JEREMÍAS 17:8 - Biblia Guarani Tumpa Iñee

⁸ Echa ɨ jembeɨ pe ɨvɨra oï vae ramita ko, japo reta oupitɨta ɨ oguataa, jare ngaraa oyandu kuaraɨasɨ, jokɨ katu aveita, ara-tini pe mbaetɨta ipiru, jare ia aveita.

JEREMÍAS 17:8 ပူးပေါင်းရင်းမြစ်များ

JOB 29:19

Ɨvɨra ɨ jembeɨ pe oï vae rami, pɨ̈tu yave ɨsápɨi oa jese vae rami.

JOB 8:16

Jeko kavimbae, ɨvɨra jokɨ kuaraɨ pe oï vae rami ko, jokɨ pɨaugüe, kó raɨ pe oëmbuku vae rami ko.

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

PROVERBIOS 11:28

Imbaeyekou reño oyeko vae, ñana ipiru vae rami ko, ërei jupi vae reta jokɨta ñana jokɨ katu vae rami.

ISAÍAS 58:11

YandeYa ndeangareko aveita, mbaetɨ mbaea pe, omeeta nderembiurä, jare nekägüe reta omopɨ̈ratata; reikota ko raɨ oyemboɨu kavi vae rami, ɨesaɨ tɨpambae vae rami.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

JEREMÍAS 39:18

Che rogüɨroasayepeta, ngaraa ndeyuka reta. Reasayepeta tekove ndive, echa rerovia cheré. Che ndeYa ko jae kuae.’ ”

EZEQUIEL 31:3

Nde ko, ɨ̈vɨrare Líbano pegua rami, jäka reta ipöra jare tëɨ yae, jäka ɨvateasɨ yae.

EZEQUIEL 47:12

Ɨ̈aka jembeɨ jovaicho icho rupi okuakuaata oipotagüe ɨvɨra oime ia vae, mbaetɨta osururu joo reta jare ia aveita. Jarembae mbae iata, echa tupao güi ɨ oë vae omoäkɨta. Iagüe ikavita oyeu vaerä jare joogüe moarä.