JEREMÍAS 16:18 - Biblia Guarani Tumpa Iñee

¹⁸ Tenonde aiporaraukata täta chupe reta jeko kavimbae jare imbaeyoa reta re, echa omongɨa reta cheɨvɨ itumpa-raanga reta jekovembae pe, jare opaete ɨvɨ chembae rupi oyapo reta mbaembae che aröɨro vae.”

JEREMÍAS 16:18 ပူးပေါင်းရင်းမြစ်များ

SALMOS 106:38

Opɨyere reta jekombae jugüɨ; taɨ reta jare tayɨ reta jugüɨ, omee reta mbotarä tumpa-raanga Canaán pegua pe. Omongɨa reta jókuae ɨvɨ, jókuae tugüɨ pe,

ISAÍAS 24:5

Ɨvɨ opa oikomegua pɨpe yogüɨreko vae reta jeko pegua, echa mbaetɨ oyapo reta Tumpa iporookuai, mbaetɨ oendu reta mborookuai reta jei vae, oyavɨ reta morogüɨrökuavee päve opambae vae kotɨ.

ISAÍAS 40:2

pemiari kavi mboroaɨu ndive Jerusalén ndive; pesapúkai reve pere chupe, kërai oiporara vae iyapɨta ma, iyoa re cheɨ̈ro ma chupe; echa aiporarauka yae ma chupe reta, opaete iyoa reta re.”

ISAÍAS 61:7

Echa pe chembae vae reta peiporara yae ko ñemotareɨ jare yeyóyai yóyai reta, jáeramo peɨvɨ pe oyoarambo yeta pekotɨ yemboete, jare peyekou yaeta jekuae avei pegua.

ISAÍAS 65:6

Oyekuatía ko oï cheróvai kuae, ngaraa amaeño jökoraiño opɨta; aiporaraukata ko chupe reta jembiapo oï rupi,

ISAÍAS 65:7

iyoa reta ae re jare iñemuña reta iyoa re. Jae reta oapɨ yepi ikäti kavi vae incienso, ɨvɨtɨ guasu re, jare ɨvɨtɨ re oyapo reta yepi chekotɨ ikavimbae. Jáeramo, che ajäata chupe reta iyoa jepɨ, aiporaraukata chupe reta.” Jei yandeYa.

JEREMÍAS 17:18

Emomaraiuka chemotareɨ vae reta, ërei che agüɨye jökorai. Emongɨɨye reta, ërei che agüɨye jökorai. Embou jese reta mbaesusere, opaetei emokañɨtei reta.

JEREMÍAS 2:7

Che ko pogüeru kuae ɨvɨ kavi pe, mbaagüɨye reta peu vaerä chugüi jare mbaembae ia ikavi vae. Ërei peike jare perokomegua kuae cheɨvɨ, pemongɨa jare chemboyuguaruuka kuae ɨvɨ chembae güi.

JEREMÍAS 3:9

Jare jókuae mbaeä etei chupe oyapo vae rupi güɨrokomegua kuae tëtaguasu. Yogüɨreko jupimbae cheróvai, omboete ita reta jare ɨvɨra reta.

JEREMÍAS 44:4

Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.

JEREMÍAS 7:30

YandeYa jei: “Judá pegua reta oyapo ikavimbae cheróvai; oñono reta itumpa-raanga aröɨro yae vae chero pe, jökorai chero omongɨa reta.

EZEQUIEL 11:18

Yogüeru reta ye yave iɨvɨ pe, oekɨta jókuae ɨvɨ güi tumpa-raanga reta imboete, jare opaete mbae ikavimbae oyapo reta Tumpa jóvai vae.

EZEQUIEL 11:21

Ërei jókuae jekuaeño ipɨa pe itumpa-raanga pota vae ani oyemongeta ikavimbae vae re vae, aiporaraukata chupe jeko ae re. Che peYa ko jae kuae.’ ”

EZEQUIEL 36:18

Jáeramo aitɨ chearasɨ jese reta, oporoyuka reta ramo jókuae ɨvɨ pe; echa omongɨa reta, omboete reta tumpa-raanga reta vae rupi.

EZEQUIEL 5:11

Che jae cheyé aeño: Nde remongɨa chero mbaemboetea, opaete nderembiapo ikavimbae yae vae rupi, jáeramo mbaetɨta cheɨ̈ro ndeve ani roparareko;

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

LEVÍTICO 26:30

Amboaita pembaemboete renda ɨvɨtɨ re ñogüɨnoi vae, jare ambosururuta petumpa-raanga reta, jare añonota perëogüegüe petumpa-raanga reta oyekagüe iárambo rupi, echa pɨ̈chɨi yae ko cheve;

MIQUEAS 2:10

Pepüa jare peguata, kuae peïa mbaetɨ ko mbutuu pegua, echa ikɨa yae oï, oñererokomegua yae ete oï.

Apocalipsis 18:6

Pemee vi chupe jae omee rami, pemboekovia chupe mókoi ye jembiapo oï rupi. Peyapo mókoi ye chupe jae omee kopa pe ïru vae jou vaerä vae pe yeño.