JEREMÍAS 16:12 - Biblia Guarani Tumpa Iñee

¹² Jare pe reta oasa ete ye peyapo ikavimbae jókuae peñemuñagüe reta güi, echa metei ñavo peyapo pepɨa jemimbotaño, mbaetɨ peyeapɨsaka cheré.

JEREMÍAS 16:12 ပူးပေါင်းရင်းမြစ်များ

GÉNESIS 6:5

Jare yandeYa oecha kuimbae reta imbaeyoa jeiete yae ma ɨvɨ pe. Oecha kërai kuimbae reta ipɨa iyemongeta jekuaekuae mbaeyoa kotɨ reteiño.

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

ECLESIASTÉS 8:12

¡Yepe tëi iyoa vae, jeta iyoa reve oikopuku! Ërei che aikuaa vae, jae ko, yogüɨreko kavita Tumpa güiño oipoɨu vae, jaeño omboete vae;

ECLESIASTÉS 9:3

Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.

JEREMÍAS 13:10

Kuae tëta jeko kavimbae vae, ñäteɨ cheporookuai oyapo vae, ipɨa jemimbotaño ombotenonde vae. Omboete jare oyeokuai tumpa ambuae reta pe. Jae ko, jókuae kuakuaa mbaetɨ etei ma ikavi rami.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

JEREMÍAS 18:12

Ërei jae reta jeita ndeve: ‘¡Joko peño mo, nemiariiño ma! Romboete ñotai ko oretumpa-raanga reta; roikota orepɨa jemimbota rupiño.’ ”

JEREMÍAS 22:28

¿Jae pa ko Jeconías ɨrɨru oyeka jare mbaetɨ ye osirive vae? ¿Maera pa jae jare iñemuña reta oyemombo ɨvɨ oikuaambae kotɨ?

JEREMÍAS 7:24

Ërei ngatu mbaetɨ oendu reta, jare mbaetɨ oyapo reta che jae vae, jaeño oyembopɨa täta yae reve yogüɨreko ipɨa jemimbota rupiño. Oyerova vaerägüe chekotɨ, ikupeño omee reta cheve.

JEREMÍAS 7:26

Ërei ngatu pe mbaetɨ peyapo che jae peve vae, jaeño peyembopɨa täta oasa ete ye peñemuñagüe reta güi.

JEREMÍAS 9:14

Oyapo reta ipɨa jemimbotaño jare omboete reta tumpa-raanga Baal reta, tu reta omboe jese rami.

LAMENTACIONES 5:7

Oreñemuñagüe reta iyoa, jare opa ma omano; ërei ore roiporara jae reta iyoa re.

EZEQUIEL 20:30

Ere Israel iñemuña reta pe: ‘YandeYa Tumpa jei körai: ¿Maera pa peyemongɨa peñemuñagüe reta rami? ¿Maera pa pemboete jókuae tumpa-raanga reta ikavimbae yae vae?

AMÓS 2:4

YandeYa jei körai: “Judá pegua reta iyoa yae jeko pegua, mbaetɨta cheɨ̈ro chupe reta; echa güɨröɨro reta mborookuai amee vae jare mbaetɨ oyapo reta, echa itumpa-raanga reta opa omombia reta, jókuae iñemuñagüe reta omboetese vae.

MALAQUÍAS 3:7

Peñemuñagüe reta rami opa pesɨrɨ cheporookuai güi, jare mbaetɨ peñovatu. ¡Peyerova ye chekotɨ jare che ayerova yeta pekotɨ!” Jei yandeYa Imbaepuere yae ete vae. Ërei pere: “¿Mbae rupi pa royerova yeta?”

San Marcos 7:21

Echa pepɨa güi oë opaete peyemongeta ikavimbae, peyuvanga menda re vae, aguasa reta, peporoyuka vae,

DEUTERONOMIO 29:19

Ërei kia nunga vae oendu kuae mborookuai jei vae reve jei yave iyeupe: ‘Che anoita mbɨakatu, yepe tëi ayapo che jaegüe; asavaɨpo rupi amboasata ɨuve.’

DEUTERONOMIO 9:27

Nemaendúa nderembiokuai Abraham, Isaac jare Jacob re, agüɨye emae kuae tëta ipɨa täta vae re, ani iTumpa potambae re, ani iyoa re,

2 Timoteo 3:13

ërei ikavimbae vae iyapoa reta jare oporombotavɨ vae reta, jeieteta ikavimbae oyapo. Jae reta oporombotavɨta jare oyembotavɨukata vi.

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;

JUECES 2:19

Ërei jókuae mburuvicha omano yave, jae reta opa ye oyerova, jare oasa ete ye oikomegua reta iñemuña reta güi, oyeokuai jare omboete reta tumpa ambuae reta; jare mbaetɨ oeya reta jembiapo kavimbae jare jeko kavimbae reta.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”