JEREMÍAS 17:21 - Biblia Guarani Tumpa Iñee

²¹ Körai jei yandeYa: Ara mbutuu pe agüɨye etei peraja voɨta, Jerusalén jöke rupi ave agüɨye peroike voɨta, peaɨu perekove yave.

JEREMÍAS 17:21 ပူးပေါင်းရင်းမြစ်များ

ÉXODO 20:8

Pemaendúa ara mbutuu pegua re peñono tee vaerä.

PROVERBIOS 4:23

Opaete mbaembae reñovatu vae güi, eñovatu kavi ndepɨa, echa jese ko oï nderekove.

ISAÍAS 56:2

Oyeroviata kuimbae oiko kuae mborookuai reta jeigüe rupi vae, omboete ara mbutuu jare mbaetɨ güɨröɨro vae, oyeandu mbae ikavimbae oyapo vaerä güi vae.”

ISAÍAS 58:13

Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

San Marcos 4:24

Jare jei vi chupe reta: “Peyemongeta kavi peendugüe re. Echa kërai mbae peyapo rupi oyeapota vi peve, jare omoïruta vi peve.

San Lucas 8:18

Peyemongeta kavi peendugüe re. Echa güɨnoi vae pe oñemoïruta, ërei mbaetɨ güɨnoi vae güi, jókuae mbovɨ yae güɨnoi vae ave oñepɨ̈rota chugüi.”

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

DEUTERONOMIO 11:16

Ërei peyeandu, agüɨye vaerä pepɨa jopa, jare pepia tumpa ambuae reta pe peyeokuai, jare pemboete peyetavatɨka reve.

DEUTERONOMIO 4:15

Jókuae ara yandeYa imiari pe ndive ɨvɨtɨ Horeb pe tata mbɨte güi yave, mbaetɨ etei mbae iä peecha, peroyeandu perekove,

DEUTERONOMIO 4:23

Peyeandu agüɨye vaerä peakañɨ yandeYa Tumpa morogüɨrökuavee päve oyapo pe ndive vae güi, agüɨye peyapo peyeupe oipotagüe mbae iä yandeYa Tumpa oyopia pegüi vae.

DEUTERONOMIO 4:9

Jáeramo, peyeandu jare perekove peroyeandu agüɨye vaerä peakañɨ opaete mbaembae pe etei peecha vae güi, agüɨye pepɨa güi tokañɨ opaete perekove rupi; pemboe avei peraɨ reta jare perɨmɨmino reta.

JOSUÉ 23:11

Peyeandu reve kavi peñeñovatu, peaɨu yandeYa Tumpa.