JEREMÍAS 17:10 - Biblia Guarani Tumpa Iñee

¹⁰ Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

JEREMÍAS 17:10 ပူးပေါင်းရင်းမြစ်များ

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

2 CRÓNICAS 6:30

nde eendu ara güi, reikoa güi, neɨ̈ro chupe jare emboekovia chupe oguata kavi rupi, echa ndeño reikuaa opaete kuimbae reta ipɨa jare iyemongeta.

JOB 34:11

Echa jae omboepɨta kuimbae pe iparavɨkɨ rupi, metei ñavo jeko rupi kavi.

SALMOS 44:21

¿mbaetɨta ra reikuaa kuae re? Echa nde reikuaa ko opaete mbae oñemi oï kuimbae ipɨa pe vae.

SALMOS 44:22

Ërei nderé rogüɨrovia jeko pegua, yemomburu rupi roiko ara ñavo; oyemongeta reta oreré vecha oyeyukata mbaeyukaa pe vae re rami.

SALMOS 62:12

CheYa Tumpa mboroparareko ndembae ko, echa nde remboekoviata metei ñavo vae pe jembiapo oï rupi.

SALMOS 7:10

Cheyeopiaka, jae ko Tumpa, güɨroasayepe isɨmbi oiko vae,

SALMOS 7:9

¡Topa mo añave jeko kavimbae reta jembiapo, ërei emomɨ̈rata, jupi yogüɨreko vae reta! Echa nde, Tumpa jupi vae ko, reikuaa yemongeta kia iyɨvɨte pe güɨnoi vae.

PROVERBIOS 12:14

Kuimbae iñee ka vi vae, jókuae jekoviata chupe, omboresiveta jembiapo reta oï rupi.

PROVERBIOS 17:3

Oro jare korepoti, oyetɨ o kavi tata pe; ërei yemongeta reta, ojäa yandeYa.

ECLESIASTÉS 9:3

Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.

ISAÍAS 59:18

YandeYa omboepɨukata metei ñavo pe, jeko ae re, oiporaraukata jovaicho reta pe. Imotareɨa reta pe omboepɨukata jeko oï rupi; tëtaguasu reta ɨguasu jembeɨ rupigua reta pe ave.

JEREMÍAS 11:20

Ërei nde, cheYa Imbaepuere yae ete vae, jupi rupi oporojäa vae; nde reikuaa opaete kuimbae reta iyemongeta vae. Emaeño taecha, kërai reiporarauka chupe reta vae, echa ndepo pe che añeñono.

JEREMÍAS 12:13

Oñotɨ reta tëi trigo, ërei oipoo reta käpeati; oparavɨkɨ mbateeiño reta. Mbaetɨ mbaagüɨye chupe reta, che peYa, chearasɨ ikotɨ reta jeko pegua.”

JEREMÍAS 20:12

CheYa Imbaepuere yae ete vae, nde remae kavi jupi rupi yogüɨreko vae re vae, nde reikuaa katu kuimbae ipɨa iyemongeta vae, eechauka cheve kërai reiporarauka chupe reta vae, echa che añeñono ndepo pe.

JEREMÍAS 21:14

Che aiporaraukata peve pereko reta oï rupi; amboyepotata tata kaa reta re, jare jókuae tata omboaita opaete peɨ́vɨri ñogüɨnoi vae reta. Che ndeYa ko jae kuae.’ ”

JEREMÍAS 23:2

Jáeramo körai jei yandeYa Israel iTumpa, cherëta re oyangareko vae reta pe: “Pe reta opa pemoai moai jare peiämondo chevecha reta jare mbaetɨ peyangareko jese. Mase, añave aiporaraukata peve perembiapo kavimbae re. Che ndeYa ko jae kuae.

JEREMÍAS 32:19

Tuicha yae yemongeta pe vae ko nde jare ndembaepuere yae mbae reyapo vaerä. Nde reecha opaete kuimbae oyapogüe, jare reiporarauka metei ñavo pe, jeko oï rupi jare jembiapo oï rupi.

EZEQUIEL 11:5

YandeYa imbaepuere ou cheré, jare cheokuai jae vaerä körai: “YandeYa jei körai: ‘Pe Israel iñemuña reta, aikuaa katu mbae pere vae. Che aikuaa katu peyemongeta reta.

EZEQUIEL 14:5

Che añataita opaete Israel iñemuña reta ipɨa, itumpa-raanga reta jeko pegua opia chegüi vae reta.

MIQUEAS 7:13

Ɨvɨ opɨtata ñuurä, pɨpegua reta jeko pegua; teko pɨ̈chɨi oyapo reta jeko pegua.

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Mateo 6:4

agüɨye vaerä jërakua jókuae reyapogüe. Ërei ndeRu oecha nde reyapo vɨari vae, jae omboepɨta ndeve, opaete vae jovake.

San Juan 2:25

Jae mbaetɨ oeka kia omombeu vaerä chupe ɨvɨ pegua reta regua. Echa jae oikuaa kavi ɨvɨ pegua reta ipɨa pe oï vae.

Hechos 1:24

Jayave oyerure reta Tumpa pe körai: “OreYa, nde reikuaa opaete ipɨa vae, eechauka oreve kia nunga ra reiparavo ma kuae mókoi kuimbae güi,

Romanos 6:21

Echa ¿mbae ikavi vae pa penoi jókuae mbaembae reta añave pemomarai perenoi vae güi? Echa jókuae mbaembae oporogüɨraja mano pe.

Romanos 8:27

Tumpa oikuaa opaete vae iyemongeta vae, oikuaa vi Espíritu Santo mbae ko oipota jei vae. Echa Espíritu Santo oyerure Tumpa jemimbota rupi kavi, imbae vae reta re.

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

Apocalipsis 20:12

Jare aecha omanogüe reta oyemboɨ ñogüɨnoi Tumpa jóvai, okuakuaa vae reta jare michia reta. Jare tembikuatía reta oyepea, jare oyepea ïru tembikuatía, jae ko tembikuatía tekove pegua. Jare omanogüe reta oñejäauka jembiapo reta tembikuatía reta pe oyekuatía oï rupi.

Apocalipsis 22:12

YandeYa jei: “¡Mase, ko ayu yeta ɨmambae! Jare aruta mbota amboekovia vaerä metei ñavo pe jembiapo oï rupi.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”