JEREMÍAS 15:8 - Biblia Guarani Tumpa Iñee

⁸ Aeya ipɨte reta pe jeta imemano vae reta, ɨguasu jembeɨ pe jeta yae ɨvɨkuitï rami. Kuaraɨ ara mbɨte yave ambou chupe reta mano, ichɨ reta re jare imembɨraɨe reta re; iparanoe ambouta chupe reta mbɨatɨtɨ jare kɨɨye.

JEREMÍAS 15:8 ပူးပေါင်းရင်းမြစ်များ

ISAÍAS 3:25

Peraɨe reta opata omano ñeraro pe, jare peraɨe ñeraro regua reta, omanota ñeraroa pe.

ISAÍAS 3:26

Tëta pegua reta oyaeota, jare omondeta temimonde mbɨatɨtɨ pegua, jare ipombae opɨtata.

ISAÍAS 4:1

Jókuae ara mbovɨ yae kuimbae jembɨre jeko pegua, chiu kuña oñomoatata metei kuimbae re, jei retata chupe: “Ore aeño royemongaruta jare ore aeño royembotɨruta, jaeño roipota romenda nde ndive, orereepɨ ñemomarai güi.”

JEREMÍAS 16:3

Echa che ndeYa, jaeta ndeve mbae oasata michia reta oa kuae ɨvɨ pe vae ndive, ichɨ reta jare tu reta ndive vae.

JEREMÍAS 18:21

¡Ërei añave, emee taɨ reta omano reta vaerä karuai ani ñeraro rupi; topɨta kuña reta imembae jare imembɨmbae! ¡Mbaerasɨ yavaetegüe toyuka kuimbae reta, jare ikunumi reta tomano ñeraroa pe!

JEREMÍAS 22:7

Ambouta ndeve kuimbae reta jembiporu ñeraro pegua reve reve, nemokañɨtei vaerä. Oyasɨata nderokɨta reta ɨ̈vɨrare ikavigüe yae vae, jare oñono retata tata pe.

JEREMÍAS 4:16

“Pere tëtaguasu reta pe jare Jerusalén pe: ‘Matɨ güi yogüeru ma tovaicho reta, jäsémbai osapúkai reta ñeraro pegua, tëta guasu reta Judá pegua kotɨ.

JEREMÍAS 5:6

Jáeramo yaguapope oëta kaa güi jare oyuka retata, aguarayaɨmba ñuu rupigua opata ombojaɨ jaɨ reta, yaguapara oporepeñata tëta guasu reta re jare kia oë yave ombojaɨ jaɨta; echa jeiete yae pɨapochɨ reta, jare mbaetɨ jupi reta.

JEREMÍAS 6:26

¡Cherëtaɨgua reta, pemonde temimonde mbɨatɨtɨ pegua, peyapayere tanimbu rupi, peyemonde temimonde mbɨatɨtɨ pegua pe jare peyaeo jasɨ katu yae reve, michia jaevaeño vae omano yave oñeäpiro rami; echa oporomokañɨtei vae outa ete ma yandekotɨ!

LAMENTACIONES 5:3

Tɨ̈reɨ rami ko ore, mbaetɨ oreru; oresɨ reta opɨta imemano vae rami.

EZEQUIEL 22:25

nde ko jae ɨvɨ, neñeemombeúa reta yaguapope rami oporoyuka vae; oporoyuka reta, opɨ̈ro reta ɨvɨ jare mbaeyekou, ombojeta reta imemano vae tëta guasu pe.

OSEAS 4:5

Jáeramo ara pe ani pɨ̈tu yave peata ñeemombeúa oata vi pe ndive, jare ndesɨ amokañɨteita.

San Lucas 21:35

Echa jókuae ara oipokouta opaete ɨvɨ pegua reta, ñuai oporomboa rami.