JEREMÍAS 18:16 - Biblia Guarani Tumpa Iñee

¹⁶ Jökorai iɨvɨ oipoepɨ, ɨvɨ ipombae pe, opaete vae okɨɨye yae vaerä jekuae avei pegua. Opaete oasa jokoropi vae iñäka ombovavata jare ipɨakañɨta jese.

JEREMÍAS 18:16 ပူးပေါင်းရင်းမြစ်များ

1 REYES 9:8

Jare kuae tupao ikavi yae vae, oyemboaita opɨta, oipotagüe oasa iyɨ́vɨri rupi vae ipɨakañɨta omae jese, jare oyoyaita, jare jeita: ‘¿Maera ra Tumpa körai oyapo kuae ɨvɨ jare kuae tupao?’

2 CRÓNICAS 29:8

Jáeramo yandeYa iyarasɨ Judá pegua reta kotɨ jare Jerusalén pegua reta kotɨ jare opa oeya mbɨatɨtɨ pe, ñemotareɨ rupi jare yeyóyai yóyai rupi; pe reta etei peecha añave rupi penoi rami.

SALMOS 109:25

¡Che aiko chupe reta, iñee kaviä vaerä cheré! ¡Omae reta cheré yave, ombovava reta iñäka cheyóyai!

SALMOS 22:7

Opaete chereecha vae cheyóyai yóyai, iyuru ambuae jare oñeäkambovava omae cheré.

SALMOS 44:14

Oreñono tëtaguasu reta iñeerä; orereecha reta yave, ombovava iñäka omae oreré.

ISAÍAS 37:22

Kuae ñee reta jei yandeYa jókuae mburuvicha guasu Asiria pegua kotɨ: “Senaquerib, tëta guasu Sión, ndeyóyai yóyai metei kuñatai rami. Jerusalén oñeäkambovava reve ndeyóyai yóyai omae nderé, resɨrɨ ye yave.

ISAÍAS 6:11

Jare che jae chupe: “¿Kërai yave regua pa cheYa?” Jare jae jei cheve: “Tëta guasu reta opa oyemboai regua, ipombae opɨta regua; o reta ipombae opɨta regua, jare ɨvɨ ipombae opɨta regua,

JEREMÍAS 19:8

Aipoepɨta kuae tëta opɨta vaerä ipombae jare kɨɨyearä, opaete oasa jokoropi vae ipɨakañɨta jese jare okɨɨye yaeta opaete oyemboai vae re.

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 29:18

Pogüɨrekota ñeraro rupi, karuai rupi jare mbaerasɨ ovakatu vae rupi. Poapota opaete tëtaguasu reta omae kaviä vaerä peré, peikota yepopeyurä, yeyóyai yóyai rupi, opaete jókuae tëtaguasu reta pomoai moaia rupi.

JEREMÍAS 42:18

YandeYa Imbaepuere yae ete vae Israel iTumpa, jei: ‘Chearasɨ tuichagüe aitɨ Jerusalén pegua reta re rami, chearasɨ aitɨta vi peré, peo yave Egipto kotɨ. Peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä, yeyóyai yoyairä, jare ngaraa ye ma peyerova kuae peɨvɨ pe.’

JEREMÍAS 44:12

Judá pe jembɨregüe yogüɨraja ɨvɨ Egipto pe yogüɨreko vaerä vae opata amokañɨtei. Opaete vae, paravete vae güive oikokatu vae pe omanota ñeraro rupi, ani karuai rupi jare peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä jare yeyóyai yóyai rupi.

JEREMÍAS 48:27

Moab, ¿reyóyai yoyaiä pa ko Israel yepi, jare nemiari jese reröɨro reve, metei imonda vae re rami?

JEREMÍAS 49:13

Che peYa, cheyé aeño arökuavee. Tëta guasu Bosra opɨtata ipombae, ñeerä jare yepopeyurä; jare opaete ïru jëta guasu reta oyemboaita opɨta jekuae avei pegua.”

JEREMÍAS 49:17

“Edom opaeteita oyemboai. Opaete oasa jokoropi vae ipɨakañɨta jare oyóyai yoyaita oecha yave kuae susere reta,

JEREMÍAS 50:13

Echa chearasɨta jare aeyata ipombae, opaeteita oyemboai opɨta. Opaete oasa jokoropi vae ipɨakañɨta jare oyóyai yoyaita oecha yave kuae susere reta.

JEREMÍAS 51:37

Babilonia opɨtata tëtagüerä, aguarayaɨmba reta jëtarä, jare ipombae opɨtata, opaete vae opukata jese jare okɨɨyeta.

JEREMÍAS 51:43

Jëta guasu reta opa oyemboai, ɨvɨ otini jare ipombae opɨta, mbaetɨta kia oiko pɨpe, mbaetɨta vi kia oasa jupi.

JEREMÍAS 9:11

Jerusalén tëtagüerä ayapota, opɨtata aguarayaɨmba reta jëtarä; jare tëta guasu reta Judá pegua opɨtata ipombae, mbaetɨta kia ave oiko pɨpe.”

LAMENTACIONES 1:12

Tape rupi peasa vae reta, ¿mbaetɨ pa cheparareko pemae cheré? ¡Pemae jare peyemongeta!, ¿oime ra che rami oiporara yae vae? ¡Echa cheYa ko oiporarauka cheve iyarasɨ iara pe!

EZEQUIEL 12:19

Jare ere opaete jókuae ɨvɨ pegua reta pe, jare Jerusalén pegua reta pe jare opaete Israel iñemuña reta pe körai: ‘Kuae jei yandeYa: Okaru retata ipɨatɨtɨ yae reve, jare oɨu retata okɨɨye yae reve; echa kuae ɨvɨ oyemboaita jare opɨtata ipombae, pɨpe yogüɨreko vae reta ikavimbae oyapo vae jeko pegua.

EZEQUIEL 27:36

Omaemee vae ïru ɨvɨ pegua reta, okɨɨyeta ndereecha yave. Repɨtata kɨɨyearä, jare ngaraa ye ma reiko jekuae avei pegua.’ ”

EZEQUIEL 36:3

Jáeramo, emoërakua maratuta oasa vae, ere chupe reta: YandeYa Tumpa jei körai: ‘Oipota rupi güi oporepeña peré jare pemboai, peiko vaerä ïru tëtaguasu reta imbaerä, jare imiari kaviä peré, peyóyai yóyai reve,

EZEQUIEL 6:14

Amopüata chepo ikotɨ reta, aiporarauka vaerä chupe reta; opaete kerupi yogüɨrekoa rupi, aeyata ipombae ñuu arayevɨ kotɨ güive Diblat pe ɨvɨtuguasu kotɨ. Jayave oikuaa retata che ko jae iYa vae.”

LEVÍTICO 26:32

Amokañɨteita opaete mbae peɨvɨ pe, perovaicho reta yogüɨrekota peɨvɨ pe vae ipɨakañɨta opɨta.

LEVÍTICO 26:43

Jare pe reta opata peeya peɨvɨ jare jókuae ɨvɨ oyekouta ara reta mbutuu pegua re, echa ipombae oikota ketɨ peiko ramboeve; jayave pe reta peiporara yaeta pereko kavimbae re, echa peröɨro jare pekuérai cheporookuai güi.

MIQUEAS 6:16

Echa peñovatu peyeupe Omri iporookuai reta, jare opaete Acab iñemuña reta jembiapo peyapo; jókuae reta iporomboarakuaa rupi peiko, opa vaerä che pomboai poñono jare peikota ñemomarai rupi. Jáeramo peñemotareɨukata peiko ïru tëta guasu pegua reta pe.”

San Mateo 27:39

Jare oasa vae reta oñeäkambovava reve jei ikavimbae vae Jesús kotɨ.

San Marcos 15:29

Jare oasa vae reta oñeäkambovava reve jei ikavimbae vae Jesús kotɨ körai: —¡Aa! Nde rere rembosururuta ko tupao jare remopüa yeta mboapɨ ara pe.

DEUTERONOMIO 28:59

Jayave jae omoïruta peve jeta ikavimbae yae ete vae, peñemuña reta pe, mbaerasɨ pɨ̈chɨi yae vae jare ipöambae vae.

DEUTERONOMIO 29:23

oecha retata azufreño, yukɨ jare ɨvɨ okaigüeño. Mbaetɨta mbae ipuere oñeotɨ pɨpe, mbaetɨta vi mbae oñemuña pɨpe, mbae nunga ñana ave mbaetɨta oñemuña pɨpe, Sodoma, Gomorra, Adma jare Zeboim oñemokañɨtei yave rami, yandeYa iyarasɨ jeko pegua omboai kuae tëta reta.