JEREMÍAS 17:23 - Biblia Guarani Tumpa Iñee

²³ Ërei jae reta mbaetɨ oendu, ñäteɨ oyapo reta jaegüe, jaeño oyembopɨapochɨ reta agüɨye vaerä oendu, ñenupa rupi ave mbaetɨ oipota oendu reta.’

JEREMÍAS 17:23 ပူးပေါင်းရင်းမြစ်များ

SALMOS 50:17

Echa mbaetɨ reipota rombosɨmbi jare mbaetɨ reendu cheñee reta.

PROVERBIOS 1:3

Yamboresive vaerä yemboarakuaa yeandu katu regua, yembojupi, yembosɨmbi jare yae yaeiñombae vae regua.

PROVERBIOS 1:5

Yarakuaa katu vae oenduta, jare oñemoïru yé chupe iyarakuaa katu, yarakuaa katu vae omoïru iyarakuaa katu.

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

PROVERBIOS 5:12

Jare rere: “¡Maera pa ko aröɨro yemboarakuaa! ¡Maera pa ko aröɨro yembosɨmbi!

PROVERBIOS 8:10

Korepoti jare oro ikavigüe jekovia pe, peipɨɨ cheporomboe jare cheporomboarakuaa.”

ISAÍAS 48:4

Rokuaa ndepɨa täta yae ko, jiero täta rami, jare jiero iyu vae rami vae,

JEREMÍAS 11:10

Iyoa reta iñemuñagüe reta iyoa rami, echa jae reta mbaetɨ oipota oyeapɨsaka cheñee reta re, omboete reta tumpa-raanga reta. Judá jare Israel mbaetɨ omboete morogüɨrökuavee päve ayapo iñemuñagüe reta ndive vae.

JEREMÍAS 19:15

“YandeYa Imbaepuere yae ete vae Israel iTumpa jei: ‘Ambouta kuae tëta guasu re jare opaete tëta iyɨvɨrigua reta re tembiporara amoërakua chupe reta vae, echa oyembopɨa täta yae reta mbaetɨ vaerä oendu reta cheñee reta.’ ”

JEREMÍAS 32:33

Ikupeño omee reta cheve, mbaetɨ jova. Yepe tëi mbaetɨ aeya kërai yepe amboembae, jeseve mbaetɨ oyapo reta che jae vae, jare mbaetɨ vi oipota oikuaa reta mbae jeko pegua ko oñenupa vae.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

JEREMÍAS 6:8

Jerusalén, eyapo kavi ndereko, echa mbaetɨ yave, asɨrɨta ndegüi, jare ñuurä repɨtata, ɨvɨ ipombae vaerä.”

JEREMÍAS 7:28

Ere körai: ‘Jae ko kuae tëtaguasu mbaetɨi oyapo iYa Tumpa jeigüe vae, mbaetɨ vi oipota oyeapo kavi. Jupi rupi yogüɨrekose vae opa okañɨ chugüi.’ ”

EZEQUIEL 20:13

Ërei Israel iñemuña reta oyembopɨapochɨ chekotɨ ñuu pe; jare mbaetɨ yogüɨreko reta cheporookuai reta rupi, güɨröɨro reta, kia oendu jare oyapo yave oikoveta vae; omboeteä reta cheara reta mbutuu pegua. Jáeramo ayemongeta aitɨ vaerä chearasɨ jese reta ñuu pe, opa vaerä amokañɨtei reta.

EZEQUIEL 20:16

echa güɨröɨro reta cheporookuai reta, mbaetɨ yogüɨreko reta cheporookuai reta rupi, jare omboeteä reta cheara mbutuu pegua, echa ipɨa reta itumpa-raanga reta reteiño.

EZEQUIEL 20:21

Ërei taɨ reta oyembopɨapochɨ reta chekotɨ, mbaetɨ yogüɨreko reta cheporookuai rupi, mbaetɨ oñovatu reta jare mbaetɨ oyapo reta, jare omboeteä reta cheara mbutuu pegua. Jáeramo ayemongeta aitɨ vaerä chearasɨ jese reta ñuu pe, chepɨakatu vaerä apɨta chearasɨ güi.

SOFONÍAS 3:7

Jae cheyeupe: ‘Körai Jerusalén oipoɨuta chegüi, jare oyeapɨsakata cheré; jayave ngaraa ñakañɨ opaete jókuae mbaembae re aiporarauka chupe vae güi.’ Ërei jae reta jeieteño jarembae pegua oyapo reta jeta ikavimbae.

Hechos 7:51

Pe reta ko pepɨa täta vae, pepɨa jare peapɨsa oyembocircuncidambae. Peyovaicho avei Espíritu Santo kotɨ. Peñemuñagüe reta rami etei vi pe reta.

JUECES 6:10

Jare jae ko peve reta, che ko jae peYa Tumpa, agüɨye pekɨɨye amorreo reta itumpa reta güi iɨvɨ pe añave peï vae; ërei pe reta mbaetɨ peyapo che jaegüe.’ ”