JEREMÍAS 18:11 - Biblia Guarani Tumpa Iñee

¹¹ Ere, Judá pegua reta pe jare Jerusalén pe yogüɨreko vae reta pe, yandeYa jei körai: ‘Ayemongeta aï pekotɨ, aiporarauka vaerä peve. Peyepoepɨ mo ikavimbae güi, peyapo kavi pereko jare perembiapo reta.’

JEREMÍAS 18:11 ပူးပေါင်းရင်းမြစ်များ

GÉNESIS 11:7

Añave, ikavi yagüeyɨ joko pe yamoambuae chugüi reta iñee, agüɨye vaerä ipuere oikuaa reta iñee oyoupe.”

1 REYES 22:23

Jayave, añave reikuaa ma yandeYa oñono espíritu iyapu vae ndembae ñeemombeúa reta re, jare yandeYa jei ma oyeapo vaerä ndeve kuae ikavimbae.

2 REYES 17:13

Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

2 REYES 22:13

“Pekua peparandu yandeYa pe cheré, jare opaete vae re, jare opaete Judá pegua reta re, kuae tembikuatía pe ñee reta oñeväe vae regua; echa yandeYa iyarasɨ yae ko yandekotɨ, ñaneñemuñagüe reta mbaetɨ kuae tembikuatía pegua ñee reta jei vae oendu jeko pegua, mbaetɨ vi oyapo reta opaete oyekuatía oï pɨpe vae.”

2 REYES 5:5

Jare Siria pegua mburuvicha guasu jei chupe: —Ekua, che amondota tupapire mburuvicha guasu Israel pegua pe. Jare ojo. Güɨraja treinta mil reare korepoti pegua, seis mil reare oro pegua, jare payandepo yepoepɨ pegua temimonde,

ISAÍAS 5:5

Tamombeu peve, mbae ko ayapota cheuvarupa pe vae: Opata aekɨ chugüi ikësea, opa vaerä okañɨtei; opata ayoka chugüi ikësea, opa vaerä opɨ̈ro jese vae;

ISAÍAS 57:1

Kuimbae jupi vae omano jare mbaetɨ kia oyemoambeko jese; kuimbae reta jeko kavi vae omano, jare mbaetɨ kia oikuaa, oñerenoe ko ikavimbae güi vae,

JEREMÍAS 11:11

Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 11:19

Che aiko, metei vecha kuimbae taɨrusu vae oyereraja mbaeyukaa pe rami, aikuaambae reve oime ko oyemongeta pɨ̈chɨi reta chekotɨ vae. Jei reta chekotɨ: “Yayasɨa ɨvɨra ia kavi oï añave vae, yayasɨa kuae ɨvɨ güi, oikove vae reta ipɨte güi, agüɨye vaerä mo kia imaendúa jese.”

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 19:15

“YandeYa Imbaepuere yae ete vae Israel iTumpa jei: ‘Ambouta kuae tëta guasu re jare opaete tëta iyɨvɨrigua reta re tembiporara amoërakua chupe reta vae, echa oyembopɨa täta yae reta mbaetɨ vaerä oendu reta cheñee reta.’ ”

JEREMÍAS 19:3

Ere körai: ‘Judá pegua mburuvicha guasu reta jare Jerusalén pe peiko vae reta, peyeapɨsaka kuae ñee yandeYa Imbaepuere yae ete vae Israel iTumpa jei vae re: Aruta susere ikavimbae yae vae kuae ɨvɨ re, jare kia nunga vae oendu yave oipɨayuka eteita.

JEREMÍAS 25:2

Ñeemombeúa Jeremías omombeu opaete vae Judá pegua pe jare Jerusalén pe yogüɨreko vae reta pe. Jei:

JEREMÍAS 25:5

Jae reta jei peve: ‘Peeya pereko kavimbae jare perembiapo pɨ̈chɨi yae vae; pepuere vaerä peiko ɨvɨ yandeYa omee peve jare peñemuñagüe reta pe jekuae avei pegua vae pe.

JEREMÍAS 26:13

Añave peyeapo kavi pereko reta güi jare perembiapo reta güi, jare peendu peYa Tumpa iñee, jayave yandeYa oipoepɨta iyemongeta, oyapota tëi ikavimbae peve vae güi.

JEREMÍAS 26:3

Güɨramoi oendu reta, jare oeya reta metei vae ñavo jeko kavimbae; jayave che aipoepɨta cheyemongeta, ayapota tëi ikavimbae chupe reta vae, jembiapo reta ikavimbae jeko pegua re vae.

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 3:22

Peyerova ye chekotɨ, cheraɨ ipɨapochɨ vae reta, jare che popoanota pepɨapochɨ güi.” “Ko royu ndekotɨ, echa nde jae ko oreYa Tumpa.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 36:3

Güɨramoi Judá pegua reta oendu opaete susere reta ayemongeta ambou vaerä chupe reta vae yave, oeya reta jeko kavimbae, javoi che cheɨ̈rota jeko kavimbae jare iyoa reta re chupe reta.”

JEREMÍAS 36:7

Güɨramoi jayave oyerure reta yandeYa pe jare oeya reta jeko ikavimbae vae, echa yandeYa iyarasɨ omoërakua kuae tëta kotɨ vae yavaete yae vae ko.”

JEREMÍAS 4:1

YandeYa jei: “Israel, reyerova ye ko yave, eyerova ye chekotɨ. Rembosɨrɨ yave netumpa-raanga reta ikavimbae yae vae cheróvai güi jare mbaetɨta ma resɨrɨ chegüi yave,

JEREMÍAS 4:14

Jerusalén, ndepɨa eitɨo ikavimbae güi reasayepe vaerä, ¿kërai yave regua pa remaeñota oiko, yemongeta ikavimbae ndepɨa pe?

JEREMÍAS 4:23

Amae ɨvɨ re, jare aecha ipombae oï; amae ara re, jare mbaetɨ aecha tembipe.

JEREMÍAS 4:6

Pemopüa bandera Sión pe; ¡petekuarai, agüɨye pepɨta! Echa ɨvɨtuguasu kotɨ güi aruta susere jare kañɨtei.

JEREMÍAS 51:11

¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.

JEREMÍAS 7:3

Körai jei yandeYa Imbaepuere yae ete vae, Israel iTumpa: ‘Peñono kavi pereko jare peñeñono kavi ikavimbae peyapo vae güi, jare amaeñota peiko kuae ɨvɨ pe.

EZEQUIEL 13:22

Pe reta pembopɨatɨtɨ jupi yogüɨreko vae peapu rupi, che mbaetɨi ambopɨatɨtɨ reta vae; jare pemoäta ngatu jupimbae reta, jeiete yogüɨreko vaerä ikavimbae rupi.

EZEQUIEL 18:23

Che mbaetɨ aipota omano iyoa vae, ërei mbaetɨ oyepoepɨ jeko ikavimbae güi yave omanota. Che peYa Tumpa jae kuae.

JONÁS 3:8

Jaeño peñeapeva temimonde mbɨatɨtɨ pegua pe, jare pesapúkai täta yeyé Tumpa pe; jare metei ñavo vae toyepoepɨ jeko kavimbae güi jare jembiapo ikavimbae güi.

MIQUEAS 2:3

Jáeramo yandeYa jei körai: “Mase, ko ayemongeta pekotɨ ikavimbae, kuae güi ngaraa etei pepuere peyeyora, ngaraa ave vi peäka pemopüa peguata, echa mbaesusere iara ko.

ZACARÍAS 1:3

Ere körai chupe reta: ‘Körai jei yandeYa Imbaepuere yae ete vae: Peyerova ye chekotɨ, jare che ayerova yeta pekotɨ, jei yandeYa Imbaepuere yae ete vae.

Hechos 26:20

jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.

Santiago 4:13

Peyeapɨsaka kuae re, pe: “Añave ani pɨareve yaja jókuae tëta guasu pe, jare yaiko joko pe metei año. Yagua mbaembae jare ñamee ñamongana vaerä korepoti”, pere vae reta.

Santiago 5:1

¡Peyeapɨsaka, pe peikokatu vae reta! Peyaeo jare peräse, susere reta outa peré vae re.