JEREMÍAS 17:11 - Biblia Guarani Tumpa Iñee

¹¹ Jupimbae reve oyemboikokatu vae, inambu güɨroaiño ïru jupía vae rami ko. Oeyata ko güɨramoiño, ndei indechi mbove, jare yarakuaambae opɨtata kuri.

JEREMÍAS 17:11 ပူးပေါင်းရင်းမြစ်များ

JOB 20:21

Mbaetɨ etei mbae ojoyepe chugüi, jáeramo mbaetɨta oiko kavi avei,

SALMOS 49:13

Kuae oikogüe mbaeä etei ko; ërei jeseve, iñemuña reta güɨrovia katu jae reta iñee.

SALMOS 55:23

CheRu Tumpa, nde remondota kañɨtei pe jókuae oporoyuka jare iyapu vae, ngaraa kërai ave ɨma oikove oiko, ërei che ndereño ayeko.

PROVERBIOS 13:11

Mborombotavɨ rupi oyemboikokatu jarembae vae güi, jarembae opa yeta; ërei iparavɨkɨ rupi omboatɨ mbegüe mbegüe vae pe, oñemoïruta.

PROVERBIOS 15:27

Imbaepotarai vae, güɨrokomegua jo aeño; ërei mbaemboepɨ vɨari güɨröɨro vae, oiko kavita.

PROVERBIOS 21:6

Apu rupi mbaeyekou reta oyeapo vae, jae ko michi pegua oporomboyerovia vae mano oeka vae reta peguarä.

PROVERBIOS 23:5

¿Reipotata pa remae mbaeyekou re, mbaeä etei vae re? Echa ipepo ramita ko, ɨmambae opata oveve, güɨraké oveve rami.

PROVERBIOS 28:16

Mburuvicha yarakuaambae, ombojeiete mbae ikavimbae jasɨ katu vae, ërei mbaetɨ imbaepotarai vae oiko pukuta.

PROVERBIOS 28:20

Kuimbae mbaetɨ teko oñeväe jese vae, oikota mborerekua rupi; ërei oipota jarembae pegua oyemboikokatu vae, ngaraa opɨta jekombae.

PROVERBIOS 28:22

Imbaepotarai vae, oipota jarembae pegua oyemboikokatu, ërei mbaetɨ oikuaa oikota ko mbaravete rupi vae.

PROVERBIOS 28:8

Mbae re oasa ete okovara vae rupi oyemboikokatu vae, omboatɨ ko, jókuae paravete vae re iporoparareko vae peguarä.

JEREMÍAS 22:13

“¡Paravete, nde ikavimbae rupi jare jupimbae rupi remopüa nderorä vae; nde remombaravɨkɨ ïru vae reta remboepɨmbae reve chupe iparavɨkɨ reta jepɨ!

JEREMÍAS 22:17

Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

JEREMÍAS 8:10

Jáeramo, jae reta jembireko ameeta ïru kuimbae reta pe, jare iko reta ameeta imoamɨría reta ipo pe. Echa michia güive okuakuaa vae pe, iyeupeguaräño imbaepotarai yae reta; ñeemombeúa reta jare sacerdote reta ave, opaete oporombotavɨ vae reta ko.

AMÓS 3:10

YandeYa jei: “Jae reta mbaetɨ oikuaa oyapo jupi vae; oñovatu reta jo kavi reta pe oñomigüe jare opɨ̈rogüe.”

MIQUEAS 2:9

Cherëtaɨgua reta jembireko penoe pemombo jo oaɨu vae güi, jare imichia reta güi pepɨ̈ro jekuae avei pegua, mbaeyekou amee chupe reta vae.

MIQUEAS 7:3

Oikatu yae oyapo reta vaerä ikavimbae; mburuvicha reta oekɨ mbae iyeupe ïru vae reta güi, jare oporojäa vae reta oporojäa jepɨ chupe ramoño; mbaepuere güɨnoi vae imiari ipɨa jeiaño, jare opaete vae reta omborɨ katu.

SOFONÍAS 1:9

Jaeramiño vi aiporaraukata jókuae ara, itumpa-raanga jöke oyapɨraa vae reta pe, iya jo omotɨnɨe oñomigüe pe ani oporombotavɨgüe pe vae reta.”

ZACARÍAS 5:4

YandeYa Imbaepuere yae ete vae jei: ‘Che ko amondo yepopeyu imonda vae jo pe jare añetete rami mbae jei cheree re vae jo pe. Jare oïta joko pe opaetei regua omboai jo ndive, okɨta jare ita reta ave.’ ”

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Lucas 12:20

Ërei Tumpa jei jókuae kuimbae pe: ‘Yarakuaambae, kuae pɨ̈tu remanota. Jayave opaete mbaembae reñovatu vae ¿kia peguarä pa?’ ”

1 Timoteo 6:9

Ërei oipota oikokatu vae reta mbaetɨ ipɨaguasu, oa mbaeyoa pe, jare jeta mbaepotarai ikavimbae vae pe. Jare oñeäka pɨpɨ mbaesusere jare kañɨtei pe.

Tito 1:11

Ikavi ko jókuae reta ñamokïrii vaerä. Echa jae reta oporomboe omonganaiño jupimbae reve jese vae re; jókuae iporomboe rupi ombojopa opaetei o pegua reta.

2 Pedro 2:14

Jae reta jekuaeño oipota oyuvanga menda re, mbaetɨ iyangapɨɨ reta iyoa, oyapouka mbaeyoa iporogüɨrovia re mbaetɨ ipɨ̈rata vae reta pe, jae reta oyepokuaa imbaepotarai, Tumpa oyepopeyu ma jese reta.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.