JEREMÍAS 16:13 - Biblia Guarani Tumpa Iñee

¹³ Jáeramo opata pomombo kuae ɨvɨ güi, ɨvɨ peikuaambaea kotɨ, peñemuñagüe reta ave mbaetɨ oikuaa vae kotɨ, joko pe peyeokuaita ara rupi jare pɨ̈tu rupi tumpa ambuae reta pe, echa ngaraa etei poparareko.’ ”

JEREMÍAS 16:13 ပူးပေါင်းရင်းမြစ်များ

2 REYES 25:21

Joko pe mburuvicha guasu Babilonia pegua oyukauka reta, ɨvɨ Hamat pe. Jökorai tëta Judá oyererajauka tembipɨɨrä iɨvɨ güi.

2 CRÓNICAS 7:20

pogüɨnoeta kuae ɨvɨ amee peve vae güi, jare kuae tupao guasu añono tee cheree re vae amombota cheróvai güi, oikota ïru tëta reta oyóyai yóyai vaeräño.

SALMOS 81:12

Jáeramo amaeño oyapo reta ipɨa jemimbota, yogüɨreko reta iyemongeta ae rupi.

JEREMÍAS 10:18

Echa yandeYa jei: “Añave amondota mombɨrɨ kuae ɨvɨ pegua reta. Aiporarauka yaeta chupe reta, oyandu ete kavi yae reta vaerä.”

JEREMÍAS 14:8

Tumpa, Israel iyeroviaka, yavai vae güi orereepɨ avei vae, ¿maera pa oguataiño vaeecha reyeapo kuae tëtaguasu pe, oguataiño vae opɨta metei pɨ̈tu peguaño vae rami?

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JEREMÍAS 15:14

Roapoukata nderovaicho reta jembiokuairä, ɨvɨ nde reikuaambaea pe, echa chearasɨ oyepota, tata rami opata nemokañɨtei.”

JEREMÍAS 15:4

Ayapota chupe reta vae rupi opaete tëtaguasu reta okɨɨye yaeta, Manasés mburuvicha guasu Judá pegua, Ezequías taɨ jeko pegua, Jerusalén pe oyapo vae re.

JEREMÍAS 16:5

YandeYa jei vi cheve: “Agüɨye eike metei o pe tëogüe oäpiro ñogüɨnoia pe; agüɨye eäpiro ani ndepɨatɨtɨ jese, echa kuae tëta pe ngaraa ma amee chepɨakatu, cheporoaɨu, cheporoparareko. Che ndeYa jae kuaekuae.

JEREMÍAS 17:4

Reeyata ko ɨvɨ che amee ndembaerä vae, roapota nderovaicho reta jembiokuairä, ɨvɨ nde reikuaambaea pe, echa chearasɨ oyepotata tata rami jekuae avei pegua, nemokañɨtei vaerä.”

JEREMÍAS 22:26

Jare rogüɨrajaukata nde jare ndesɨ ïru ɨvɨ pe, mbaetɨ pea pɨpe vae pe, joko pe pemano päveta.”

JEREMÍAS 22:28

¿Jae pa ko Jeconías ɨrɨru oyeka jare mbaetɨ ye osirive vae? ¿Maera pa jae jare iñemuña reta oyemombo ɨvɨ oikuaambae kotɨ?

JEREMÍAS 5:19

Oparandu reta ndeve yave: ‘¿Maera pa kuae oyapo oreve yandeYa Tumpa?’ Javoi ere chupe reta: ‘Pesɨrɨ yandeYa güi jare peyeokuai tumpa ambuae pe peɨvɨ pe rami, jökorai peota peyeokuai ketɨgua reta pe ɨvɨ ambuae pe.’

JEREMÍAS 6:15

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.”

DEUTERONOMIO 28:36

YandeYa opata pererajauka jare peruvicharä peiparavo vae ndive, tëtaguasu mbaetɨ peikuaa jare peñemuñagüe reta ave mbaetɨ oikuaa vae kotɨ. Joko pe peyeokuaita tumpa ambuae ɨvɨra pegua jare ita pegua pe.

DEUTERONOMIO 29:28

jare güɨnoe omombo iɨvɨ güi iyarasɨ yae ete reve, opa güɨnoe omombo ïru ɨvɨ kotɨ, añave oyekuaa oï rami.’