JEREMÍAS 18:15 - Biblia Guarani Tumpa Iñee

¹⁵ Ërei tëta chembae iñakañɨ chegüi, oapɨ ikäti kavi vae incienso tumpa-raanga reta pe. Opia jape ñɨma vae güi, jare oguata jókuae tape oikuaambaea rupi.

JEREMÍAS 18:15 ပူးပေါင်းရင်းမြစ်များ

NEHEMÍAS 9:17

Mbaetɨ ikɨ̈reɨ reta oyeapɨsaka, ani imaendúa reta mɨakañɨ reta reechauka chupe reta vae re. Oyembopɨa täta reta, jare ipɨarai jeko pegua oyemongeta reta jare oiparavo reta iyeupe metei itenondeguarä, jae güɨraja ye vaerä yeokuaiasɨ katúa kotɨ, Egipto pe. Ërei nde ko Tumpa iñɨ̈ro katu vae, oyeaeä vae, ipɨaguasu vae, iporoparareko vae, mbaetɨ iyarasɨ raivi vae jare tuicha iporoaɨu vae, jare mbaetɨ reeya reta.

ISAÍAS 3:12

Tëta chembae vae pe oiporarauka reta vae, kunumi retaño ko; jare kuña reta ko ñogüɨnoi mburuvicharä jese. Tëta chembae vae, nderuvicha reta ndembotavɨ, ndereroata ïkotɨa rupi.

ISAÍAS 41:29

¡Mase, metei ave ko mbaeä etei! Mbaetɨ ko mbae ipuere oyapo reta; osirivembae katuai ko kuae mbae iä reta oyeapogüe.”

ISAÍAS 57:14

Jayave oyeenduta jei: “Peyapo kavi jare pemboipe tape, pembosɨrɨ tape güi mbae oporomboavai vae reta, chembae vae reta oasa vaerä.”

ISAÍAS 62:10

Peasa, peasa öke reta rupi, peipea tape chembae vae reta peguarä. Peñono kavi tape oyeguata jupi vae, pembosɨrɨ tape güi ita reta, peupi bandera, oecha vaerä opaete vae tëtaguasu reta.

ISAÍAS 65:7

iyoa reta ae re jare iñemuña reta iyoa re. Jae reta oapɨ yepi ikäti kavi vae incienso, ɨvɨtɨ guasu re, jare ɨvɨtɨ re oyapo reta yepi chekotɨ ikavimbae. Jáeramo, che ajäata chupe reta iyoa jepɨ, aiporaraukata chupe reta.” Jei yandeYa.

ISAÍAS 9:16

Echa mburuvicha kuae tëta pegua reta oporombotavɨ vae reta ko, jare opaete vae reta opa ombojopa.

JEREMÍAS 1:16

Jae kuae tembiporara aruta jókuae iyoa reta jare chereeya reta vae kotɨ vae, echa oapɨ reta ikäti kavi vae incienso tumpa ambuae reta pe, omboete reta, jae reta aeño oyapo vae.

JEREMÍAS 10:15

jaanga retaño ko. YandeYa iporojäa iara pe, opaeteita ko oyemboai reta.

JEREMÍAS 11:12

Jayave Judá pegua jare Jerusalén pe yogüɨreko vae yogüɨrajata oiporu yemborɨ tumpa-raanga reta pe, jókuae oapɨ ikäti kavi vae incienso chupe reta vae pe. Ërei jae reta ngaraa ipuere oepɨ reta susere iara pe.

JEREMÍAS 11:13

Echa nde Judá, jeta yae tumpa-raanga renoi, tëta guasu reta jeta yae renoi rami; jare Jerusalén ikaye jeta yae rami, pemopüa jeta mbota renda Baal peguarä, peapɨ vaerä chupe ikäti kavi vae incienso.

JEREMÍAS 11:17

Echa che, peYa Imbaepuere yae ete vae, poñotɨ temitɨ rami vae ko amombeu kuae susere Judá jare Jerusalén kotɨ, ikavimbae yae vae peyapo jeko pegua chemboarasɨuka, echa peapɨ ikäti kavi vae incienso Baal pe.”

JEREMÍAS 13:25

Jae ko kuae oikota nde ndive vae Israel, amboepɨukata ndeve reyapogüe. Che ndeYa jae. Echa neakañɨ chegüi jare remboete tumpa-raanga reta.

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JEREMÍAS 17:13

CheYa Tumpa, nde jae ko Israel iyeroviaka. Opaete ndereeya vae imarata ko. Opaete oyembosɨrɨ ndegüi vae, okañɨta metei kuimbae jee oyekuatía ɨvɨkúi re rami, echa ndereeya, nde ɨesaɨ osɨrɨ vae.

JEREMÍAS 18:14

¿Ɨvɨtɨ Líbano re iroɨ morotï vae, okañɨ ra amo pe? ¿Tɨpata ra ɨ iröɨsa kavi vae, ɨvɨtɨ kotɨ güi ogüeyɨ vae?

JEREMÍAS 19:5

Omopüa reta vi mbaemboete renda reta Baal peguarä, opaetei oyeapɨ vaerä joko pe imichia reta Baal pe; che mbaetɨ etei ayókuai jese reta vae, mbaetɨ vi kërai ave yepe ayemongeta jese vae.

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 2:32

¿Ipuere pa metei kuñatai iñakañɨ oñemopöra pɨpe vae güi, ani jemimonde imenda pegua güi? Ërei tëta chembae vae ɨma yae ma iñakañɨ chegüi.

JEREMÍAS 3:21

Oyeendu sapúkai ɨvɨtɨ re. ¡Jae ko Israel iñemuña reta, oyaeo reta oiporu mboroparareko! Opia reta tape sɨmbi vae güi, jare iñakañɨ reta, che iYa iTumpa güi.

JEREMÍAS 44:25

YandeYa Imbaepuere yae ete vae Israel iTumpa jei körai: “Pe reta jare perembireko reta, pere vae peyapo. Pe reta peñererökuavee peapɨ vaerä ikäti kavi vae incienso jare mbota vino oyepɨyere vae tumpa ara pegua Mburuvicha kuña jee vae pe; peñererökuavee peyapo vaerä vae pembopo.

JEREMÍAS 51:18

Jaangaño ko, mbaeä etei ko, yandeYa iporojäa iara pe, opaeteita omboai.

JEREMÍAS 6:16

YandeYa jei imbae vae reta pe: “Peyemboɨ tape reta rupi jare pemae, peparandu tape reta ñɨma yae vae re, kia nunga tape ra jae ikavi vae; peguata jupi jare peväeta mbutuu peyeupe.” Ërei jae reta jei: “Mbaetɨ, ngaraa roguata jupi.”

JEREMÍAS 7:9

Pemaeñomi, peporoyuka, peyuvanga menda re, peñererökuavee jaanga, peapɨ ikäti kavi vae incienso Baal pe, jare pemboete tumpa ambuae mbaetɨ peikuaa vae reta.

EZEQUIEL 21:15

Kuae kɨsepuku oporomongɨɨye yaeta, jeta yaeta oporoyuka. Opaete o reta rupi oimeta kɨɨye kɨsepuku oporoyuka vae güi. Kuae kɨsepuku jembipe oï overa vaerä, oyeimbeeasɨ oporoaseokɨ̈ti vaerä vae.

EZEQUIEL 36:15

Ngaraa ye ma amaeño peendu ïru tëtaguasu reta peangao vae, ngaraa ye ma peiporara ñeeasɨ katu reta tëta reta güi, ngaraa ye ma amokañɨtei kuae tëta iñemuña reta. Che Tumpa jae kuae.’ ”

OSEAS 11:2

Ërei jeiete aenɨi yave, jeiete osɨrɨ reta chegüi. Baal reta pe omee mɨmba oyeyukagüe, tumpa-raanga reta pe oapɨ reta ikäti kavi incienso.

OSEAS 2:13

Aiporaraukata chupe ara reta oasagüe re oapɨ ikäti kavi vae incienso baal reta pe vae re, oñemopöra yave moäka-vera pe jare mboɨ pe, ojo iyaguasa reta jupíe jare ñakañɨ chegüi. Jei yandeYa.

OSEAS 2:6

Jáeramo ayopiata jape ñurati pe jare aroyereta kesemba jese, agüɨye vaerä oväe japerä.

MALAQUÍAS 2:8

Ërei pe sacerdote pepia cheremimbota güi; jeta vae pembojopa peporomboe pe; perokomegua morogüɨrökuavee päve Leví iñemuña reta güi. Jei yandeYa Imbaepuere yae ete vae.

San Mateo 15:6

Jökorai mbaetɨ omboete tu jare ichɨ. Jökorai pe reta pemboeteä Tumpa iporookuai peñemuñagüe reta jeko peyapo vae rupi.

Romanos 14:21

Ikavi ko agüɨye reu soo, ani vino, ani oipotagüe mbae ïru oporogüɨrovia vae ipuere ombogüɨapi, omboarasɨ ani ombopɨtu vae.

DEUTERONOMIO 32:21

Chemoägüɨrouka reta tumpambae vae re, chemboarasɨuka reta tumpa-raanga reta re; ¡che amoägüɨroukata vi metei tëta ambuae vae re, amboarasɨukata metei tëtaguasu mbaetɨ oipota oendu vae rupi!