JEREMÍAS 17:18 - Biblia Guarani Tumpa Iñee

¹⁸ Emomaraiuka chemotareɨ vae reta, ërei che agüɨye jökorai. Emongɨɨye reta, ërei che agüɨye jökorai. Embou jese reta mbaesusere, opaetei emokañɨtei reta.

JEREMÍAS 17:18 ပူးပေါင်းရင်းမြစ်များ

JOB 16:14

Omboyoaɨkue ɨkue chembopere, ou cheve ñeraro regua ou rami.

SALMOS 35:4

Toñemomaraiuka toyeyoyaiuka oipota cheyuka vae reta; totekuarai reta oñemomarai reve, oipota ikavimbae oyapo cheve vae reta.

SALMOS 35:8

¡Iparanoe tosusere reta! ¡Toa reta jókuae ñuai oñono vae pe yeño! ¡Tosusere reta!

SALMOS 40:14

Metei rami toñemomaraiuka reta, cheyuka vaerä chereeka vae reta, totekuarai reta chegüi, toñemomaraiuka reta, ikavimbaeño oipota cheve vae reta.

SALMOS 70:2

¡Toñemomarai jare tijopa chereeka cheyuka vaerä vae reta! ¡Toyerova ye jaɨkue kotɨ imara reve, ikavimbae oipota oyapo cheve vae reta!

SALMOS 71:1

CheYa Tumpa, nderé ko añepɨ̈ro; ¡agüɨye etei tañemomaraiuka!

JEREMÍAS 1:17

Jare nde, eyeumbɨkua täta, ekua jare ere chupe reta opaete che royókuai vae. Agüɨye ekɨɨye chugüi reta, echa rekɨɨye ko yave, che ameeta nde rekɨɨye vaerä chugüi reta.

JEREMÍAS 11:20

Ërei nde, cheYa Imbaepuere yae ete vae, jupi rupi oporojäa vae; nde reikuaa opaete kuimbae reta iyemongeta vae. Emaeño taecha, kërai reiporarauka chupe reta vae, echa ndepo pe che añeñono.

JEREMÍAS 12:3

Ërei nde cheYa Tumpa, chereecha jare chekuaa kavi ko; reikuaa kërai cheyemongeta ndekotɨ vae. ¡Eraja jókuae kuimbae reta, mbaeyukaa pe vecha oyereraja rami; emokañɨmaa parapiti iara peguarä!

JEREMÍAS 14:17

Ere opaete vae pe kuae ñee: ‘Toyepɨyere cheresaɨ, ara pe jare pɨ̈tu yave toyepɨyere iyapɨmbae, echa yavaetegüe susere ou cherëta re, tuicha yae ipere.

JEREMÍAS 16:18

Tenonde aiporaraukata täta chupe reta jeko kavimbae jare imbaeyoa reta re, echa omongɨa reta cheɨvɨ itumpa-raanga reta jekovembae pe, jare opaete ɨvɨ chembae rupi oyapo reta mbaembae che aröɨro vae.”

JEREMÍAS 17:13

CheYa Tumpa, nde jae ko Israel iyeroviaka. Opaete ndereeya vae imarata ko. Opaete oyembosɨrɨ ndegüi vae, okañɨta metei kuimbae jee oyekuatía ɨvɨkúi re rami, echa ndereeya, nde ɨesaɨ osɨrɨ vae.

JEREMÍAS 17:16

Ërei che cheYa, mbaetɨ romoñera reiporarauka vaerä chupe reta, mbaetɨ vi aipota chupe reta mbaesusere. Nde reikuaa kavi, mbae ko jae nderóvai vae,

JEREMÍAS 17:19

YandeYa jei cheve körai: “Ekua eyemboɨ Opaete vae reta Jöke jee vae pe, mburuvicha guasu reta Judá pegua oike jare oëa rupi, javoi ekua vi eyemboɨ ïru öke reta Jerusalén pegua pe.

JEREMÍAS 20:11

Ërei ngatu nde cheYa, oime reï che ndive, metei ñeraro regua imbaepuere yae vae rami; jáeramo, oeka teko cheré vae reta, ngaraa ipuere chemoamɨri; ipuereä jeko pegua imara yaeta opɨta jekuae avei rupi, jare ngaraa iñakañɨ reta chugüi vae.

DEUTERONOMIO 33:11

Ndeporerekua cheYa Tumpa oyapo retata vae re, jare eipɨɨ ndepɨakatu reve chugüi jembiapo reta; eikupe rakɨo chupe jovaicho reta, jare vi imotareɨa reta, agüɨye vaerä opüa reta.”

Apocalipsis 18:6

Pemee vi chupe jae omee rami, pemboekovia chupe mókoi ye jembiapo oï rupi. Peyapo mókoi ye chupe jae omee kopa pe ïru vae jou vaerä vae pe yeño.