JEREMÍAS 17:22 - Biblia Guarani Tumpa Iñee

²² Agüɨye penoe pero güi ave voɨta ara mbutuu pe, agüɨye ave vi peparavɨkɨ, peñono tee ara mbutuu cheve, peñemuñagüe reta ayókuai rami.

JEREMÍAS 17:22 ပူးပေါင်းရင်းမြစ်များ

NEHEMÍAS 13:15

Jókuae ara rupi aecha oime amogüe Judá pegua reta oyapo vino ara mbutuu pe vae, trigo oyeokuagüe ovoɨ vae reta, jare ovoɨ vi vino imburika re, ani uva, ɨva jare oipotagüe voɨta güeru reta Jerusalén pe ara mbutuu pe. Jayave añeengata chupe reta jókuae ara omaemee vae re.

ÉXODO 23:12

Ova ara peparavɨkɨ, jare chiúa ara pe peputuu, oputuu vaerä pegüeye jare pemburika, jökorai oputuu vaerä perembiokuai jare ketɨgua.

ISAÍAS 58:13

Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

JEREMÍAS 17:24

‘Che, peYa jae: Peyapo che jaegüe, agüɨye kërai ave peroike voɨta kuae tëta guasu jöke rupi ara mbutuu pe, mbae nunga mbaravɨkɨ ave agüɨye peyapo; peñono tee ara mbutuu.

EZEQUIEL 20:12

Aikuaauka vi chupe reta cheara mbutuu pegua, jókuae rupi ikañɨmaa vaerä tëi jae reta cheve, jare metei yemomaendúa che ko añono tee reta cheyeupeguarä vae.

EZEQUIEL 22:8

Pemboeteä mbaemboetea renda reta chembae jare cheara mbutuu pegua.

LEVÍTICO 19:3

Metei ñavo tomboete tu jare ichɨ, Tomboete vi cheara mbutuu pegua. Che ko peYa Tumpa.

LEVÍTICO 23:3

Peparavɨkɨ ova ara, ërei chiúa ara pe peputuu, ara mbutuu pegua ko, yemboatɨ mbaemboete pegua ko. Agüɨye peyapo mbae nunga mbaravɨkɨ, ara mbutuu pegua ko cheveguarä, peyomboatɨ oipota rupi peikoa rupi.

ZACARÍAS 1:4

Agüɨye peiko peñemuñagüe reta rami, chupe reta tenondegua ñeemombeúa reta oñemoñee, jei reve: YandeYa Imbaepuere yae ete vae jei: Peyerova ye añave pereko kavimbae güi jare perembiapo kavimbae güi; ërei jae reta mbaetɨ oipota oyeapɨsaka jare oendu reta cheñee, jei yandeYa.

San Lucas 23:56

Jare yogüɨraja reta tëta pe, oyapokavi reta ikäti kavi vae. Jayave oputuu reta ara mbutuu pe, mborookuai jei rami.

San Lucas 6:5

Jayave Jesús jei chupe reta: —Che Kuimbaerä ayeapo vae anoi mbaepuere ara mbutuu re ave.

Apocalipsis 1:10

Espíritu Santo güɨnoi mbaepuere cheré tenondegua ara semana iyɨpɨ pe, jare aendu chekupe kotɨ ñee tätagüe, mimbɨguasu iñee rami,