JEREMÍAS 18:23 - Biblia Guarani Tumpa Iñee

²³ Ërei nde, cheYa Tumpa, reikuaa katu yemongeta oyapo reta cheyuka reta vaerä vae. ¡Agüɨye neɨ̈ro chupe reta ikavimbae oyapo vae re, iyoa re ave agüɨye neɨ̈ro! ¡Tomano reta nderóvai, eiporarauka chupe reta ndearasɨ yae reve!

JEREMÍAS 18:23 ပူးပေါင်းရင်းမြစ်များ

SALMOS 119:126

CheYa Tumpa, eñemopüa mo, echa mbaetɨ oyapo reta ndeporookuai reta.

SALMOS 35:4

Toñemomaraiuka toyeyoyaiuka oipota cheyuka vae reta; totekuarai reta oñemomarai reve, oipota ikavimbae oyapo cheve vae reta.

SALMOS 56:8

Nde reikuaa kërai ko che atekuarai aiko vae; nde remboɨru cheresaɨ reta ndeɨakua pe. ¿Oimeä yera oyekuatía oï nderembikuatía pe?

SALMOS 59:5

Nde, cheYa, Tumpa Imbaepuere yae ete vae, Israel iTumpa, epa reiporarauka vaerä opaete tëtaguasu reta pe; agüɨye eiparareko oyembopɨapochɨ ikavimbae rupi vae reta.

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 2:9

Kuimbae oyetavatɨka itindɨ reve ombaemboete, oñemomichi reta tumpa-raanga reta kotɨ. ¡Agüɨye neɨ̈ro chupe reta!

JEREMÍAS 11:23

Mbaetɨ eteita opɨta chugüi reta metei ave, echa oväe ara aru vaerä Anatot pegua reta re mbaesusere, oiporara yae reta vaerä.”

JEREMÍAS 15:15

CheYa, nde reikuaa ko opaete mbaembae, ¡nemaendúa cheré jare eyu chemborɨ! ¡Eiporarauka chemotareɨ vae reta pe cheve! Agüɨye ndepɨaguasu chupe reta, agüɨye emaeño tamano; mase, roaɨu jeko pegua ko aiporara ñemotareɨ reta.

JEREMÍAS 17:18

Emomaraiuka chemotareɨ vae reta, ërei che agüɨye jökorai. Emongɨɨye reta, ërei che agüɨye jökorai. Embou jese reta mbaesusere, opaetei emokañɨtei reta.

JEREMÍAS 17:4

Reeyata ko ɨvɨ che amee ndembaerä vae, roapota nderovaicho reta jembiokuairä, ɨvɨ nde reikuaambaea pe, echa chearasɨ oyepotata tata rami jekuae avei pegua, nemokañɨtei vaerä.”

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 26:11

Jayave sacerdote reta jare ñeemombeúa reta, omoë reta iñee mburuvicha reta pe jare opaete vae reta pe, jei reve: “Kuae kuimbae omanota ko, echa omoërakua kuae tëta guasu kotɨ maratuta vae. Pe reta etei peendu rami.”

JEREMÍAS 26:8

Jare Jeremías opa ma imiari opaete yandeYa oyókuai jei vaerä opaete vae reta pe yave; sacerdote reta, ñeemombeúa reta jare opaete vae reta oipɨɨ Jeremías, jei reve chupe: “¡Remanota ko añave!

JEREMÍAS 37:15

Jare mburuvicha reta iyarasɨ Jeremías kotɨ, oinupauka jare oñonouka tembipɨɨrɨru oï ombaekuatía vae Jonatán jëta pe vae pe, echa jókuae yepe oipoepɨ reta tembipɨɨrɨrurä.

JEREMÍAS 38:4

Jayave mburuvicha reta jei juvicha guasu pe: —Yayuka añave kuae kuimbae; echa kuae iñee rupi omoäteɨ kuimbae ñeraro regua reta, kuae tëta guasu pe opɨtaño vae jare opaete kuae pegua reta, jei ramboeve chupe reta kuae ñee; echa kuae kuimbae mbaetɨ oeka mbɨakatu kuae tëta guasu peguarä, jaeño oeka ikavimbae.

JEREMÍAS 6:15

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.”

JEREMÍAS 6:21

Jáeramo yandeYa jei: “Ko añono kuae tëta chembae oyepɨaka jare ogüɨapi vaerä. Tu reta jare taɨ reta; jëta-ɨpɨ rupigua reta jare iñeïru reta omanota vi.”

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

LAMENTACIONES 3:60

Nde reecha opaete oyepɨ reta vae, jare opaete oyemongeta ikavimbae chekotɨ vae.

LAMENTACIONES 3:61

CheYa Tumpa, eendu ñee ikavimbae jei reta vae, jare opaete chemomburu reta yogüɨreko vae;

San Lucas 21:22

Echa jókuae ara reta pe ɨvɨ pegua reta oiporara yaeta, jeko ae re, opaete Tumpa Iñee pe oyekuatía oï vae oyembopo vaerä.

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.