JEREMÍAS 15:16 - Biblia Guarani Tumpa Iñee

¹⁶ Nde chemomiari yave che amboresive, aipɨɨ kavi cheyeupe neñee reta; jae ko chembopɨakatu vae jare chemboyerovia vae, echa che ndembae ko, cheYa Tumpa Imbaepuere yae ete vae.

JEREMÍAS 15:16 ပူးပေါင်းရင်းမြစ်များ

NEHEMÍAS 8:12

Jayave opaete vae reta yogüɨraja okaru jare oɨu, oyombopota reta tembíu pe, ovɨa katu jare oyerovia yae reta, echa oikuaa kavi ñee reta omboe reta jese vae.

JOB 23:12

Mbaetɨ apia jae iporookuai güi, ambotenonde iñee, tembíu güi.

SALMOS 119:111

Ayemombae ndeporookuai reta re jekuae avei pegua. Echa jae ko chemboyerovia katu vae.

SALMOS 119:16

Ayeroviata ndeporookuai reta re, jare ngaraa cheakañɨ neñee reta güi.

SALMOS 119:72

Mborookuai reta oë ndegüi vae, ikavi yae ete cheve, oro ani korepoti jeta yae vae güi.

SALMOS 119:97

¡CheYa, aaɨu yae ndeporookuai reta! ¡Chekaaruiño ayemongeta jese!

SALMOS 19:10

¡Ipotaa yae ko oro güi, oasa yé ipotaa oro ikɨambae güi! ¡Jëeasɨ yae ei güi, ñana rupigua ei güi!

JEREMÍAS 14:9

¿Maera pa reï metei kuimbae ipɨakañɨiño omae ngatu vae rami, metei ñeraro regua jëia vae mbaetɨ oporoepɨ rami? Ërei, nde cheYa reï ore ndive, opaete vae oikuaa ndembae vae reta ko ore; ¡agüɨye orereeya!

EZEQUIEL 2:8

Ërei nde kuimbae, eyeapɨsaka che jae ndeve vae re, agüɨye neñeereenduä jae reta iñeereenduä rami, eyurupeka jare jeu ameeta ndeve vae.”

MIQUEAS 2:7

Jacob iñemuña ko ore, pere peyeupe, ¿mbaetɨ ma pa ipɨaguasu yandeYa? ¿Jökorai pa jae jeko? ¿Mbaetɨ pa ikavi iñee ikavi yae yogüɨreko vae reta pe?