JEREMÍAS 18:7 - Biblia Guarani Tumpa Iñee

⁷ Che jae metei jeia pe oyemboai jare oñemokañɨtei vaerä tëtaguasu reta ani mborookuaía reta.

JEREMÍAS 18:7 ပူးပေါင်းရင်းမြစ်များ

GÉNESIS 6:6

Jayave yandeYa ombopɨatɨtɨ, arakae oyapo kuimbae vae, jare jókuae jasɨ ipɨa pe.

JEREMÍAS 1:10

Kuae ara roñono tëtaguasu reta re jare mburuvicha guasu reta iporookuaía re, reapomondoro vaerä jare remboai vaerä, rerokomegua vaerä jare reitɨ vaerä, jare vi remopüa ye vaerä jare rembopɨau ye vaerä.”

JEREMÍAS 26:3

Güɨramoi oendu reta, jare oeya reta metei vae ñavo jeko kavimbae; jayave che aipoepɨta cheyemongeta, ayapota tëi ikavimbae chupe reta vae, jembiapo reta ikavimbae jeko pegua re vae.

JEREMÍAS 31:28

Aïndaivi aapomondoro vaerä jare ambosururu vaerä; ambojopa vaerä jare amokañɨ vaerä; jare ambopɨatɨtɨ vaerä: Jökorai vi aïndaivi amopüa ye vaerä jare ambopɨau ye vaerä.

JEREMÍAS 42:10

‘Peipota pepɨta yave kuae ɨvɨ pe, che ameeta peve peiko kavi vaerä; ngaraa pomokañɨtei, ameeta peve peñemoëta kavi vaerä jare ngaraa ma pogüɨnoe, echa chembopɨatɨtɨ ambou peve jókuae susere vae.

JEREMÍAS 45:4

Jare cheokuai jae vaerä ndeve: ‘Che amopüagüe amboai, jare añono jenda pe vae amokañɨtei. Jökoraita ko ayapo opaete ɨvɨ.

EZEQUIEL 33:14

Che jae yave iyoa vae pe, ¡remanota!; ërei jae oyepoepɨ yave jeko kavimbae güi, jare oyapo ikavi vae jupi rupi,

DANIEL 11:4

Ërei oï kavi yae ma yave, iporookuaía oyemboaita jare oyemboyaota irundɨ yemboyao pe. Ërei kuae mborookuaía reta mbaetɨta oasa iñemuña reta pe, mbaetɨta vi jökorai imbaepuere yae tenonde yave rami, echa oyemboyaota opɨta jare jekovia pe ïru vae reta ñogüɨnoita mburuvicharä.

AMÓS 9:8

YandeYa omae oï kuae tëta pegua iyoa vae reta re, jare jei: “Amboaita ɨvɨ iárambo güi, ërei mbaetɨta opaetei amboai Jacob iñemuña reta.

JONÁS 3:10

Jare Tumpa oecha jae reta oyapogüe, kërai oyepoepɨ reta jeko kavimbae güi vae; jare oipoepɨ iyemongeta ikavimbae oyapota tëi chupe reta vae, jare mbaetɨ oyapo.

JONÁS 3:4

Jonás omboɨpɨ oike tëta guasu rupi, tenondegua ara pe omboɨpɨ oñemoñee, jei körai: “¡Mase, kuae güi cuarenta araa pe Nínive okañɨteita!”