JEREMÍAS 16:10 - Biblia Guarani Tumpa Iñee

¹⁰ Remoërakua yave opaete vae pe kuae mbaembae reta re, oparandu retata ndeve: ‘¿Maera pa kuae ikavimbae yae vae yandeYa omoërakua orekotɨ? ¿Mbae ikavimbae pa ko oime royapo? ¿Mbae nunga mbaeyoa pa ko oime royapo yandeYa Tumpa kotɨ?’

JEREMÍAS 16:10 ပူးပေါင်းရင်းမြစ်များ

JEREMÍAS 11:17

Echa che, peYa Imbaepuere yae ete vae, poñotɨ temitɨ rami vae ko amombeu kuae susere Judá jare Jerusalén kotɨ, ikavimbae yae vae peyapo jeko pegua chemboarasɨuka, echa peapɨ ikäti kavi vae incienso Baal pe.”

JEREMÍAS 13:22

Rere yave ndepɨa pe: ‘¿Maera ra körai aiko?’ Ndeyoa yae jeko pegua ko körai reiko; ¡jáeramo nemonandi reta jare oyuvanga reta nderé!

JEREMÍAS 2:23

¿Kërai pa ndepuere rere: ‘Mbaetɨ ko chekɨa Tumpa jóvai, mbaetɨ vi amboete tumpa-raanga Baal reta’? Emae kërai ndereko ɨvɨpe kavi pe vae re, emae opaete mbae kërai reyapogüe re. Nde ko, camello kuña taɨrusu vae rami, resɨi oipota rupi vae;

JEREMÍAS 2:35

‘Jekombae ko che, Tumpa ngaraa pochɨ cheve.’ Kuae rere vae jeko pegua che rojäata. Echa rere: ‘Mbaetɨ ko cheyoa.’

JEREMÍAS 44:3

ikavimbae oyapo vae jeko pegua, echa chemboarasɨuka reta omboete tumpa ambuae reta vae rupi, oapɨ reta chupe ikäti kavi vae incienso; tumpa-raanga reta jae reta mbaetɨ oikuaa vae, pe reta ave mbaetɨ peikuaa vae ani peñemuñagüe reta ave mbaetɨ oikuaa vae.

JEREMÍAS 5:19

Oparandu reta ndeve yave: ‘¿Maera pa kuae oyapo oreve yandeYa Tumpa?’ Javoi ere chupe reta: ‘Pesɨrɨ yandeYa güi jare peyeokuai tumpa ambuae pe peɨvɨ pe rami, jökorai peota peyeokuai ketɨgua reta pe ɨvɨ ambuae pe.’

JEREMÍAS 9:11

Jerusalén tëtagüerä ayapota, opɨtata aguarayaɨmba reta jëtarä; jare tëta guasu reta Judá pegua opɨtata ipombae, mbaetɨta kia ave oiko pɨpe.”

OSEAS 12:8

Efraín jei: ‘¡Añete, ayemboikokatu yae, aväe mbaeyekou cheyeupeguarä; ngaraa kia ipuere chemboeko jupimbae rupi kuae mbaravɨkɨ ayapo vae re!’