JEREMÍAS 17:26 - Biblia Guarani Tumpa Iñee

²⁶ Jare yogüeruta tëta guasu reta Judá pegua Jerusalén iyɨ́vɨri ñogüɨnoi vae reta, jare Benjamín iɨvɨ güi jare ɨvɨpe kavi güi jare Neguev güi. Güeru retata tupao pe mɨmba oyeyuka opaetei oyeapɨ vaerä vae, jare mɨmba oyeyuka vaerä jare mbota temitɨ jäɨgüe, jare ikäti kavi vae incienso, jare mbota yasoropai pegua.

JEREMÍAS 17:26 ပူးပေါင်းရင်းမြစ်များ

ESDRAS 3:11

Jare otairari reta, ombaemboete reta omee reta yasoropai yandeYa pe, jei reve: “Jae ipɨakavi ko, echa iporoparareko jekuae avei Israel re.” Jare opaete vae reta osapúkai täta oyerovia reve omboete reta yandeYa, echa jo iguapɨka oyemboɨpɨ ma oñeñono.

SALMOS 107:22

Pemee mbaemboete Tumpa pe, pemoërakua yerovia rupi jembiapo reta regua.

SALMOS 116:17

Tamee ndeve mbaemboete, jare taenɨi cheYa jee.

SALMOS 66:13

Aiketa ndero pe amee ndeve mɨmba oyeyukagüe opaetei oyeapɨ vae; ameeta ndeve añererökuavee vae,

ISAÍAS 58:13

Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

JEREMÍAS 30:19

Chugüi reta oëta tairari yasoropai pegua, jare yerovia katu pegua mbuka reta. Ngaraa iñemuña reta jagüe, echa che amoñemuñaukata. Ngaraa oñereröɨrouka reta, echa che amboeteukata.

JEREMÍAS 32:44

Ogua retata jare oikuatiata tupapire mbaegua regua, sello oyemboyeɨta jese jare kia jovake oyegua vae jee oikuatiata jese. Kuae oyeapota Benjamín iɨvɨ pe, Jerusalén iyɨ́vɨri rupi jare tëta guasu reta Judá pegua rupi, tëta guasu reta ɨvɨtɨ guasu rupigua rupi jare ɨvɨpe rupi jare Neguev pegua tëta guasu reta rupi, echa che aru yeta tembipɨɨ reta güi. Che peYa ko jae kuae.”

JEREMÍAS 33:11

oyeendu yeta tairari arete pegua jare yerovia pegua, jare tairari menda pegua jare oyeenduta jei vae: ‘Pemee yasoropai yandeYa Imbaepuere yae ete vae pe, echa jae ipɨakavi jare iporoaɨu opambae ko.’ Jare güeru reta yeta mbota yasoropai pegua tupao pe, echa aru yeta tembipɨɨ güi, yogüɨreko ye vaerä tenonde yave rupi rami. Che ndeYa ko jae kuae.”

JEREMÍAS 33:13

Tëta guasu reta ɨvɨtɨ guasu rupigua jare ɨvɨpe kavi rupi ñogüɨnoi vae reta, jökoraiño vi Neguev pegua jare Benjamín iɨvɨ pegua tëta guasu reta, jare Jerusalén iyɨ́vɨri rupigua jare tëta guasu reta Judá pegua rupi, oime yeta vecha iyangarekoa reta oipapa ivecha reta. Che ndeYa ko jae kuae.”

ZACARÍAS 7:7

¿Jaeä yera kuae ñee yandeYa omoërakuauka tenondegua ñeemombeúa reta rupi; Jerusalén pegua reta yogüɨreko pɨagüive yepi, jare iyɨ́vɨri rupigua tëta guasu reta jare ɨvɨ Neguev jare Sefela pe yogüɨreko vae?

Hebreos 13:15

Jáeramo yamboete avei Tumpa Jesús rupi, kuae oipota jei yamboete Tumpa yandeyuru pe.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,