JEREMÍAS 15:7 - Biblia Guarani Tumpa Iñee

⁷ Opa amoai moai nerëta pegua reta kapii rami, opa anoe tëta guasu reta güi; aeya imichiambaeño chembae vae reta, opa amokañɨtei, echa mbaetɨ oipota oeya jeko reta ikavimbae vae.

JEREMÍAS 15:7 ပူးပေါင်းရင်းမြစ်များ

SALMOS 1:4

Ërei iyoa vae reta mbaetɨ jökorai, mbae javiyugüe ɨvɨtu güɨroveve vae rami.

ISAÍAS 41:16

Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 9:12

Kuaraɨ oëa kotɨ güi Siriaɨgua reta, kuaraɨ oikea kotɨ güi filisteo reta. Metei jeia pe opa voi omokañɨtei reta Israel. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:13

Ërei kuae tëta mbaetɨ oyerova inupaa kotɨ; mbaetɨ oeka reta yandeYa Imbaepuere yae ete vae.

JEREMÍAS 18:21

¡Ërei añave, emee taɨ reta omano reta vaerä karuai ani ñeraro rupi; topɨta kuña reta imembae jare imembɨmbae! ¡Mbaerasɨ yavaetegüe toyuka kuimbae reta, jare ikunumi reta tomano ñeraroa pe!

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

JEREMÍAS 51:2

Ambouta Babilonia pe, jovaicho reta oyapo vaerä chupe, trigo ipire omboveve ɨvate vae reta oyapo rami; jare iɨvɨ opaeteita oitɨvɨro. Echa oväeta ara kañɨtei pegua, oporepeñata jese oipota rupi güi.

JEREMÍAS 9:21

“Mano ou oike yandero pe, oyuka michia reta kaye pe jare taɨrusu reta oka guasu pe.

EZEQUIEL 24:21

‘Ere Israel iñemuña reta pe. YandeYa Tumpa jei körai: Che aröɨro jare amboaita chero mbaemboetea, peyembotuicha jese vae, pe reta peipota yae pemae jese vae; peraɨ reta jare perayɨ reta peeya joko pe vae, opata oyeyukauka reta.

EZEQUIEL 24:25

Jare nde kuimbae, jókuae ara apɨ̈ro yave Israel iñemuña reta güi iñepɨ̈roa, jae ko tupao, ipöra re oyerovia yae reta, oaɨu yae reta vae. Apɨ̈rota vi chugüi reta taɨ jare tayɨ reta.

EZEQUIEL 36:12

Chembae vae Israel iñemuña reta oguatata perupi, jae reta yogüɨrekota peyarä. Jare ngaraa ye ma pemaeño jovaruru iñemuña reta chugüi.’

ZACARÍAS 1:4

Agüɨye peiko peñemuñagüe reta rami, chupe reta tenondegua ñeemombeúa reta oñemoñee, jei reve: YandeYa Imbaepuere yae ete vae jei: Peyerova ye añave pereko kavimbae güi jare perembiapo kavimbae güi; ërei jae reta mbaetɨ oipota oyeapɨsaka jare oendu reta cheñee, jei yandeYa.

San Mateo 3:12

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”

DEUTERONOMIO 28:18

Yepopeyu toa nderaɨ reta re, neremitɨ ia reta re, ndeguaka imembɨ reta re, jare ndevecha reta imembɨ reta re.

DEUTERONOMIO 28:32

Peraɨ jare perayɨ reta oñemeeta perovakei ïru tëta pegua reta pe, peyemombaerasɨta jese reta, ërei ngaraa mbae pepuere peyapo.

DEUTERONOMIO 28:41

Oimeta peraɨ jare perayɨ, ërei ngaraa yogüɨreko pembaerä, echa opata oyereraja tembipɨɨrä.