JEREMÍAS 18:12 - Biblia Guarani Tumpa Iñee

¹² Ërei jae reta jeita ndeve: ‘¡Joko peño mo, nemiariiño ma! Romboete ñotai ko oretumpa-raanga reta; roikota orepɨa jemimbota rupiño.’ ”

JEREMÍAS 18:12 ပူးပေါင်းရင်းမြစ်များ

GÉNESIS 6:5

Jare yandeYa oecha kuimbae reta imbaeyoa jeiete yae ma ɨvɨ pe. Oecha kërai kuimbae reta ipɨa iyemongeta jekuaekuae mbaeyoa kotɨ reteiño.

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

2 REYES 6:33

Jare Eliseo imiari oï jókuae tenondegua reta ndive ramboeve, jókuae ñee jerúa ou oväe Eliseo pɨri, jare jei: —Mase, kuae ikavimbae ombou yandeve yandeYa, ¿mbae yemborɨ pa aärota chugüi?

ISAÍAS 57:10

Jeta yae reguata vae ndembokangɨ, ërei mbaetɨ rere: “Chekuérai ma aguata.” Reñemoäta ngatu avei, jáeramo mbaetɨ ndekuérai.

ISAÍAS 65:2

Ara ñavo arökuavee tëi chepo tëta ipɨapochɨ vae pe, jókuae tëta oguata tape ikavimbae rupi, ipɨa jemimbota rupiño.

JEREMÍAS 11:8

Ërei mbaetɨ oyeapɨsaka ani oyapo reta che jaegüe, oyapo reta ipɨa jemimbotaño. Mbaetɨ oipota oyapo reta che jae vae ramo, ambou chupe reta tembiporara reta kuae morogüɨrökuavee päve pe oyekuatía oï vae.’ ”

JEREMÍAS 16:12

Jare pe reta oasa ete ye peyapo ikavimbae jókuae peñemuñagüe reta güi, echa metei ñavo peyapo pepɨa jemimbotaño, mbaetɨ peyeapɨsaka cheré.

JEREMÍAS 2:25

¡Israel, agüɨye ndepɨgüɨrai reve esɨi, agüɨye ndeaseo totini ndeɨuve güi! Ërei rere: ‘¡Ngaraa!, aaɨu ko ketɨgua reta, ajata ko jupíe.’

JEREMÍAS 23:17

Cheñee güɨröɨro vae reta pe jei reta: ‘YandeYa jei opaete mbae oë kavita ko peve.’ Jare opaete ipɨa jeigüe reño yogüɨreko vae reta pe jei reta: ‘Ngaraa mbae ikavimbae ou peve.’ ”

JEREMÍAS 3:17

Jayave, Jerusalén oyembojeeta kuri yandeYa Iporookuaía; opaete tëtaguasu reta oyemboatɨta joko pe chemboete vaerä, ngaraa ma ipɨapochɨ rupi yogüɨreko ye.

JEREMÍAS 44:17

Royapoñota roñererökuavee ma royapo vaerä vae. Roapɨta ikäti kavi vae incienso jare mbota vino oyepɨyere vae oretumpa ara pegua Mburuvicha kuña jee vae pe, añave rupi royapo roiko rami, jare tenonde rupi oreñemuñagüe reta, oreruvicha guasu reta jare tëta ruvicha reta Judá pegua jare kaye Jerusalén pegua rupi oyeapose rami. Jayave rogüɨnoise jeta tembíu, ikavi roiko jare mbaetɨ etei ou mbae nunga susere oreve;

JEREMÍAS 6:17

YandeYa oñono sundaro reta ɨvate güi omae vae rami vae, jae reta jei vaerä imbae vae reta pe: “Peyeapɨsaka peï mimbɨguasu iñee re.” Ërei chembae vae reta jei: “Ngaraa royeapɨsaka jese.”

JEREMÍAS 7:24

Ërei ngatu mbaetɨ oendu reta, jare mbaetɨ oyapo reta che jae vae, jaeño oyembopɨa täta yae reve yogüɨreko ipɨa jemimbota rupiño. Oyerova vaerägüe chekotɨ, ikupeño omee reta cheve.

EZEQUIEL 37:11

Javoi jei cheve: “Nde kuimbae, opaete kuae maekägüe reta rami ko Israel iñemuña reta. Echa jei reta: ‘Ñanekägüe reta opa otini; mbaetɨ ma ñanoi mbae re yayerovia vaerä, opa ma ñakañɨtei.’

MALAQUÍAS 3:14

Körai pere: ‘Yayeokuaiiño ma Tumpa pe, ¿mbae pa ñanoita yayapo yave iporookuai, jare yayembopɨatɨtɨ yave yandeYa Imbaepuere yae ete vae jóvai?’

San Lucas 1:51

Imbaepuere rupi oyapo mbae tuichagüe. Opa omoai ipɨayemboete vae reta.

DEUTERONOMIO 29:19

Ërei kia nunga vae oendu kuae mborookuai jei vae reve jei yave iyeupe: ‘Che anoita mbɨakatu, yepe tëi ayapo che jaegüe; asavaɨpo rupi amboasata ɨuve.’