JEREMÍAS 16:7 - Biblia Guarani Tumpa Iñee

⁷ Manoa pe tembíu kavi oyeapo vae ave mbaetɨta ombopɨakatu vaerä omano vae jëtara reta, yepe tëi omano tu ani ichɨ.

JEREMÍAS 16:7 ပူးပေါင်းရင်းမြစ်များ

JOB 42:11

Jare yogüeru ípɨri opaete jëtara jare jeindɨ reta, jare opaete tenonde yave rupi oikuaa vae reta, jare okaru reta jae ndive jo pe, ipɨatɨtɨ reta jese, jae ndive oasagüe re, jare ombopɨakatu reta opaete jókuae mbaembae ikavimbae yandeYa ombou jese vae re; jare metei ñavo omee reta chupe korepoti jare moäka-vera oro pegua.

ECLESIASTÉS 4:1

Javoi amae opaete tekorai oyeapo kuae ɨvɨ pe vae re. Aecha oyaeo yogüɨrekoasɨ katu vae reta, jare mbaetɨ kia ombopɨakatu reta vaerä. Echa oporogüɨrekoasɨ katu vae reta güɨnoi mbaepuere jese reta.

JEREMÍAS 22:10

Agüɨye peäpiro mburuvicha guasu Josías, agüɨye peäpiro omanogüe; peäpiro taɨ Salum, tu jekovia pe oguapɨ mburuvicharä vae, echa oyereraja ko ou yembae vaerä; ngaraa ye ma oecha iɨvɨ oa pɨpe vae.

LAMENTACIONES 1:9

Jemimonde omongɨa iyoa pe; mbaetɨ oyemongeta këraita ko iyapɨ vae. Ñanemopɨakañɨ yé oa vae, jare mbaetɨ kia ombopɨakatu vaerä. ¡CheYa Tumpa, emae chepɨatɨtɨ re, echa tovaicho oyembotuicha yae!

EZEQUIEL 24:17

Eiporara ndepɨa peño, agüɨye eyemonde temimonde mbɨatɨtɨ pegua pe. Agüɨye neäka-güɨrai eiko, ani ndepɨgüɨrai eguata; agüɨye nderova eñova nekañɨmaa vaerä mbɨatɨtɨ pe, agüɨye vi jeu tembíu jókuae peguarä oyeapo vae.”

OSEAS 9:4

mbaetɨta yandeYa pe pemee mbota vino oyepɨyere vae, mbaetɨta vi pemee mɨmba oyeyukagüe. Mbɨyape peu vae, manoa pe ramita, jókuae mbɨyape jou vae, ikɨata Tumpa jesa róvai. Jókuae mbɨyape peveguaräño, jókuae nunga mbɨyape mbaetɨta oyereroike tupao pe.

DEUTERONOMIO 26:14

Jókuae güi, mbaetɨ etei jau aï yave mbɨatɨtɨ pe, ani nderóvai chekɨa aï reve, jare mbaetɨ arökuavee tumpa-raanga reta pe yepe. Ayapo neñee, ayapo opaete nde cheokuai rami.