JEREMÍAS 15:9 - Biblia Guarani Tumpa Iñee

⁹ Jeta imembɨ vae ipɨatɨtɨ yae, jare ipɨtu yae opɨta, imara jare oñemomichi yae, ara jembipe vae pɨtumimbi chupe. Kia nunga chugüi reta oikoveño vae, jovaicho reta pe ayukaukata. Che ndeYa jae kuae.”

JEREMÍAS 15:9 ပူးပေါင်းရင်းမြစ်များ

ISAÍAS 47:9

Jókuae mókoi mbae reta ou ndeve metei ara peño: repɨtata imemano vae rami, repɨtata imembɨmbae, yepe tëi jeta reñepoano mbɨrae pe, ani yepe tëi jeta reiporu mbaekuaa.

JEREMÍAS 19:7

Kuae pe Judá pegua reta jare Jerusalén pegua reta iyemongeta opata arokomegua chugüi reta. Ameeta jovaicho reta ipo pe oa reta vaerä, opa vaerä oyuka reta; jare jëogüegüe reta chucha reta jembiurä jare mbaeporou reta jembiurä.

JEREMÍAS 21:7

Jaɨkue rupi Sedequías mburuvicha guasu Judá pegua, opaete iyɨvɨrigua jare isundaro reta ndive, jare ñeraro güi, mbaerasɨ ovakatu vae jare karuai güi omomara kuae tëta guasu pe vae reta ameeta Nabucodonosor ipo pe jare ïru jovaicho reta ipo pe. Che ameeta jae reta oyuka vaerä kɨsepuku pe oipararekombae reve. Che ndeYa jae kuaekuae.

JEREMÍAS 44:27

Echa che amaeta aï jese reta, ambou vaerä susere reta yavaete yae vae, mbaetɨta ikavi vae. Opaete Judáɨgua reta yogüɨreko ɨvɨ Egipto pe vae omanota ñeraro ani karuai rupi, opaetei omano regua.

JEREMÍAS 50:12

Ërei peɨvɨ jare perëta guasu opɨtata ñemomarai pe. Jae ko tëtaguasu reta güi ɨ́vɨkotɨ yaeta opɨta; ipombae, otini jare oasavi etei vae.

JEREMÍAS 6:4

Tovaicho reta jei: “¡Peyeapo katu ñañoraro vaerä! ¡Pepüa, ñaporepeña Jerusalén re, kuaraɨ ara mbɨte ma yave! Ërei, ¡kaaru yae ma, kuaraɨ oa ma!

JEREMÍAS 7:19

¿Cheño ra chemboarasɨuka reta? Mbaetɨ ko, jae reta aeño ko teko oyapo iyeupe oñemomarai vaerä. Che ndeYa jae kuae.

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

LAMENTACIONES 4:10

Kuña reta jupi vae, omboyɨ imembɨ tembiurä; ¡imembɨ reta aeño oyapo reta jembiurä, cherëta guasu iyemboai iara pe!

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

EZEQUIEL 5:13

Aitɨta chearasɨ jare ayemoangapɨɨta jese reta, jayave chepɨakatuta apɨta. Aitɨ ma yave chearasɨ jese reta, chekuaa retata che ko jae iYa vae, che ko jae jare ayapo chearasɨ reve cherägüɨro güi.

1 SAMUEL 2:5

tenonde yave jɨ̈vɨatase vae reta, añave oñemee reta tembíu re; ërei yɨmbɨaɨse vae reta añave mbaetɨ ma yɨmbɨaɨ. Kuña imembɨmbae vae reta, chiu ma imembɨ, jare jeta imembɨse vae reta, añave ipɨtu opɨta.