JEREMÍAS 17:6 - Biblia Guarani Tumpa Iñee

⁶ Ñuu pegua ñurati ramita ko, ngaraa oikuaa mbae ikavi vae outa vae re, oikota ɨvɨ otini yaea rupi, ɨvɨ yukɨ ipombaea rupi.

JEREMÍAS 17:6 ပူးပေါင်းရင်းမြစ်များ

2 REYES 7:2

Mburuvicha guasu imborɨa jei Tumpa iñeemombeúa pe: —Yepe tëi yandeYa oipea ara, ngaraa ko oasa jókuae rere vae. Ërei Eliseo jei: —Mase, nde reechata, ërei ngaraa reu jókuae reta güi.

JOB 20:17

Mbaetɨta oecha ei jare neche ɨ rami osɨrɨ ɨ̈aka rupi vae.

JOB 39:6

Che amee oiko vaerä ɨvɨ ipombaea rupi, ɨvɨ yukɨ jenda rupi.

SALMOS 1:4

Ërei iyoa vae reta mbaetɨ jökorai, mbae javiyugüe ɨvɨtu güɨroveve vae rami.

SALMOS 107:34

ɨvɨ kavi oipoepɨ, ɨvɨ ikavimbae pe, pɨpegua reta iyoa jeko pegua;

SALMOS 92:7

Iyoa vae reta okuakuaa ñana rami, jare yogüɨreko kavi yave, okañɨtei jekuae avei pegua vaeräño ko.

ISAÍAS 1:30

Echa pe reta peikota ɨvɨra encina ipiru vae rami, metei ko raɨ mbaetɨ oyemboɨu vae rami.

JEREMÍAS 29:32

jáeramo che, peYa jae, aiporaraukata Semaías pe jare iñemuña reta pe. Ngaraa oime iñemuña reta chembae vae reta ipɨte pe, ngaraa oecha mbae ikavigüe ayapota chembae vae reta pe vae, echa iñee rupi oporombopɨapochɨuka chekotɨ. Che peYa jae kuae.”

JEREMÍAS 48:6

¡Petekuarai! ¡Peroasayepe perekove! ¡Peiko mburika jesaetegüe rami ñuu pe!

EZEQUIEL 47:11

Ërei iɨvɨasuru reta jare iɨupa reta ngaraa opɨta ɨ kavirä; opɨtata yukɨ jendarä.

DEUTERONOMIO 29:23

oecha retata azufreño, yukɨ jare ɨvɨ okaigüeño. Mbaetɨta mbae ipuere oñeotɨ pɨpe, mbaetɨta vi mbae oñemuña pɨpe, mbae nunga ñana ave mbaetɨta oñemuña pɨpe, Sodoma, Gomorra, Adma jare Zeboim oñemokañɨtei yave rami, yandeYa iyarasɨ jeko pegua omboai kuae tëta reta.

JUECES 9:45

Jare Abimelec oñoraro tëta guasu pegua reta ndive opaete jókuae ara, jare opɨ̈ro, opa oyuka jókuae tëta pegua reta jare omoai yukɨ pɨpe.