JEREMÍAS 18:18 - Biblia Guarani Tumpa Iñee

¹⁸ Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 18:18 ပူးပေါင်းရင်းမြစ်များ

2 SAMUEL 15:31

Jare omombeu reta David pe, jei reve: —Ahitofel oï vi Absalón ndive, oyemongeta oñemopüa vaerä vae reta ndive. Jayave David jei: —CheYa Tumpa, erokomegua Ahitofel iporomboarakuaa chugüi.

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

1 REYES 22:24

Jayave Sedequías, Quenaana taɨ, oya katu Micaías re oovapete, jare jei: —¿Kerupi pa oasa chegüi yandeYa iespíritu nemomiari vaerä?

2 CRÓNICAS 24:21

Ërei ngatu opaete vae oyovaicho ikotɨ, jare mburuvicha guasu iporookuai rupi oyapi reta ita pe oyuka regua yandeYa jo joka pe.

JOB 5:13

Jae oipɨɨ ipoki vae reta jeko pe aeño; jare güɨrokomegua ipɨapochɨ vae reta iyemongeta.

SALMOS 21:11

Echa oipota tëi oyapo reta ikavimbae vae ndeve, oyomboemboe reta, ërei ngaraa ipuere reta.

SALMOS 52:2

Ikavimbae reño reyemongeta; nekü kɨse jaimbe yae vae rami.

SALMOS 57:4

Cherekove oï yaguapope reta ipɨte pe rami, ayepɨso aï oporou vae reta ipɨte pe; jäi reta mii rami jare uvɨ rami, ikü, kɨsepuku oyeimbeegüe rami.

SALMOS 64:3

Oimbee reta ikü kɨsepuku rami, ojäa reta uvɨ rami ñee ikavimbae.

PROVERBIOS 18:21

Ñee güɨnoi mbaepuere, mano peguarä jare tekove peguarä, iñee omoë vae, jókuae jekoviata chupe.

ISAÍAS 32:7

Jeko kavimbae oeka kërai oyapo vaerä ikavimbae, ikaviä oyemongeta ipɨa pe; apu rupi oyapo ikavimbae vae paravete vae kotɨ jare ñeapo rupi oeka tëi oime vaerä jupi rupi ñeñono kavi chupe vae kotɨ.

JEREMÍAS 1:19

Jae reta oekata maratu ndeapo vaerä, ërei ngaraa nemoamɨri, echa che aïta nde ndive, roepɨ vaerä. Che ndeYa ko, jae kuae ndeve.”

JEREMÍAS 11:19

Che aiko, metei vecha kuimbae taɨrusu vae oyereraja mbaeyukaa pe rami, aikuaambae reve oime ko oyemongeta pɨ̈chɨi reta chekotɨ vae. Jei reta chekotɨ: “Yayasɨa ɨvɨra ia kavi oï añave vae, yayasɨa kuae ɨvɨ güi, oikove vae reta ipɨte güi, agüɨye vaerä mo kia imaendúa jese.”

JEREMÍAS 18:11

Ere, Judá pegua reta pe jare Jerusalén pe yogüɨreko vae reta pe, yandeYa jei körai: ‘Ayemongeta aï pekotɨ, aiporarauka vaerä peve. Peyepoepɨ mo ikavimbae güi, peyapo kavi pereko jare perembiapo reta.’

JEREMÍAS 18:19

¡CheYa Tumpa, eyeapɨsaka cheré! ¡Eendu oyemboyovaicho chekotɨ vae reta jeigüe!

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

JEREMÍAS 20:10

Aendu jeta vae iñeenguru jei reta: “¡Oime kɨɨye opaete rupi!” “¡Peyu, ñañeapo Jeremías re!” Chevɨa-ïru reta ave oäro ambaeyavɨ vaerä. Jei reta: “Güɨramoi ombaeyavɨta; jayave jëguata yandeve, javoi yayepɨ jese.”

JEREMÍAS 26:11

Jayave sacerdote reta jare ñeemombeúa reta, omoë reta iñee mburuvicha reta pe jare opaete vae reta pe, jei reve: “Kuae kuimbae omanota ko, echa omoërakua kuae tëta guasu kotɨ maratuta vae. Pe reta etei peendu rami.”

JEREMÍAS 37:13

Ërei ojo oväe Öke Benjamín jee vae öke pe yave, metei sundaro ruvicha Irías jee vae, Selemías taɨ, Hananías jɨmɨmino, oipɨɨ Jeremías jare jei chupe: —¡Nde reipota reasa Caldeaɨgua reta kotɨ!

JEREMÍAS 43:2

Azarías, Osaías taɨ; Johanán, Carea taɨ jare ïru kuimbae ipɨapochɨ vae reta jei Jeremías pe: “¡Ndeapu ko! YandeYa Tumpa mbaetɨ ko ndeokuai, agüɨye vaerä rojo roiko Egipto pe.

JEREMÍAS 44:16

—Ngaraa royapo jókuae ñee reru oreve yandeYa güi vae.

JEREMÍAS 44:17

Royapoñota roñererökuavee ma royapo vaerä vae. Roapɨta ikäti kavi vae incienso jare mbota vino oyepɨyere vae oretumpa ara pegua Mburuvicha kuña jee vae pe, añave rupi royapo roiko rami, jare tenonde rupi oreñemuñagüe reta, oreruvicha guasu reta jare tëta ruvicha reta Judá pegua jare kaye Jerusalén pegua rupi oyeapose rami. Jayave rogüɨnoise jeta tembíu, ikavi roiko jare mbaetɨ etei ou mbae nunga susere oreve;

JEREMÍAS 8:8

¿Kërai pa pepuere pere peyeupe: Yandearakuaa yae ko, oime ñanoi yandeYa iporookuai reta? ¡Ërei mborookuai re oporomboe vae reta güɨrova ko jókuae mborookuai reta apu pe!

LAMENTACIONES 3:62

cherovaicho reta iñeenguru chekotɨ vae, jare ara ñavo chemomburu reta vae.

EZEQUIEL 7:26

Oyoaɨkue yoaɨkueta ou mbaesusere; mbae ikavimbae jërakua vae jaeramiño vi. Oeka reta tëita ñeemombeúa omombeu kavi vaerä chupe reta, sacerdote reta mbaetɨta oporomboe ani tenondegua vae reta mbaetɨta vi oporomboarakuaa.

LEVÍTICO 10:11

jare pemboe vaerä Israel iñemuña reta opaete mborookuai che peYa jae Moisés rupi vae.”

MIQUEAS 3:6

“Jáeramo, ñeemombeúa reta pe pɨ̈tu ramita, pɨtumimbi ramita mbae re oikuaa vae reta pe.” Ñeemombeúa reta pe oiketa kuaraɨ; ara oyembopɨtumimbita chupe reta.

MIQUEAS 3:7

Jókuae ñeemombeúa reta imarata opɨta, maratuta vae imombeúa reta jopata; jare opaete kuae reta kïriita opɨta, echa Tumpa mbaetɨ omboyevɨ ñee chupe reta.

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

San Lucas 11:45

Jayave metei mborookuai re oporomboe vae jei Jesús pe: —Oporomboe vae, kuae añave rere vae rupi, oreñono pɨ̈chɨi vi ko.

San Juan 9:40

Amogüe fariseo reta joko pe ñogüɨnoi jae ndive vae oendu kuae yave, oparandu reta chupe: —¿Ore vi pa ko jae jesambae vae reta?