JEREMÍAS 19:13 - Biblia Guarani Tumpa Iñee

¹³ O reta Jerusalén pegua jare mburuvicha guasu reta Judá pegua jo reta, jare o reta iárambo ikäti kavi vae incienso oapɨ reta yasɨtata reta pea pe, jare omee reta mbota vino oyepɨyere vae tumpa ambuae pe vae, ikɨata opɨta cheróvai Tofet rami.’ ”

JEREMÍAS 19:13 ပူးပေါင်းရင်းမြစ်များ

2 REYES 17:16

Oeya reta opaete iYa Tumpa iporookuai reta, oyapo reta iyeupe mókoi toro taɨrusu vae iä jiero iyu vae pegua jare Asera iä reta, omboete reta opaete ara ipo reta jare Baal.

2 REYES 23:10

Josías güɨröɨro güi omboai vi mbaemboete renda reta Tofet pegua, ɨvɨtɨ päu Hinom pe oï vae pegua, agüɨye vaerä ma metei ave oapɨ taɨ ani tayɨ, Moloc pe.

2 REYES 23:12

Omboai vi mɨmba oyeyuka oyeapɨ jese vae reta, mburuvicha guasu reta Judá pegua oyapo Acaz jo iárambo vae, jare mɨmba oyeyuka oyeapɨ jese vae reta Manasés omopüa yandeYa jo joka pe vae; opa oyoka jare ikuigüe opa omoai ɨ̈aka raɨ Cedrón pe.

2 REYES 23:14

Oyoka vi tumpa-raanga reta iä ita pegua jare opa oyasɨa Asera iä reta ɨvɨra pegua, jókuae reta jendagüe opa omotɨnɨe kuimbae reta ikägüegüe pe.

SALMOS 74:7

Oyatapɨ reta ndero mbaemboetea re; ¡omboeteä reta ndero nderee oï pɨpe vae, opa omboai reta oeya ɨvɨ rupi!

SALMOS 79:1

¡CheRu Tumpa, yogüeru tëtaguasu reta ndeɨvɨ pe! ¡Omboeteä reta ndetupao oñeñono tee vae, jare Jerusalén omboai oeya reta tëtagüerä!

ISAÍAS 22:1

Tëta guasu ɨvɨtɨ päu ipe kavi vae reta ipäu pegua maratuta vae regua: ¿Maera pa opaete vae oyeupi o iárambo?

JEREMÍAS 19:12

Jökoraita ayapo kuae tëta guasu jare pɨpegua reta. Tofet rami.

JEREMÍAS 32:29

Caldeaɨgua reta añave opüa ñogüɨnoi tëta guasu re vae oiketa pɨpe jare oyatapɨ retata jese; oapɨta vi o reta, iárambo güɨnoi reta ikäti kavi vae incienso oapɨ Baal peguarä jese vae, jare mbota vino oyepɨyere tumpa ambuae reta pe vae, jókuae rupi chemboarasɨuka reta vae.

JEREMÍAS 44:18

ërei romboɨpɨ roeya jókuae roapɨ ikäti kavi vae incienso oretumpa ara pegua Mburuvicha kuña jee vae pe güire, omboɨpɨ oata opaete mbaembae oreve, jare oreïru reta omano ñeraro jare karuai rupi.

JEREMÍAS 52:13

jare oapɨ yandeYa itupao, mburuvicha guasu jo jare opaete o reta Jerusalén pegua; opaete o tuichagüe reta;

JEREMÍAS 7:18

Michia reta güeru yepea tu pe jare tu reta oyatapɨ, kuña reta omboípɨu trigokúi mbɨyaperä omee vaerä mbota tumpa-raanga ara pegua Mburuvicha kuña pe oenɨi jae reta vae. Omee reta vi mbota vino oyepɨyere vae tumpa ambuae reta pe, chemboarasɨuka vaerä.

JEREMÍAS 8:2

jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.

EZEQUIEL 20:28

Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.

SOFONÍAS 1:5

Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.

Hechos 10:9

Pɨareve pe, jae reta yogüɨraja tape rupi köiño ma Jope güi ramboeve, kuaraɨ ara mbɨteta ma yave Pedro oyeupi o iárambo ipe kavía pe oyerure vaerä Tumpa pe.

Hechos 7:42

Jáeramo Tumpa oyerova chugüi reta, jare omaeño omboete reta vaerä opaete ara ipo reta. Echa ñeemombeúa reta jembikuatía pe oyekuatía oï körai: “¿Cheve yera pemee mɨmba peyukagüe reta cuarenta año ñuu rupi peiko ramboeve, Israel iñemuña reta?

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.