JEREMÍAS 16:17 - Biblia Guarani Tumpa Iñee

¹⁷ Echa opaete jeko reta aecha; mbaetɨ etei oñemi chegüi vae, iyoa reta ave mbaetɨ ipuere oñemi chegüi.

JEREMÍAS 16:17 ပူးပေါင်းရင်းမြစ်များ

2 CRÓNICAS 16:9

Echa yandeYa omae opaete ɨvɨ re, jae omborɨ ipɨa jupi rupi oiko chupe vae. ¡Kuae reyapo iyarakuaambae rami! Echa kuae güi tenonde kotɨ oimeta ndekotɨ jeta ñeraro.”

JOB 10:14

Jae ko, cheyoa yave, nde remae reï cheyoa re, jare mbaetɨ neɨ̈ro cheve kërai yepe.

JOB 31:4

Jae oikuaa opaete chereko, jare opaete ayapogüe.

SALMOS 109:15

agüɨye yandeYa tiñakañɨ iyoa reta güi, topa etei tomokañɨtei ɨvɨ güi.

SALMOS 139:3

Reikuaa opaete kërai aiko vae, ¡reikuaa opaete ayapogüe!

SALMOS 33:15

Jae ko oyapo opaete vae reta ipɨa, jae oikuaa opaete vae jembiapo reta.

SALMOS 51:9

Eñomi nderova cheyoa reta güi, jare emboai opaete ikavimbae oï cheré vae.

SALMOS 90:8

Oreyoa reñono nderesa róvai, royapo vɨarigüe reñono nderesa róvai.

PROVERBIOS 15:3

YandeYa omae oï opaete re, jeko kavi vae reta re jare jeko kavimbae reta re.

PROVERBIOS 5:21

Echa Tumpa jesa róvai oiko kuimbae ara ñavo; jae omae oï opaete kuimbae jembiapo reta re.

ISAÍAS 29:15

¡Paravete! YandeYa güi oñemi vae reta, oñomi reta iyemongeta jare jembiapo pɨtumimbi pe, jare jei reta: ¡“Mbaetɨ kia yandereecha, mbaetɨ kia yandekuaa”!

ISAÍAS 66:18

“Echa che aikuaa nderembiapo reta, jare ndeyemongeta reta. Oväeta ara, amboatɨ vaerä opaete tëtaguasu jare ñee ambuae mbuae pe imiari vae reta, yogüeruta jare oecha retata cheyemboetea.

JEREMÍAS 2:22

Yepe tëi reyau javo lejía pe, ani oipotagüe javo pe, ërei cheróvai jekuaeñoi ndekɨa ndeyoa pe. Che ndeYa jae.

JEREMÍAS 23:24

¿Oime ra kia ipuereta oñemi chegüi vae? che, opaete rupi ko aï, ara pe jare ɨvɨ pe. Che peYa ko jae kuae.

JEREMÍAS 29:23

Echa ɨvɨ Israel pe oyapo reta ikavimbae: Yogüɨreko aguasa rupi japicha reta jembireko ndive jare jei reta cheree re añetembae, che mbaetɨ ayókuai tëi jei vaerä reve. Che peYa jae kuae.’ ”

JEREMÍAS 32:19

Tuicha yae yemongeta pe vae ko nde jare ndembaepuere yae mbae reyapo vaerä. Nde reecha opaete kuimbae oyapogüe, jare reiporarauka metei ñavo pe, jeko oï rupi jare jembiapo oï rupi.

JEREMÍAS 7:11

¿Kuae o cheree oñeenɨi pɨpe vae, peve jae pa ko imonda vae reta iñemía? Opaete jókuae che aecha ko. Che peYa jae kuae.

EZEQUIEL 8:12

Jare jei cheve: “¿Nde kuimbae, reecha pa Israel iñemuña itenondegua reta oyapo vɨari, metei ñavo itumpa-raanga jɨru pe vae? Echa jae reta jei: ‘Ngaraa yandereecha yandeYa, oeya ma ko kuae ɨvɨ.’ ”

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’

SOFONÍAS 1:12

Jókuae ara, amoendɨta metei mechero jare amboesapeta amae Jerusalén re. Jare aiporaraukata jókuae ipɨagüive ñogüɨnoi vae reta pe, vino kïrii ngatu oï kopa pe rami vae, echa jókuae reta jei iyeupe: ‘¡YandeYa ngaraa oyapo mbae, ngaraa oyapo ikavi vae ani ikavimbae!’

ZACARÍAS 4:10

“Echa jókuae ara oyemboɨpɨ ramo yave mbaeä etei omae jese vae reta oyeroviata, jare oecha retata Zorobabel ipo pe güɨnoi plomada.” Kuae jaɨkue rupi araɨgua jei ye: “Kuae chiu mechero vae reta jae ko yandeYa jesa omae opaete ɨvɨ re vae.”

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.