍAS 59:13

Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

JEREMÍAS 13:22

Rere yave ndepɨa pe: ‘¿Maera ra körai aiko?’ Ndeyoa yae jeko pegua ko körai reiko; ¡jáeramo nemonandi reta jare oyuvanga reta nderé!

JEREMÍAS 19:4

Echa Israel iñemuña reta chereeya, jare omongɨa reta kuae ɨvɨ; oapɨ reta ikäti kavi vae incienso tumpa-raanga reta pe, jae reta mbaetɨ oikuaa vae pe, iñemuñagüe reta ave jare mburuvicha guasu reta Judá pegua mbaetɨ oikuaa vae pe; jare kuae ɨvɨ omotɨnɨe reta jekombae jugüɨ pe.

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 4:18

Ndereko jare nderembiapo jeko pegua ko kuae ou ndeve; jae ko kuae ikavimbae reyapo vae jekovia, ndepɨa pe jasɨ yaeta vae.’

JEREMÍAS 44:3

ikavimbae oyapo vae jeko pegua, echa chemboarasɨuka reta omboete tumpa ambuae reta vae rupi, oapɨ reta chupe ikäti kavi vae incienso; tumpa-raanga reta jae reta mbaetɨ oikuaa vae, pe reta ave mbaetɨ peikuaa vae ani peñemuñagüe reta ave mbaetɨ oikuaa vae.

JEREMÍAS 5:25

Ërei pembaeyoa reta oyopia opaete kuaekuae reta pegüi, jare mbaetɨ peyekou jese.

EZEQUIEL 39:24

Jae reta ikavimbae oyapo rami jare oyembopɨapochɨ chekotɨ rami, ayapo chupe reta, ayerova chugüi reta.

OSEAS 13:9

Romokañɨteita Israel, ngaraa kia oasayepe chegüi.

MIQUEAS 1:5

Opaete kuaekuae, Jacob iñemuña reta ipɨarai jare iyoa jeko pegua. ¿Mbae pa jae Jacob ipɨarai? ¿Jaeä pa tëta Samaria? ¿Kia pa jae Judá pegua mɨmba oyeyuka oyeapɨ jese vae reta? ¿Jaeä pa tëta Jerusalén?

NÚMEROS 32:23

Ërei ngatu mbaetɨta ko jökorai peyapo yave, peyoa ko yandeYa kotɨ; jare agüɨye peakañɨ metei ara peiporarata ko peyoa re vae.

DEUTERONOMIO 32:10

Oväe chupe ñuu pe, ɨvɨ otini vae pe jare ɨvɨtu yaea pe; oñoma jare omongaru, jare oyangareko jese, jesäɨ kunumi re oyangareko rami.

DEUTERONOMIO 32:19

Jare jókuae yandeYa oecha yave iyarasɨ, taɨ jare tayɨ reta iporogüɨröɨro ikotɨ ramo;