JEREMÍAS 17:4 - Biblia Guarani Tumpa Iñee

⁴ Reeyata ko ɨvɨ che amee ndembaerä vae, roapota nderovaicho reta jembiokuairä, ɨvɨ nde reikuaambaea pe, echa chearasɨ oyepotata tata rami jekuae avei pegua, nemokañɨtei vaerä.”

JEREMÍAS 17:4 ပူးပေါင်းရင်းမြစ်များ

1 REYES 9:7

aekɨta Israel iñemuña reta kuae ɨvɨ amee chupe vae güi, amombota cheróvai güi kuae tupao añono tee vae, jare Israel toiko tëtaguasu reta opuka jese vaerä.

2 REYES 25:21

Joko pe mburuvicha guasu Babilonia pegua oyukauka reta, ɨvɨ Hamat pe. Jökorai tëta Judá oyererajauka tembipɨɨrä iɨvɨ güi.

NEHEMÍAS 9:28

Ërei yogüɨreko pɨagüive ye ma yave, jekuae oyapo reta ye ikavimbae nderóvai; jáeramo, reeya jovaicho reta ipo pe, jae reta oiporarauka vaerä chupe reta. Jare jekuae oiporu reta ye ndeve remborɨ vaerä yave, nde, ndeporoparareko yae jeko pegua, reendu ara güi chupe reta iyerure, jare jekuaekuae reepɨ ye jovaicho reta güi.

ISAÍAS 14:3

Tëta Israel, yandeYa ndemombutuu opaete mbɨatɨtɨ reta güi, mbaembae reiporara vae güi, jare yeokuaiasɨ katu pe neñono reta vae güi yave,

ISAÍAS 30:33

Echa kuae ɨma ma oyeapo katu oiko Asiria peguarä jare juvicha guasu peguarä, oiporarata pɨpe vae ipɨguasu jare kɨ̈pe, tata oyemoendɨ jeta yepea ndive vae. YandeYa omoendɨta ipɨ̈túe pe, jókuae ko azufre jeta oyepɨyere vae rami.

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

ISAÍAS 50:11

Ërei opaete, pe peyatapɨ vae reta, tata pemoendɨ vae reta, peata perata pe aeño, jókuae peyatapɨ vae pe. YandeYa jei: Che etei ayapota jókuae peve, jare opata pekañɨtei jókuae tembiporara pe.

ISAÍAS 66:24

Yogüeruta oecha reta, kuimbae reta oyembopɨapochɨ chekotɨ vae reta jëogüegüe. Echa taso reta jou jetegüe vae mbaetɨta omano, jare mbaetɨta vi ogüe tata, ókai reta ñogüɨnoi pɨpe vae. ¡Yavaete yaeta oyekuaa reta opaete vae pe!”

JEREMÍAS 12:7

Aeya chembae vae reta, aröɨro chembae vae reta. Amee jovaicho reta ipo pe, tëta chembae aaɨu yae yepi vae.

JEREMÍAS 15:14

Roapoukata nderovaicho reta jembiokuairä, ɨvɨ nde reikuaambaea pe, echa chearasɨ oyepota, tata rami opata nemokañɨtei.”

JEREMÍAS 16:13

Jáeramo opata pomombo kuae ɨvɨ güi, ɨvɨ peikuaambaea kotɨ, peñemuñagüe reta ave mbaetɨ oikuaa vae kotɨ, joko pe peyeokuaita ara rupi jare pɨ̈tu rupi tumpa ambuae reta pe, echa ngaraa etei poparareko.’ ”

JEREMÍAS 18:23

Ërei nde, cheYa Tumpa, reikuaa katu yemongeta oyapo reta cheyuka reta vaerä vae. ¡Agüɨye neɨ̈ro chupe reta ikavimbae oyapo vae re, iyoa re ave agüɨye neɨ̈ro! ¡Tomano reta nderóvai, eiporarauka chupe reta ndearasɨ yae reve!

JEREMÍAS 2:14

Tëtaguasu Israel mbaetɨ ko tembiokuai; mbaetɨ ko oa oiko vaerä tembiokuairä. ¿Maera pa jayave oiko tembiokuai rami?

JEREMÍAS 22:28

¿Jae pa ko Jeconías ɨrɨru oyeka jare mbaetɨ ye osirive vae? ¿Maera pa jae jare iñemuña reta oyemombo ɨvɨ oikuaambae kotɨ?

JEREMÍAS 5:19

Oparandu reta ndeve yave: ‘¿Maera pa kuae oyapo oreve yandeYa Tumpa?’ Javoi ere chupe reta: ‘Pesɨrɨ yandeYa güi jare peyeokuai tumpa ambuae pe peɨvɨ pe rami, jökorai peota peyeokuai ketɨgua reta pe ɨvɨ ambuae pe.’

JEREMÍAS 5:29

Kuae jeko pegua, ¿amaeñota ra jese reta? Kuae rami oyapo vae, ¿mbaetɨ ra jupi aiporarauka vaerä chupe reta jeko re? Che peYa, jae.

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

LAMENTACIONES 1:12

Tape rupi peasa vae reta, ¿mbaetɨ pa cheparareko pemae cheré? ¡Pemae jare peyemongeta!, ¿oime ra che rami oiporara yae vae? ¡Echa cheYa ko oiporarauka cheve iyarasɨ iara pe!

LAMENTACIONES 5:2

Opaete oreɨvɨ opɨta, ketɨgua reta ipo pe; orero reta opɨta, ïru tëtaguasu pegua reta joorä.

EZEQUIEL 21:31

Aitɨta nderé chearasɨ, metei tata jendɨ yavaete vae rami; romeeta kɨɨyea yae reta jare ipïrimbae oporomboai vae reta ipo pe.

EZEQUIEL 7:24

Ambouta ipɨapochɨ yae vae reta ïru tëtaguasu reta güi, jae reta yogüɨrekota o reta tëta guasu pegua pe. Ipɨayemboete vae reta imbaepuere amboapɨta chugüi; jare jae reta imbaemboetea ikɨata cheróvai opɨta.

DEUTERONOMIO 28:25

YandeYa pemoamɨriukata perovaicho reta pe; metei tape rupi peporepeñata nderovaicho reta re, ërei opata peñemoai moai petekuarai chugüi reta; peñemoaita jare peikoasɨ katuta opaete tëta ñavo rupi.