JEREMÍAS 15:21 - Biblia Guarani Tumpa Iñee

²¹ Rogüɨroasayepeta jeko kavimbae vae reta ipo güi, ¡rogüɨroasayepeta jëia vae reta ipo güi!”

JEREMÍAS 15:21 ပူးပေါင်းရင်းမြစ်များ

GÉNESIS 48:16

Araɨgua chereroasayepe opaete ikavimbae güi vae, tiporerekua kuae kunumi reta re. Kuae reta rupi toiko avei cheree, jare cheru Isaac jee, jare Abraham jee, jare toñemuña reta jeta yeyé kuae ɨvɨ pe.”

SALMOS 27:2

Jeko kavimbae vae reta, chembopɨatɨtɨ vae reta jare cherovaicho reta oyomboatɨ chemokañɨtei vaerä yave, mbaetɨ ipuere reta jare opa ogüɨapi.

SALMOS 37:40

YandeYa omborɨta jare oepɨta, oepɨta iyoa vae reta güi jare güɨroasayepeta, echa yandeYa reño oyeko reta.

SALMOS 97:10

Pe reta, yandeYa peaɨu vae reta, peröɨro ikavimbae; jae oyangareko chupe oñeñono tee vae reta re; jae oepɨ iyoa vae reta ipo güi.

ISAÍAS 29:20

Echa opata ipɨarai vae reta, jare ipɨayemboete vae reta opata, jare opata okañɨ ikavimbaeño oyemongeta oyapo vaerä vae reta,

ISAÍAS 29:5

Ërei güɨramoiño, outa yandeYa Imbaepuere yae ete vae oiporarauka vaerä nderovaicho reta pe ara rɨapu rupi, ɨvɨkana rupi, mbae täta jɨapu vae rupi, ama ɨvɨtuai reve jare kusumirou guasu rupi, jare tata yavaetegüe rupi. Jare jókuae nderovaicho jeta yae vae opɨtata ɨvɨkúi rami, jare jëia yae vae reta opɨtata ɨtɨ rami.

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 54:17

Ngaraa ipuere ndemboai metei ave tembiporu ñeraro pegua oyeapogüe. Remoamɨrita oipotagüe oñemopüa tëi ñeapo rupi ndekotɨ vae. Jökoraita ko opaete cherembiokuai reta, köraita ko oporomoamɨri reta.” Jei yandeYa.

ISAÍAS 60:16

Tëtaguasu reta omeeta ndeve tembíu ikavigüe jare mburuvicha guasu reta güeruta ndeve imbaeyekou reta; jayave peikuaata che peYa ko jae pereroasayepe vae, che, Imbaepuere yae ete vae Jacob pe vae, che ko jae ndeReepɨ vae.

JEREMÍAS 16:1

YandeYa jei cheve körai:

JEREMÍAS 20:13

¡Petairari yandeYa pe, pemboete yandeYa! Echa jae oepɨ oyererekoasɨ katu vae, jeko kavimbae reta ipo güi.

JEREMÍAS 26:24

Ërei Ahicam, Safán taɨ, omoë iñee oepɨ vaerä Jeremías, jare kuae jei vae rupi mbaetɨ omboeterenga reta Jeremías opaete vae reta ipo pe, oyuka reta vaerä.

JEREMÍAS 31:11

Echa yandeYa güɨnoe ye Jacob iñemuña reta, oyora metei tëtaguasu imbaepuere yae ete chugüi reta vae güi.

JEREMÍAS 38:28

Jare Jeremías opɨta tembipɨɨrɨru joka pe, Jerusalén oa regua tovaicho reta ipo pe.

JEREMÍAS 39:11

Nabucodonosor, mburuvicha guasu Babilonia pegua oyókuai yepe Nabuzaradán, sundaro omaeäro vae reta juvicha, Jeremías regua, körai:

JEREMÍAS 39:12

“Ndepo pe toï, eyangareko jese, agüɨye eyuvanga jese, jaeño emee chupe opaete jae oiporu ndeve vae.”

JEREMÍAS 50:34

Ërei iyoraarä vae jae ko Imbaepuere yae vae; jae ko jee yandeYa Imbaepuere yae ete vae. Jae oyapota opaete mbae jupi vae chupe reta; güeruta mbɨakatu kuae tëtaguasu pe, ërei Babilonia pegua reta pe güeruta kɨɨye rai.”

DANIEL 3:17

Oreruvicha guasu, mase, oreTumpa royeokuai chupe vae ipuere ko orereepɨ horno jendɨvuku oï vae güi; jare ndepo güi ave orereepɨta ko.

DANIEL 3:25

Jare jae jei: —Ërei che aecha aï irundɨ kuimbae reta oyepokuambae oguata tata mbɨte rupi, mbaetɨ etei mbae tata oyapo chupe reta; jare jókuae irundɨa kuimbae tumpa retaecha oyekuaa.

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

Romanos 16:20

jayave Tumpa mbɨakatu omee vae ɨmambae tomoamɨri Satanás, toñono pepɨ igüɨ pe. YandeYa Jesucristo ipɨakavi toï pe reta ndive.

2 Corintios 1:10

Echa jae orereroasayepe mano güi, jare jekuae orereroasayepe yeta mano güi,