JEREMÍAS 18:21 - Biblia Guarani Tumpa Iñee

²¹ ¡Ërei añave, emee taɨ reta omano reta vaerä karuai ani ñeraro rupi; topɨta kuña reta imembae jare imembɨmbae! ¡Mbaerasɨ yavaetegüe toyuka kuimbae reta, jare ikunumi reta tomano ñeraroa pe!

JEREMÍAS 18:21 ပူးပေါင်းရင်းမြစ်များ

2 CRÓNICAS 36:17

Jáeramo yandeYa güeru Caldeaɨgua reta juvicha guasu oporepeña vaerä jese reta, jae oyuka kɨsepuku pe taɨrusugüe reta jare jókuae tupao pe etei, mbaetɨ etei oiparareko kunumi reta jare kuñatai reta, indechi vae reta ani ipuerembae reta ave. Opaetei yandeYa omee reta ipo pe.

SALMOS 63:10

¡kɨsepuku pe omano retata, toiko reta aguarayaɨmba jembiurä!

SALMOS 63:11

Ërei che mburuvicha guasu ayeroviata nderé; oyemboeteta opaete jei nderee re vae, echa iyapu imiari vae reta, iyuru oyeokendata.

ÉXODO 22:24

jare chearasɨta jare poyukaukata ñeraro rupi, jare perembireko reta yogüɨrekota imemano vae jare peraɨ reta tɨ̈reɨ.

ISAÍAS 13:18

Juvɨ pe oñɨvo retata michia reta, oa ramo vae reta re ngaraa ipïri reta, jaeramiño vi kunumi reta re.

ISAÍAS 9:16

Echa mburuvicha kuae tëta pegua reta oporombotavɨ vae reta ko, jare opaete vae reta opa ombojopa.

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 12:3

Ërei nde cheYa Tumpa, chereecha jare chekuaa kavi ko; reikuaa kërai cheyemongeta ndekotɨ vae. ¡Eraja jókuae kuimbae reta, mbaeyukaa pe vecha oyereraja rami; emokañɨmaa parapiti iara peguarä!

JEREMÍAS 14:16

Jare tëta oñemoërakua chupe reta vae, omanota vi ñeraro jare karuai rupi, kuimbae jembireko ndive jare imichia reta. Jëogüegüe reta oyemombota Jerusalén ikaye rupi, mbaetɨta kia oñotɨ vaerä. Jökorai aiporaraukata chupe reta iyoa re.

JEREMÍAS 15:7

Opa amoai moai nerëta pegua reta kapii rami, opa anoe tëta guasu reta güi; aeya imichiambaeño chembae vae reta, opa amokañɨtei, echa mbaetɨ oipota oeya jeko reta ikavimbae vae.

JEREMÍAS 15:8

Aeya ipɨte reta pe jeta imemano vae reta, ɨguasu jembeɨ pe jeta yae ɨvɨkuitï rami. Kuaraɨ ara mbɨte yave ambou chupe reta mano, ichɨ reta re jare imembɨraɨe reta re; iparanoe ambouta chupe reta mbɨatɨtɨ jare kɨɨye.

JEREMÍAS 50:30

Jáeramo, itaɨrusu reta opata omano joka guasu rupi, jare opaete isundaro reta omanota jókuae ara. Che peYa ko jae kuae.”

JEREMÍAS 9:21

“Mano ou oike yandero pe, oyuka michia reta kaye pe jare taɨrusu reta oka guasu pe.

LAMENTACIONES 1:15

YandeYa opa omoamɨri chegüi kuimbae reta jëia yae vae. Ombou chekotɨ jeta vae reta, opa vaerä omokañɨtei chegüi taɨrusu reta. ¡YandeYa opɨ̈ro imbae vae Judá pegua reta re, uva re oñepɨ̈ro oñetɨami rami!

LAMENTACIONES 5:3

Tɨ̈reɨ rami ko ore, mbaetɨ oreru; oresɨ reta opɨta imemano vae rami.

EZEQUIEL 16:38

Rojäata reyuvanga menda re jare reporoyuka vae jeko pegua, jare cherägüɨro ramo chearasɨ reve romeeta mano pe.

EZEQUIEL 22:25

nde ko jae ɨvɨ, neñeemombeúa reta yaguapope rami oporoyuka vae; oporoyuka reta, opɨ̈ro reta ɨvɨ jare mbaeyekou, ombojeta reta imemano vae tëta guasu pe.

AMÓS 4:10

“Ambou peve mbaesusere reta yavaetegüe Egipto pe rami; ayukauka petaɨrusu reta kɨsepuku pe, jare perovaicho opa opɨ̈ro pekavayu reta pegüi; peïru reta ñeraro pe omanogüe iine aëtuuka tëi peve, ¡ërei mbaetɨ peyerova ye chekotɨ!” Jei yandeYa.

DEUTERONOMIO 32:25

Kɨsepuku oporoyukata ikatu rupi, jare o japɨpe rupi kɨɨye; omanota kunumi jare kuñatai, ndechi reta jare vi michia okambu vɨteri vae reta.

2 Timoteo 4:14

Alejandro jiero pegua mbaravɨkɨ iyapoa, oyapo jeta ikavimbae vae cheve. YandeYa tomboepɨ chupe oyapogüe oï rupi.

1 SAMUEL 15:33

Jare Samuel jei: —Ndekɨsepuku pe reeya jeta kuña reta imembɨmbae, jökoraita opɨta ndesɨ imembɨmbae ïru reta ipɨte pe. Jayave Samuel opa oyasɨa sɨa Agag yandeYa jóvai Gilgal pe.